2011年3月12日，喺美國馬里蘭州貝塞斯達市嘅一間運動服裝同瑜伽品牌店鋪入面，兩名店員被發現雙雙倒臥喺店鋪不同位置，身上仲充滿血跡。而收銀櫃，入面嘅現金，就全部俾拎走，睇黎，就好似發生咗一單殺人同盜竊案 。但警方深入調查後，發現事情冇想像中咁簡單，而一切起因竟然係黎自一條價值只係120蚊美金嘅瑜伽褲。咁到底，當中發生咗啲乜嘢事呢？就等我地返到去2011年3月嘅美國馬里蘭州，重溫事情發展嘅經過。