绍兴莲花落 | 洪标个人专‪辑‬ 绍兴曲艺

前头绑着王桂英轿里头坐着一个畜生人可怜葛位王桂英跪在法场昏沉沉挡箭牌插项颈五花大绑实伤心周扒皮葛畜生人监斩台高头坐端正唱个头再变灵清回文转来唱啥人要唱兰芳超派家人抬着棺材往法场行一只手杀头饭拎一拎一只手领着囡孙小莹莹表：王桂英啦囡也来哉哦！拨倻姆妈来穿孝。头高头一吊白布，一身孝服，一双小鞋红后跟包包。小莹莹蛮聪明个，路高头来哒打听爷爷。“爷爷，侬话拨我到姆妈里去呀。爷爷～”“莹莹，事到如今。做爷爷的也不来瞒你。呶，夯头跪着的是倷姆妈！倷姆妈一场冤枉官司要杀头哉！侬去倷姆妈讴两声哦”小莹莹一见倻姆妈披头散发，五花大绑跪着么。伊倒连滚带爬扑上前去。“娘～姆妈呀～啊～”唱：姆妈呀，我在叫侬可知情，姆妈呀，我实侬欢喜个小莹莹，姆妈呀，侬披头散发勿像宁，十只手指血淋淋，姆妈呀，我不侬麻绳松一松，我不侬血迹揩干净姆妈呀，侬为啥今早表做宁，侬要跟莹莹讲真情姆妈呀……王桂英神志渐渐来清醒，耳听有人哭娘亲，姆妈……姆妈……啊莹莹，母亲，我儿，娘，（白）母女抱头痛哭，母女相会法场上，生离死别好悲伤，莹莹呀，实指望，伢合家欢乐度时光，想勿到半途将侬莹莹抛，儿呀儿，今日为娘赴阴曹，你小宁堆里头一勿可相骂讨，儿呀儿，侬个困相勿大好，寒夜棉被要自塞牢，春天勿可去放鹞，若还春天去放鹞，放鹞放到半天高，侬眼睛对付鹞，倘若是，石板高头来绊倒，侬个小命要难保，儿啊儿侬夏天勿可去抲知了若还侬夏天抲知了，倘若丫叉来断掉，侬个小命要难保，儿啊儿，秋天勿可蛐蛐搞，若是秋天蛐蛐搞，小手里毒气要染牢付付付勿掉，侬个小命要难保，莹莹啊，冬天勿可冰去搞，若是冬天冰去搞，冰高头要滑一跤侬要翻落大河江，别宁是爹娘大人在身旁，可怜侬，讴讴爹，爹不晓，找找娘，无处找，儿呀儿，侬为娘个说话要记牢伢母女永别在今朝。