灣仔大夢

有人話：「發夢是孤獨的。」因為夢中所有事物其實都係自己創造出嚟。但係當好多人都夢見同一個地方，咁𠵱個地方就盛載住好多人嘅夢。你有冇諗過自己嘅夢，同其他人嘅夢可以重疊埋一齊？當你喺夢入面行去下一個街口，原來你已經進入咗其他人嘅夢中場景。 「灣仔大夢22/23」嘅概念就係同大家傾吓夢境，召喚每個人親身經歷的「真實」。人人嘅夢境都可以連埋一齊！於是我哋想收集大家嘅奇珍異夢，拼出一張大夢地圖。