" ကိုယ့်ဘဝကို ချီးမွမ်းဂုဏ်ပြုလေလေ၊ ကိုယ့်ဘဝမှာ ဂုဏ်ပြုစရာကိစ္စတွေ ပိုများလေလေပါပဲ - အော်ပ

မီဒီယာနယ်ပယ်ပိုင်းမှာရော၊ စာပေလောကမှာပါ မသိသူမရှိလောက်အောင် ကျော်ကြားထင်ရှားတဲ့သူတွေထဲမှာ ရုပ်သံအစီအစဉ်တွေရဲ့ ဘုရင်မအဖြစ်သတ်မှတ်ခံထားရတဲ့ အော်ပရာဝင်းဖရေးက မပါမဖြစ်ပါပဲ။ သူမဟာ အစီအစဉ်တင်ဆက်သူအဖြစ်နဲ့သာမက ရုပ်ရှင်ထုတ်လုပ်သူ၊ စာရေးဆရာမ ၊ သရုပ်ဆောင်နဲ့ ပရဟိတသမား အဖြစ်နဲ့ပါ ကျင်လည်လှုပ်ရှားလျက်ရှိတဲ့သူဖြစ်ပြီး ဩဇာတိက္ကမအကြီးမားဆုံးအမျိုးသမီးတစ်ဦး အနေနဲ့လည်း သတ်မှတ်ခံထားရပါတယ်။

လက်ရှိအချိန်မှာ သူမရဲ့ ချမ်းသာကြွယ်၀မှုအတိုင်းအတာက ဘီလီယံနဲ့ချီပြီး ရှိနေတယ်ဆိုပေမဲ့ ငယ်စဉ် ဘ၀တုန်းကတည်းက သူမဟာအလွန်တရာကို ခက်ခဲကြမ်းတမ်းလွန်းလှတဲ့ လောကဓံရိုက်ချက်တွေကို ရင်ဆိုင်ခံစားခဲ့ရသူ ဖြစ်ပါတယ်။ အော်ပရာ ဝင်းဖရေးဟာ သူမရဲ့ပထမဆုံးတီဗီအစီအစဉ်တင်ဆက်သူအလုပ် ကနေ တီဗီနဲ့မဆံ့ဘူး၊ အရမ်းဝတယ်ဆိုတဲ့ အကြောင်းပြချက်တွေနဲ့ အလုပ်ထုတ်ခံခဲ့ရပါတယ်။ ဒါ့အပြင်  အလုပ်ခွင် တီဗီပရိုဂရမ်တစ်ခုမှာ သူမဟာ လိင်ပိုင်းဆိုင်ရာအနိုင်ကျင့်အကြမ်းမှုတွေကို ခံစားခဲ့ရပါတယ်။ သူမရဲ့ဘဝဟာ အခက်အခဲတွေအပြည့်နဲ့ ပြည့်နှက်နေခဲ့ပေမယ့် သူမဟာ စိတ်ဓာတ်မကျခဲ့၊ လက်မလျှော့ခဲ့ တာကြောင့်အခုဆိုရင် သူမဟာ တီဗီအစီအစဉ်တွေရဲ့ဘုရင်မတစ်ဆူ၊ ရုပ်သံစကားပြော အစီအစဉ်တွေရဲ့ စံနမူနာ လူတစ်ယောက်ဖြစ်လာပြီး Forbes စီးပွားရေးမဂ္ဂဇင်းရဲ့ သုံးသပ်ချက်အရ သူမရဲ့ပိုင်ဆိုင်မှုကဒေါ်လာ၂.၉ ဘီလီယံရှိပါတယ်။

 သူမအခုလိုအောင်မြင်တာဟာ အဖွားရဲ့အားပေးမှုတွေကြောင့်လို့ ဝင်းဖရေးက ပြောပါတယ်။ “အဖွားက ကိုယ့်ကိုယ်ကိုယ် အကောင်းမြင်ဖို့ ကျွန်မကို သင်ပေးခဲ့တယ်”လို့ပြောခဲ့ပါတယ်။ ဒီနေ့ Z-Lannရဲ့ “ အဆိုအမိန့်ထုံး နှလုံးမူ “ အစီအစဉ်ကနေ “ကိုယ့်ဘဝကို ချီးမွမ်းဂုဏ်ပြုလေလေ၊ ကိုယ့်ဘဝမှာ ဂုဏ်ပြုစရာကိစ္စတွေ ပိုများလေလေပါပဲ “လို့ဆိုခဲ့တဲ့ အခက်အခဲတွေဘယ်လောက်ကြုံခဲ့ရပါစေ အကောင်းမြင်စိတ်အပြည့်နဲ့‌‌ဘဝကိုရှေ့ဆက်လျှောက်ခဲ့တဲ့ အတုလေးစားစရာကောင်းတဲ့ အော်ပရာဝင်းဖရေးရဲ့ အဆိုအမိန့်တွေထဲကတစ်ခုကို ဇာတ်လမ်းပရိသတ်ကြီး အတွက် ထုတ်နှုတ်တင်ဆက်ပြသပေးသွားမှာပဲ ဖြစ်ပါတယ်။#ZLann #ZLann_Podcast #အဆိုအမိန့်ထုံးနှလုံးမူ #အော်ပရာဝင်းဖရေး #OprahWinfrey