牛哥解經（13)：盤古的秘密（1）丨盤古開天闢地咁威水，你就一定聽過，但你有無諗過盤古係咩樣？其實，盤古好可能係乜頭乜身，仲同三皇五帝隻狗有關丨《中國古代神話》

雖然中國成體系嘅神話，已經被孔子所編嘅《六經》打碎，但係神話嘅隻言片語，仍然以唔同嘅形式流傳民間。袁珂嘅《中國古代神話》就係一個嘗試，將各地記載整合。閱讀呢一本書，你會發現神話世界係環環相扣，以前簡單聽過個人名，但其實佢嘅故事反映住神話同當時嘅社會、思想風氣結合。 要講神話，一定要留意神話嘅創世故事。中國神話中嘅創世故事會同邊個角色相關？今集，我會同你睇盤古嘅故事，盤古呢個名最早出現喺漢朝嘅記載。不過，盤古並唔係神話原型，佢嘅原型係你意想不到。今集，我哋就要從流傳至今嘅民間傳說以及《山海經》去重構盤古嘅故事，內容包括： 「世界開始」，我哋由屈原嘅《天問》開始，詢問中國神話係點樣理解世界係從何而來。 「燭龍神」，一齊睇下鍾山燭龍神係咩樣，佢好可能同一個知名嘅神話角色有關…… 「高辛王的狗（盤瓠）」，終於去到戲肉，我哋會聽下瑤族其中一個分支，畬族（音：些）嘅口頭傳說，盤古嘅原初版本可能同高辛王的狗相關 （高辛王即係三皇五帝中嘅帝嚳（音：谷））