Z-Lann

0,0 (0)
GESELLSCHAFT UND KULTUR

Welcome to Z-Lann, your number one stop for quality audio stories, all in the Myanmar language. Find your latest local and international entertainment, educational and drama audio stories right here on Z-Lann!

VOR 14 STD.

" စွမ်းအားကြီးတဲ့ ဒဏ္ဍာရီလာ ငှက်သတ္တဝါ ဂဠုန် "

ဒီနေ့ ဇာတ်လမ်းပရိသတ်ကြီးတို့အတွက် “ပါးစပ်ရာဇဝင် တို့၏ ဒဏ္ဍာရီ” အစီအစဉ် ကနေ တင်ဆက်ပေးမှာက နဂါးတို့ရဲ့ ရန်ဘက်ဖြစ်တဲ့ “ဂဠုန်”အကြောင်း ဖြစ်ပါတယ်။ ဒဏ္ဍာရီလာ သတ္တဝါတွေထဲမှာ နဂါးတွေကို ကမ္ဘာ့နိုင်ငံအနှံ့အပြားမှာ ပုံစံအမျိုးမျိုးနဲ့ ဖော်ပြမှုတွေရှိကြပေမဲ့ နဂါးရဲ့ ရန်ဘက်ဖြစ်တယ်လို့ဆိုကြတဲ့ ဂဠုန်တွေကို အရှေ့တိုင်း ဒဏ္ဍာရီ တွေထဲမှာ ပိုမိုတွေ့မြင်ရပြီး အနောက်တိုင်း ဒဏ္ဍာရီထဲမှာတော့ တွေ့မြင်ရမှုနည်းပါးပါတယ်။ အင်ဒိုနီးရှား နိုင်ငံမှာဆိုရင် ဂဠုန်ငှက်ကို နိုင်ငံတော်သင်္ကေတ အဖြစ် အသုံးပြုပြီး ထိုင်းနိုင်ငံမှာဆိုရင် လည်း ထိုင်းဘုရင် မိသားစုရဲ့ အမှတ်တံဆိပ် အဖြစ် အသုံးပြုကြပါတယ်။ ဒါကြောင့် ဇာတ်လမ်းပရိသတ်ကြီးတို့လည်း စိတ်ဝင်စားဖွယ် ဂဠုန်အကြောင်းကို လေ့လာနိုင်စေဖို့ တင်ဆက်ပေးလိုက်ပါတယ်။ #ZLann #ZLann_Podcast #ပါးစပ်ရာဇဝင်တို့၏ဒဏ္ဍာရီ #ဂဠုန် #Garuda

5 Min.
VOR 14 STD.

" ရှေးဓလေ့ထုံးတမ်းတွေထဲက တစ်ခုဖြစ်တဲ့ ဇာတာရေးဖွဲ့တဲ့ ဓလေ့ထုံးတမ်း"

မြန်မာလူမျိုးတွေမှာ ဓလေ့ထုံးတမ်းအစဉ်အလာများစွာ ရှိပါတယ်။ ဒီလိုဓလေ့ထုံးတမ်းများစွာထဲကမှာ လူ တစ်ယောက်မွေးဖွားချိန်ကစပြီး ကွယ်လွန်တဲ့အချိန်ထိ အရေးပါတဲ့ ဓလေ့ထုံးတမ်းတစ်ခုကတော့ ဇာတာဖွဲ့ခြင်း ပဲ ဖြစ်ပါတယ်။ တချို့သောမြန်မာလူမျိုးတွေရဲ့ အိမ်ဦးခန်းမှာဆိုရင် ဝါးကျည်တောက်ဗူးလေးတွေနဲ့ ထားရှိတဲ့ ဇာတာတွေ ရှိတတ်ကြပါတယ်။ ဇာတာရေးဖွဲ့ခြင်းကို များသောအားဖြင့် ထန်းရွက်နဲ့ပြုလုပ်လေ့ရှိသလို ဒီလိုဇာတာမျိုးကို ထန်းရွက်ဇာတာလို့ ခေါ်ဆိုကြပါတယ်။ ဇာတာရေးဖွဲ့တဲ့ဓလေ့ထုံးတမ်းက မြန်မာလူမျိုးတွေမှာတင်ရှိတာမဟုတ်ဘဲ အိန္ဒိယလူမျိုးတွေမှာလည်းရှိပြီး သူတို့တွေကတော့ စက္ကူလိပ်နဲ့ပဲရေးဖွဲ့ကြတယ်လို့ သိရပါတယ်။ ဒီနေ့ ဇာတ်လမ်း Z-Lannရဲ့ “သွင်ဟန်ထူးခြား ဓလေ့ထုံးများ”အစီအစဉ်ကနေ ဇာတာပြုလုပ်တဲ့ဓလေ့ထုံးတမ်းအကြောင်းကို အကျယ်တဝင့်ပြောပြသွားမှာဖြစ်လို့ မြန်မာ့ဓလေ့ထုံးတမ်းတွေကို လေ့လာသိရှိနိုင်အောင် အဆုံးထိဝင်ရောက်နားဆင်နိုင်ပါတယ်။ #ZLann #ZLann_Podcast #သွင်ဟန်ထူးခြားဓလေ့ထုံးများ #ဇာတာပြုလုပ်တဲ့ဓလေ့ထုံးစံ

