InspireFikra Agness Gabriel

Ukilichukulia kosa ulilofanya leo kama funzo unaondoa uwezekano wa kurudia tena kosa hilo hilo kesho. Lakini ni ngumu kufanya hivyo kama bado unaendelea kujihukumu kwa kutenda kosa, jisamehe, kisha jifunze.

Historia ya maisha ya mwanadamu inaundwa na orodha ya maamuzi anayoyafanya leo. Uamuzi (choice) ni nguvu ambayo mwanadamu pekee ameruhusiwa na muumba wake kuwa nayo. Kama unavyowajibika kufanya uamuzi vivyo hivyo unawajibika moja kwa moja na matokeo ya uamuzi wako. Leo ninakuuliza swali ambalo naamini ukitafakari na ukalitumia ipasavyo, itakusaidia kufanya maamuzi sahihi zaidi katika maisha yako. Jaribu kabla hujafanya uamuzi wowote ule jiulize “Je nitaweza kuishi na matokeo ya uamuzi ninaoufanya?”.

Binadamu ana mipango na matarajio mengi sana, lakini wakati mwingine maisha humpeleka kwenye njia tofauti mbali na ile sehem aliyokua anatarajia kufika baada ya kipindi fulani. Je ulipo sasa ndipo ulipotarajia kuwa miaka mitano iliyopita? Kama sivyo, unafanyaje? Agness anaongele hili kwenye episode ya kwanza ya Inspire Fikra. Karibu

Karibu. Huu ni muhtasari wa mengi mazuri na yakuhamasisha ninayotarajia kukushirikisha kupitia Podcast hii. Tunaanza na NDOTO, maana kila jambo zuri na la kushangaza unaloliona hapa duniani limesababishwa na mtu mmoja aliethubutu kuota. Ilhali pumzi bado unayo basi haujachelewa, thubutu kuota.