O Tigre do Futuro

A que cheira, papá?
  • 0.0 (0)
  • SOCIETY & CULTURE
O Tigre do Futuro Podcast

O Tigre do Futuro é un podcast de historias, un oráculo onde se reúnen todos os temas e contos orfos doutro lugar onde se refuxiar. O podcast en galego onde poden convivir lendas urbanas, nocións de psiquiatría e historias misteriosas sen máis roces dos necesarios. O Tigre do Futuro facémolo desde o magazine cultural A que cheira, papá?, con todo o que iso significa. Unha ollada nova e fresca, gana de pasalo ben, e toda unha plantilla de colaboradoras ben garridas. Entra a escoitar o Tigre!

  1. 18 MAR

    Dramas de astroansiedade - O Tigre do Futuro 42

    Fixemos o primeiro Tigre temático! O podcast das historias variadas decidiu centrarse por un día e dedicamos un programa enteiro ao espazo e os mundos siderais. Todo coa escusa de recibirmos ademais a Astroxabi, o noso astrofísico de referencia. Como sempre, contamos 3 historias diferentes, pero coa particularidade hoxe de que todas xiran arredor das nosas inquietudes espaciais. Estiveron o Rubén Amado, Guillermo Rodicio e Xabi laretando.

    1h 29m

  2. 15 FEB

    Sitares e ukeleles - O Tigre do Futuro 41

    Volve o Tigre despois dunha época de barbeito. Unha viaxe pola India para descubrir que o turismo xa leva demasiado tempo inventado e a maxestuosa vida de Duke Kahanamoku, o semideus surfista, que máis pedir a un Tigre. Neste episodio contaron historia Philip Webb e o Rubén Amado, con Ánxela Lema e Guillermo Rodicio facendo apoios.

    1h 57m

  3. 19/10/2023

    Cabezacubo, rei da Suecia - O Tigre do futuro 40

    Unha edición tete-a-tete do Tigre en que intentamos manter a compostura fronte ao oráculo. Xente con cubos na cabeza en eleccións democráticas británicas e revolucionarios fraceses un tanto desorientados, todo no tigre máis freestyler! Neste episodio contaron historia Violeta Pérez e Guillermo Rodicio, sós nunha noite chuviosa de outono.

    1h 15m

  4. 28/09/2023

    Fotos roubadas a peregrinos - O Tigre do Futuro 39

    Comeza unha nova tempada do Tigre do Futuro! Historias de peregrinos que saíron da Torre de Hércules en busca de místicas illas, e a estraña vida de Vivian Maier, a fotografa máis famosa do mundo que nunca quixo ser famosa. Todo isto e máis no Tigre que reabre a porta do templo! Neste episodio contaron historia Guillermo Rodicio e Rubén Amado, con Ánxela Lema como comentarista pertinaz.

    1h 11m

  5. 13/07/2023

    Apps para osos e nenos troll - O Tigre do Futuro 38

    Aplicacións e novas tecnoloxías para gozar da natureza, a misteriosa lenda dos changelings, os nenos trocados, e a historia real (de verdade) de Wojtek, o oso que loitou na IIGM. Todo nun Tigre moi de verán, moi quente! Neste episodio contaron historia o Rubén Amado, Guillermo Rodicio e Philip Webb, cunha pregunta dedicada ao futuro das fotopirolas.

    1h 31m

  6. 27/04/2023

    Shania Twain - O Tigre do futuro 37

    Unha nova edición do consultorio de Vio sobre saúde mental, perturbadoras novas de ovnis en Lugo, e as equivalencias británico-españolas que non sabías que precisabas. Todo no Tigre dedicado a Shania Twain! Neste episodio contaron historia Violeta Pérez, Rubén Amado e Philip Webb, acompañados de Guillermo Rodicio aos mandos.

    1h 39m

  7. 31/03/2023

    Bonito lóstrego para Carolina - O Tigre do Futuro 36

    Lóstregos que collen manía a xente concretísima, unha guerra naval cántabro-francesa, e a teoría da conspiración arredor da saia da Carolina, todo no Tigre máis vellouco! Neste episodio contaron historia Darío MJ, Rubén Amado e Silvia Rodríguez, acompañados de Guillermo Rodicio aos mandos. Comezou Darío, que desta trouxo unha sección sinxela pero con moita chicha: xente con moi mala sorte. Falamos de lóstregos e xente a que lle caen, de estatísticas improbables e electricidade. Despois o Rubén quixo enardecernos cunha historia bélica, mais sen moito sangre: a guerra do bonito. Falamos do conflito sobre dereitos de pesca que asolou o mar cantábrico, enfrontando a franceses con galegos, asturianos e cántabros e que estivo a piques de se converter en guerra aberta internacional. (Piratas de Burela?) Por último Silvia volve coa súa sección de cousas de vellas, desta volta cun misterio. De onde vén a saia da Carolina? Por que hai distintas versións en Portugal e outras partes da península? Non será acaso unha referencia velada á máis famosa Carolina... A Bela Otero? (gasp).

    1h 30m

  8. 06/03/2023

    Pombas da Pepsi en Gondomar - O Tigre do Futuro 35

    Pombas armadas con misiles na loita antinazi, un diplomático galego moi "amigo" do rei de Inglaterra e Pepsi, Pepsi para toda a Unión Soviética! Todo isto e moito máis no tigre máis bailongo. Neste episodio contaron historia o Rubén Amado, Philip Webb e Guillermo Rodicio, coa Silvia Rodríguez intentando manter a cordura. Comezou o Rubén, que seguindo na liña ornitolóxica, desta volta decidiu facer unha loa extensa e pormenorizada desas grandes odiadas das cidades: as pombas. Falamos do seu sentido da orientación e o uso comunicativo e bélico que lles deron as persoas. Depsois Philip remata a súa historia completa e exhausta da diplomacia mundial, nesta ocasión das relacións entre Inglaterra e España. A súa crónica está chea de xente que non sabe moi ben o que fai, pero hai un diplomático que o sabe demasiado ben. Ah, conde de Gondomar, por fin nos encontramos! Por último Guillermo trae a explosiva historia da relación entre a Pepsi e a URSS. Desde un Brezhnev amante das bebidas de cola, toda a Unión acabou atrapada no seu burbulleante feitizo... ata que houbo que pagar con avións. Escoitadea, que é moi difícil de resumir esta historia.

    1h 38m
See All (42)

About

O Tigre do Futuro é un podcast de historias, un oráculo onde se reúnen todos os temas e contos orfos doutro lugar onde se refuxiar. O podcast en galego onde poden convivir lendas urbanas, nocións de psiquiatría e historias misteriosas sen máis roces dos necesarios. O Tigre do Futuro facémolo desde o magazine cultural A que cheira, papá?, con todo o que iso significa. Unha ollada nova e fresca, gana de pasalo ben, e toda unha plantilla de colaboradoras ben garridas. Entra a escoitar o Tigre!

Information

  • Creator
    A que cheira, papá?
  • Years Active
    2021 - 2024
  • Episodes
    42
  • Rating
    Clean
  • Copyright
    © 2024 A que cheira, papá?
  • Show Website
    O Tigre do Futuro

To listen to explicit episodes, sign in.

Stay up to date with this show

Sign in or sign up to follow shows, save episodes and get the latest updates.
Select a country or region

Africa, Middle East, and India

Asia Pacific

Europe

Latin America and the Caribbean

The United States and Canada