7 Min.
VOR 23 STD.

" မြန်မာ့ရိုးရာထိမ်းမြားလက်ထပ်မင်္ဂလာ"

မြန်မာလူမျိုး အမျိုးကောင်းသား၊ အမျိုးကောင်းသမီးတစ်ယောက်အနေနဲ့ တစ်သက်တာလုံးမှာ မယား တစ်ယောက်၊ လင်တစ်ယောက်ကိုသာ လက်ထပ်ပေါင်းသင်းခြင်းကို တစ်လင်တစ်မယား စနစ်လို့ ခေါ်ပါတယ်။ ဒီလို မြန်မာ့ရိုးရာ ထိမ်းမြားလက်ထပ်မင်္ဂလာမှာ ယဉ်ကျေးမှုဓလေ့ထုံးတမ်းတွေအရ ထိမ်းမြားမင်္ဂလာအမျိုးအစား ဆယ်ပါးရှိပါတယ်။ ဒီနေ့ ဇာတ်လမ်းပရိသတ်ကြီးတို့အတွက် Z-Lann ရဲ့ “ သွင်ဟန်ထူးခြား ဓလေ့ထုံးများ” အစီအစဉ်ကနေ မြန်မာ့ရိုးရာ ယဉ်ကျေးမှုအစဉ်အလာတစ်ခုဖြစ်တဲ့ မြန်မာတို့ရဲ့ " ထိမ်းမြားလက်ထပ်မင်္ဂလာ " အကြောင်းကို တင်ဆက်ပေးသွားမှာ ဖြစ်ပါတယ်။ #ZLann #ZLann_Podcast #သွင်ဟန်ထူးခြားဓလေ့ထုံးများ #ထိမ်းမြားလက်ထပ်မင်္ဂလာ

8 Min.
VOR 1 TAG

" ယုံကြည်သူရော၊ မယုံကြည်သူတွေကြားမှာ သိပ္ပံနည်းကျ အဖြေမတွေ့နိုင်တဲ့ သရဲတစ္ဆေ"

