Düt un dat op Platt NDR 1 Niedersachsen

Dat geiht üm de grote Waldbrandgefohr, man wi hebbt ok wat to Pingsten, stellt en över 80-jährige Schachspeler vör, de nu bi de Weltmesterschup op Kos is, un kiekt na den Möhlendag in Bühren in`n Kreis Göttingen.

In düsse Utgaav dreiht sik dat nich blots eenmol üm den Moderdag, man wi hebbt ok Schauspelersche Sandra Keck bi en Insatz bi't Amateurtheater seihn un de Band Wippsteert harr en dulle Idee för us Gala vun "Vertell doch mal".

75 Johr in den sülvigen Posaunenchor is en Kierl ut Weener, wi stellt em vör. Denn gifft dat en Bericht över dat Stück, dat vun'n 15. an in't Ohnsorg-Theater lopen deiht, un Lars "Snutenhobel" Linek hett en niege CD rutbracht, de stellt wi ok vör.

Wi kiekt na't Olland, wo de Bööm all bannig fröh blöhen doot un dat gifft wat to'n Weltdag vun't Book. Wi gratuleert Rolf Petersen to den Zonser Darstellerpries un Heiko Thomsen to den Fritz-Reuter-Pries. Un wi stellt en Automechaniker vör, de Lüüd brukt.

De Vereen "Steernsnupp" in't Rheiderland kümmert sik üm Wünsch vun Lüüd, de starvenskrank sünd. Wi stellt em vör. Denn kiekt wi op den groten Plattdüütschdag för Hamborg un op en niegen Översetterpries, den dat geven schall. Un smuustert ward natürlich ok.

Wi stellt Ji en Trans-Fro vör, de jümehr Beleevnisse opschreven un as Book rutgeven hett. Denn kiekt wi na dat Projekt "Gelebte Geschichte" bi't Freilichtmuseum an'n Kiekebarg un hebbt wat to'n Smuustern - över Hochtied un Huusdeerten.