Our Weekly Cookie Podcast Ron Sarte Banzagales

Episode 004: Si Hesus sa bahay ni Zacheo

Sa panahon ngayon, marami ang sumisigaw ng pagbabago---pagbabago sa lipunan, pagbabago sa pamahalaan, pagbabago sa pinagtatrabahuhan, pagbabago sa ating kapwa, at pagbabago sa ating sarili.
Pero possible nga ba ang pagbabago?
Ngayong linggo, tunghayan kung paano nagkaroon ng pagbabago sa buhay ng isa sa mga tauhan sa kuwento na matatagpuan sa Lukas 19:1-9.

Download transcript: http://tinyurl.com/owcphil004
Join us: tinyurl.com/owcphilippines
Visit: polanguialbay.com/weekly-cookie

Episode 003:
Ang Talinghaga ng Lingkod na Di Marunong Magpatawad

Kaibigan, madali ba sayo ang magpatawad? May mga pagkakamaling madaling patawarin.May mga pagkakamali naman na mahirap patawarin dahil sa labis na sakit na idinulot nito sa ating damdamin.
Sa ating kwento ngayong linggo, pakinggan kung anong nangyari sa tauhan sa kwento na hindi marunong magpatawad. Ang kuwentong ito ay matataggpuan sa Mateo 18:21-35.

Read more here: tinyurl.com/owcphilippines

Our Weekly Cookie | Ang Lingguhang Apa
with Ron Sarte Banzagales (Voice Over)

Episode 002: Ang Alibughang Anak (The Prodigal Son)

MUSIC: WHEN GOD RAN BY PHILLIP, CRAIG AND DEAN
Background Music:
Jesus At The Center - DappyTKeys Piano Worship

Words/Story by: Janeth Dasco
Produced by: Red Walk Boy Production

Download the Transcript here: http://goo.gl/iHfwvv

Theme: Mag-impok ng Kayamanan sa Langit

Kaibigan, kung ikaw ay bibigyan ng isang milyong piso, anong gagawin mo dito? Siguro, ipagagawa mo ng bahay o ipamimili mo ng kailangan mo, o baka ipambabayad ng utang o kaya naman itatayo ng negosyo. Ano bang gagawin mo?
Mayroon akong kuwento sayo patungkol sa isang mayaman na umani ng sagana.Pakinggan mo kung anong plano niyang gawin sa kanyang ani.

Ang maikling kuwentong ibabahagi ko ay matatagpuan sa Lukas kabatana 12, mga talatang 13-21.
Ang Talinghaga Tungkol sa Isang Mayamang Hangal
Ang bukirin ng isang mayaman ay umani ng sagana. Kaya’t nasabi niya sa sarili, ‘Ano ang gagawin ko? Wala na akong paglagyan ng aking ani! A, gigibain ko ang aking mga kamalig, at magtatayo ako ng lalong mas malalaki. Oo, doon ko ilalagay ang aking ani at ari-arian. At sasabihin ko sa aking sarili, Ayan! Marami na akong ari-arian! Hindi na ako kukulangin habambuhay! Kaya’t mamamahinga na lang ako, kakain, iinom at magsasaya!Ngunit sinabi sa kanya ng Diyos, ‘Hangal! Sa gabing ito’y babawian ka ng buhay. Kanino mapupunta ang mga bagay na inihanda mo?’ Ganyan an sasapitin ng nagtitipon ng kayamanan para sa sarili, ngunit dukha naman sa paningin ng Diyos. Lukas 12:13-21

Ayon sa kuwento, mayroong isang mayaman na sobrang dami ng ani kaya naisip niyang mamahinga at magpakasaya na lang sa buhay. Akala niya mangyayari ang mga plano niya ngunit sa oras ding iyon, binawi ng Diyos ang buhay niya. Sa madaling salita, siya ay namatay.

Ang buhay nga natin dito sa mundo ay walang katiyakan. Walang katiyakan kung hanggang kailan tayo mabubuhay at kung kailan tayo mamamatay. Magpayaman man tayo nang magpayaman, mapapakinabangan natin ito pansamantala pero paano kapag tayo ay patay na?

Sinasabi sa Mateo kabanata 6, talatang 20-21, “Sa halip, mag-impok kayo ng kayamanan sa langit; doo'y walang naninirang insekto at kalawang, at walang nakakapasok na magnanakaw. Sapagkat kung saan naroroon ang iyong kayamanan, naroroon din ang iyong puso.”
Ang mga talatang ito ay nagsasabing mas bigyan natin ng pansin ang pag-iipon ng kayamanan sa langit kaysa sa kayamanan ditto sa lupa. Magagawa nating makapag-ipon ng kayamanan sa langit sa pamamagitan ng pagkilala sa Diyos, pagtanggap sa kanya sa ating buhay, pagkaroon ng relasyon sa Kanya, paglingkod sa Kanya at sa ating kapwa.

Ngunit hindi ko naman sinasabi na hindi na tayo magtatrabaho o mag-iipon ng pera. Kailangan pa rin iyon. Mas bigyan lang ng halaga ang mga bagay patungkol sa Diyos dahil ang sinumang nagpapahalaga sa kanya ay hindi naman niya pababayaan.
Manalangin tayo.
Panginoong Diyos, lumalapit po kami sainyo at nagpapakumbaba. Patawarin niyo po kami dahil nakatuon lang ang aming isip at puso sa mga bagay ditto sa mundo. Baguhin niyo po kami at tulungan niyo po kaming makapag-impok ng kayamanan diyan sa langit. Tulungan niyo po kami na makilala pa naming kayo ng lubusan. Gamitin niyo po ang aming buhay upang makapaglingkod kami sa inyo. Ito po ang aming dalangin sa pangalan ni Hesus, amen.

~ Story by Janeth Dasco