ဟိုရှေးပဝေသဏီကတည်းက သရဲ၊ တစ္ဆေဆိုတာ တကယ်ပဲရှိတာလား ၊ မရှိဘူးလား ၊ ခြောက်လှန့်တတ်သလား ၊ သူတို့ရဲ့ ပုံသဏ္ဍာန်နဲ့ ဘုံဌာန တွေရှိသလားဆိုတာနဲ့ ပတ်သက်တဲ့ အငြင်းပွားစရာ ပြဿနာတွေရှိပါတယ်။ သရဲတစ္ဆေတွေနဲ့ပတ်သက်လို့ ရှေးယခင်ကတည်းက အက္ခရာတင် အမှတ်အသားတွေရှိခဲ့သလို ကျမ်းတတ် အကျော်ဆရာတော်တို့ ဖြေကြားထားမှုတွေလည်းရှိပါတယ်။ ဗုဒ္ဓဘာသာ အယူအဆအရ သတ္တဝါ တွေ သေဆုံးခဲ့မယ်ဆိုရင် ငရဲဘုံသို့လားခြင်း၊ ပြိတ္တာဘုံသို့လားခြင်း၊ တိရစ္ဆာန် ဘုံဘဝသို့လားခြင်း၊ လူ့ဘဝသို့လားခြင်း၊နတ်ဘဝသို့လားခြင်း အစရှိတဲ့ ဂတိ ၅ ပါး မှာ တစ်ခုမဟုတ် တစ်ခု လားရမှာ ဖြစ်ပါတယ်။သရဲတစ္ဆေ တွေဆိုတာ သီးသန့်ဘုံဘဝ မဟုတ်ဘဲ ပေတ လို့ခေါ်တဲ့ ပြိတ္တာဘုံဘဝကို ရောက်ရှိသွားသူတွေလို့ဆိုပါတယ်။ ဒီလို သိပ္ပံပညာထွန်းကားလာတဲ့ခေတ်မှာ သရဲတစ္ဆေဆိုတာ အမှန်တကယ်ရှိတာလား၊မရှိဘူးလားဆိုတာ ယုံကြည်လက်ခံဖို့က ခက်ပါတယ်။ ဒါကြောင့် ဒီနေ့ Z-Lann ဇာတ်လမ်းရဲ့ “ပါးစပ်ရာဇဝင်တို့၏ ဒဏ္ဍာရီ” အစီအစဉ်ကနေ သရဲတစ္ဆေတွေနဲ့ပက်သတ်တဲ့ အကြောင်းအရာတွေကို ဇာတ်လမ်းပရိသတ်ကြီးအတွက် စိတ်ဝင်စားဖွယ် တင်ဆက်ပေးသွားမှာပဲ ဖြစ်ပါတယ်။ #ZLann #ZLann_Podcast #သွင်ဟန်ထူးခြားဓလေ့ထုံးများ #အကျွတ်အလွတ်ပွဲပြုလုပ်ခြင်းဓလေ့ #ဒါနပေးအမျှဝေ

5 Min.
VOR 1 TAG

"ဓလေ့ထုံးတမ်းတွေကြားမှာ ချန်လှပ်ထားလို့မရတဲ့ ဆေးမင်ကြောင်ထိုးခြင်းဓလေ့"

မြန်မာတို့ရဲ့ ရိုးရာယဉ်ကျေးမှုနဲ့ ဓလေ့စရိုက်တွေအကြောင်း လေ့လာကြမယ်ဆိုရင် ချန်လှပ်ထားလို့မရတဲ့ ဓလေ့တစ်ခုကတော့ ဆေးမင်ကြောင်ထိုးတဲ့ ဓလေ့ပဲဖြစ်ပါတယ်။ ဆေးမင်ကြောင်ထိုးတဲ့ ဓလေ့ဟာ တစ်ခေတ်တစ်ခါက မြန်မာ့လူမှုနယ်ပယ်မှာ အတော်လေး ခေတ်စားခဲ့ဖူးပါတယ်။ ဆေးမင်ကြောင်ထိုးတာဟာ ပေါ်လီနေးရှင်းလူမျိုးတွေကနေ စတင်ခဲ့တာဖြစ်ပြီး သူတို့ရဲ့ ဘာသာစကားဖြစ်တဲ့ Ta Tau က‌နေ တက်တူး(Tattoo)ဆိုပြီး အင်္ဂလိပ်အခေါ်အဝေါ်အနေနဲ့ ပြောင်းလဲခေါ်ဝေါ် လာခဲ့ကြတာဖြစ်ပါတယ်။ မြန်မာ့ဆေးမင်ကြောင် သမိုင်းကတော့ ဝိဝါဒအနည်းငယ်ကွဲပြားနေတာကို တွေ့ရပါတယ်။ ဆေးမင်ကြောင် ထိုးတာဟာ ပုဂံခေတ်အရည်းကြီးတွေက စတင်ခဲ့တယ်လို့ ဆိုသူတွေရှိသလို သရေခေတ္တရာ ဥတ္တမသီရိ မထေရ်က အစပြုတယ်လို့လည်း ပြောကြပြီး အချို့ကတော့ "ထိုးကွင်းအစ မောင်ကံက"ရယ်လို့ ဆိုစမှတ်ပြုကြပါတယ်။ ဒီနေ့ Z-Lann ဇာတ်လမ်းရဲ့ “သွင်ဟန်ထူးခြား ဓလေ့ထုံးတမ်းများ”အစီအစဉ်ကနေ ဇာတ်လမ်းပရိသတ်ကြီးတို့ ဗဟုသုတရသွားစေဖို့အတွက် မြန်မာဓလေ့တွေကြားထဲမှာ တွင်တွင်ကျယ်ကျယ်ခေတ်စားခဲ့တဲ့ ဆေးမင်ကြောင် ထိုးခြင်း ဓလေ့အကြောင်းကို တင်ဆက်ပေးမှာဖြစ်ပါတယ်။ #ZLann #ZLann_Podcast #သွင်ဟန်ထူးခြားဓလေ့ထုံးများ #ဆေးမင်ကြောင်ထိုးခြင်းဓလေ့ #Tattoo

