សត្វចំនួន ២៥០ប្រភេទ ត្រូវបានអភិរក្ស ក្នុងឧទ្យានស្ថានទូតបារាំងប្រចាំកម្ពុជា

កាលពីរសៀលថ្ងៃទី២៣ ខែកក្កដា ឆ្នាំ២០២៥នេះ ស្ថានទូតបារាំងប្រចាំកម្ពុជាបានបើកសម្ពោធសៀវភៅរូបភាពមួយក្បាលស្តីពី «ដំណើរស្វែងយល់អំពីពពួកសត្វនៅក្នុងឧទ្យានស្ថានទូតបារាំង»។ សៀវភៅដែលជាស្នាដៃថ្មីមួយនេះ បានបង្ហាញអំពីសត្វប្រមាណ ២៥០ប្រភេទផ្សេងៗគ្នា កំពុងរស់នៅក្នុងឧទ្យានស្ថានទូតបារាំង ដែលជាជម្រកប្រកបដោយជីវៈចម្រុះដ៏សំបូរបែបនៅចំកណ្តាលរាជធានីភ្នំពេញ។