Leitisstein Kringvarp Føroya

Føroyski fólkamálmsbólkurin Hamradun ljóðar meira enn nakrantíð sum Hamradun á nýggju útgávuni Nætur níggju, ið er tann triðja hjá bólkinum. Í sambandi við útgávuna og útgávukonsertirnar í Norðurlandahúsinum, eru Pól Arni Holm, Uni Debess og John Åge Frost á gátt í sendingini og tosa um útgávuna og spæla allar sangirnar á henni.

Sum tannáringur skrivaði Óli Poulsen millum aðrar sangirnar Heystið, Hey tú verð, Nýtt lív og So lítið skilji eg. Hann setti sær fyri at innspæla sangirnar einsamallur, tí vinmenninir, sum hann spældi í orkestri saman við, tímdu ikki at spæla hansara sangir. Innspælingin av sangunum í upptøkuhølunum hjá Evagelisku røddunum á loftinum í Ebenezer í Havn gjørdist startskotið til eina yrkisleið sum tónleikaframleiðari fyri Óla Poulsen. Í dag stendur Vónir-útgávan, ið kom út í 1984, sum ein varði í føroysku tónleikasøguni.

Tónleikurin í sendingini er, sum altíð, spikahamrandi feitur og sera fjøltáttaður. Nógvur nýggjur rokkur er at hoyra við eitt nú Lenny Kravitz, The Black Crowes, The Black Keys, Kings of Leon, Nick Cave og øðrum. Men tað er eisini góður americana-tónleikur við Mt. Joy og The Secret Sisters, og alternativur indie tónleikur við Vampire Weekend, girl in red, Brittany Howard og Mitski.

Herfyri blivu Jóan Jakku Guttesen og Magnus á Stongum heiðraðir í heimbygdini Sørvági við einum fagnaðarkvøldi. Hetta hendi í sambandi við, at teir fyltu áivkavis 75 og 74 ár. Teir báðir eru gestir í sendingini, har róð aftur á tónlistaleið teirra heilt frá byrjanini við Goebbels & The Gambelers til Tinganest, soloútgávur og Stongum & Guttesen. 

Sendingin er eitt tyssi av spikahamrandi feitum og fjøltáttaðum tónleiki. Í Leitisstein er alt frá americana og country, frá popp til rokk, og so alt harímillum. Hoyr nýggjan tónleik við Nick Cave and the Bad Seeds, Kacey Musgraves, The Black Keys, Adrianne Lenker, Gossip, St. Vincent, Mumford and Sons, Cage the Elephant og øðrum

"Men Guðs hond er sterk" kallast fjórða heildarútgávan hjá føroyska dómadagstungmálmbólkinum Hamferð. Plátan, sum tekur støði í skaðagrindini í Sandvík í 1915, tá 14 menn í bestu árum sjólótust, tá teir royndu at halda einari grind til, er tema í sendingini. Jón Aldará, sangari, og gittarleikararnir Theodor Kapnas og Eyðun í Geil Hvannastein eru gestir.