11 Min.
VOR 1 TAG

" ရစ်တာစကေး အဆင့် ၈ ကိုခံနိုင်ရည်တဲ့ တရုတ်နိုင်ငံက တံတားကြီး "

တရုတ်နိုင်ငံ၊ ချုံချင့်မြို့မှာရှိတဲ့ Jiangbei ကျန်းပေဒေသနဲ့ Nan'an နန်းအန်းဒေသတို့ကို ဆက်သွယ် ထားတဲ့ တံတားတစ်စင်းဟာတော့ Chaotianmen Yangtze ချောင်ထန်းမန် ယန်ဇီမြစ်ကူးတံတားပဲ ဖြစ်ပါတယ်။ ဒီမြစ်ဖြတ်တံတားရဲ့ စုစုပေါင်းအရှည်က ၁၇၄၁ မီတာရှိပြီး ယန်ဇီမြစ်ရေလမ်းကြောင်းပေါ်မှာ တည်ရှိပါတယ်။ ချောင်ထန်းမန်ယန်ဇီမြစ်ကူးတံတားကြီးဟာ လက်ရှိအချိန်မှာတော့ ကမ္ဘာ့ခုံးအကွာအဝေးအကြီးဆုံး ခုံးတံတားအဖြစ် စံချိန်တင်ထားပြီး အမျိုးအစားတူတံတားတွေအများကြီးရှိတဲ့အထဲမှာ အကြီးဆုံးအဝိုင်းပုံသဏ္ဍာန် တံတားအောက်ခံရှိတဲ့ တံတားတစ်စင်းလည်းဖြစ်ပါတယ်။ ဒီနေ့ဇာတ်လမ်း Z-Lann ရဲ့ “ကမ္ဘာတစ်လွှားပေါင်းကူးထားတဲ့ သင်္ကေတ ”အစီအစဉ်ကနေ ရစ်တာစကေး အဆင့် ၈ ကိုခံနိုင်ရည်တဲ့ တရုတ်နိုင်ငံရဲ့အရှည်လျားဆုံးတံတားတွေထဲကတစ်စင်းအကြောင်းကို ပြောပြပေး သွားမှာပဲ ဖြစ်ပါတယ်။#ZLann #ZLann_Podcast #ကမ္ဘာတစ်လွှားပေါင်းကူးထားတဲ့သင်္ကေတ #ချောင်ထန်းမန်ယန်ဇီမြစ်ကူးတံတား

5 Min.
VOR 1 TAG

" ဗုဒ္ဓဘာသာဝင်တို့ရဲ့ ဒါနပေးအမျှဝေ ကောင်းမှုပြုလုပ်ပွဲဓလေ့"

မြန်မာနိုင်ငံမှာ ရှေးခေတ်အချိန်အခါကတည်းက ယနေ့အချိန်ထိ ယုံယုံကြည်ကြည်နဲ့ ပြုလုပ်နေဆဲဖြစ်တဲ့ဓလေ့တစ်ခုရှိပါတယ်။ အဲ့ဒါကတော့ ဗုဒ္ဓဘာသာတို့ရဲ့ ထုံစံအရ မကျွတ်မလွတ်သေးတဲ့ သူတွေကို ရည်စူးပြီး အလှူဒါနပြုလုပ်ပေးခြင်းပဲ ဖြစ်ပါတယ်။ ဒီလိုမျိုးပြုလုပ်ပေးခြင်းကို အကျွတ်အလွတ်ပွဲပြုလုပ်တယ်လို့ ခေါ်ဆိုပါတယ်။ မကျွတ်မလွတ်သေးတဲ့ ဝိဉာဉ်တွေကို ကျွတ်လွတ်စေရန်, ကောင်းရာသုဂတိဘုံကို ရောက်စေဖို့ရည်ရွယ်ချက်နဲ့ တရားဘာဝနာများ ဟောကြားခြင်း၊ မေတ္တာပို့ခြင်း ၊ အမျှပေးဝေခြင်း နဲ့ အစာရေစာတို့ကို ပေးကျွေးခြင်းတို့ ပြုလုပ်ကြပါတယ်။ ဒီလိုမျိုး မကျွတ်မလွတ်သေးသူတွေအတွက် ရည်စူးလှူဒါန်းပြီး ကျွတ်လွတ်အောင်ပြုလုပ်မှုတွေက ဘုရားရှင်လက်ထက် ကတည်းက တည်ရှိခဲ့ပါတယ်။ဒီလိုတွေအလှူအတန်းပြုလုပ်ပြီး အမျှပေးဝေတာဟာ ကျွတ်ချိန်တန်သူ အများအပြား ကျွတ်လွတ်စေတယ်လို့ ယုံကြည်ပြီး လက်ရှိ အချိန်အထိ ပြုလုပ်ပေးနေကြဆဲဖြစ်ပါတယ်။ ဒီနေ့ ဇာတ်လမ်း Z-Lannရဲ့ “သွင်ဟန်ထူးခြားဓလေ့ထုံးများ” အစီအစဉ်ကနေ ဗုဒ္ဓဘာသာလူမျိုးတို့ရဲ့ ဘုရားရှင်လက်ထက်ကတည်းက ယနေ့အချိန်အထိ ပြုလုပ်ပေးနေကြဆဲဖြစ်တဲ့ အကျွတ်အလွတ်ပွဲပြုလုပ် ပေးခြင်းဓလေ့အကြောင်းကို ဇာတ်လမ်းပရိသတ်ကြီးအတွက် တင်ဆက်ပေးသွားမှာဖြစ်ပါတယ်။ #ZLann #ZLann_Podcast #သွင်ဟန်ထူးခြားဓလေ့ထုံးများ #အကျွတ်အလွတ်ပွဲပြုလုပ်ခြင်းဓလေ့ #ဒါနပေးအမျှဝေ

8 Min.
VOR 2 TAGEN

" တရုတ်ရိုးရာရွှေစက္ကူ ၊ ငွေစက္ကူမီးရှို့ခြင်းဓလေ့"

တရုတ်ရိုးရာဓလေ့ထုံးတမ်းတွေထဲမှာ မပါမဖြစ်တဲ့ ဓလေ့ထုံးတမ်းတစ်ခုကတော့ ရွှေစက္ကူ ၊ ငွေစက္ကူ မီးရှို့ခြင်းပဲ ဖြစ်ပါတယ်။ မိုးနတ်မင်းကို ကန်တော့ရာမှာပဲဖြစ်ဖြစ်၊ ချင်းမင်ပွဲတော်၊ ဘိုးဘေးကန်တော့ပွဲ တွေမှာ ရွှေစက္ကူ၊ငွေစက္ကူတွေကို မီးရှို့လေ့ရှိပါတယ်။ ဒီလိုစက္ကူမီးရှို့တဲ့ ဓလေ့ဟာ ကမ္ဘာပေါ်မှာ စက္ကူစတင်ပေါ်ပေါက်လာကတည်းက ဖြစ်ပေါ်လာတာလို့ ဆိုကြပါတယ်။ ကမ္ဘာပေါ်မှာ စာရေးစက္ကူကို စတင်ဖန်တီးခဲ့တဲ့သူတွေက တရုတ်လူမျိုးတွေပဲ ဖြစ်ပါတယ်။ အရှေ့ဘက်ဟန်မင်းဆက်ခေတ်က ကုန်းကုန်းတစ်ဦးဖြစ်တဲ့ ချိူက်လွင်ဟာ စာရေးစက္ကူကို စတင်တီထွင်ခဲ့ ခြင်း ဖြစ်ပါတယ်။ ဒါဆိုရင် ရွှေစက္ကူ၊ ငွေစက္ကူမီးရှို့တဲ့ ဓလေ့က ဘာကြောင့် ယနေ့အချိန်ထိ ပြုလုပ်နေကြတာလဲ? ရွှေစက္ကူ ၊ ငွေစက္ကူပေါ်ပေါက်လာတာနဲ့ ပက်သတ်ပြီး ပြောဆိုမှုတွေအမျိုးမျိုးရှိပါတယ်။ ဒီနေ့ ဇာတ်လမ်း Z-lann ရဲ့ "သွင်ဟန်ထူးခြား ဓလေ့ထုံးများ "အစီအစဉ်ကနေ ဇာတ်လမ်းပရိသတ်ကြီးအတွက် တရုတ်ရိုးရာဓလေ့ထုံးတမ်းတစ်ခုဖြစ်တဲ့ ရွှေစက္ကူ ၊ ငွေစက္ကူ မီးရှို့ခြင်းဓလေ့အကြောင်းကို ပြောပြပေးမှာ ဖြစ်ပါတယ်။ #ZLann #ZLann_Podcast #သွင်ဟန်ထူးခြားဓလေ့ထုံးများ #ရွှေစက္ကူငွေစက္ကူမီးရှို့ခြင်းဓလေ့

6 Min.

Alle anzeigen (888)

Erstellt von

Z-Lann
Jahre aktiv

2022 - 2025
Folgen

888
Bewertung

Unbedenklich
Sendungswebsite

Z-Lann

Z-Lann

" စွမ်းအားကြီးတဲ့ ဒဏ္ဍာရီလာ ငှက်သတ္တဝါ ဂဠုန် "

" ရှေးဓလေ့ထုံးတမ်းတွေထဲက တစ်ခုဖြစ်တဲ့ ဇာတာရေးဖွဲ့တဲ့ ဓလေ့ထုံးတမ်း"

" မြန်မာ့ရိုးရာထိမ်းမြားလက်ထပ်မင်္ဂလာ"

" ယုံကြည်သူရော၊ မယုံကြည်သူတွေကြားမှာ သိပ္ပံနည်းကျ အဖြေမတွေ့နိုင်တဲ့ သရဲတစ္ဆေ"

"ဓလေ့ထုံးတမ်းတွေကြားမှာ ချန်လှပ်ထားလို့မရတဲ့ ဆေးမင်ကြောင်ထိုးခြင်းဓလေ့"

" ရစ်တာစကေး အဆင့် ၈ ကိုခံနိုင်ရည်တဲ့ တရုတ်နိုင်ငံက တံတားကြီး "

" ဗုဒ္ဓဘာသာဝင်တို့ရဲ့ ဒါနပေးအမျှဝေ ကောင်းမှုပြုလုပ်ပွဲဓလေ့"

" တရုတ်ရိုးရာရွှေစက္ကူ ၊ ငွေစက္ကူမီးရှို့ခြင်းဓလေ့"

Info

Informationen

Z-Lann

Folgen

" စွမ်းအားကြီးတဲ့ ဒဏ္ဍာရီလာ ငှက်သတ္တဝါ ဂဠုန် "

" ရှေးဓလေ့ထုံးတမ်းတွေထဲက တစ်ခုဖြစ်တဲ့ ဇာတာရေးဖွဲ့တဲ့ ဓလေ့ထုံးတမ်း"

" မြန်မာ့ရိုးရာထိမ်းမြားလက်ထပ်မင်္ဂလာ"

" ယုံကြည်သူရော၊ မယုံကြည်သူတွေကြားမှာ သိပ္ပံနည်းကျ အဖြေမတွေ့နိုင်တဲ့ သရဲတစ္ဆေ"

"ဓလေ့ထုံးတမ်းတွေကြားမှာ ချန်လှပ်ထားလို့မရတဲ့ ဆေးမင်ကြောင်ထိုးခြင်းဓလေ့"

" ရစ်တာစကေး အဆင့် ၈ ကိုခံနိုင်ရည်တဲ့ တရုတ်နိုင်ငံက တံတားကြီး "

" ဗုဒ္ဓဘာသာဝင်တို့ရဲ့ ဒါနပေးအမျှဝေ ကောင်းမှုပြုလုပ်ပွဲဓလေ့"

" တရုတ်ရိုးရာရွှေစက္ကူ ၊ ငွေစက္ကူမီးရှို့ခြင်းဓလေ့"

Info

Informationen