KLETS Afrikaans.Radio

Noord, Suid, Oos en Wes… kyk in enige rigting en dis doom en gloom. ’n Verkeerslig wat nie werk nie, ‘n honger bedelaar, ‘n pothole, en dan Cyril se “let’s do more”.

So in hierdie episode kyk ons eerder OP! Ons praat met die bekroonde sterrekundige, en algeheel lekker ou, Prof David Block oor die merkwaardige en rare verskynsel– die Aurora’s, wat op die 10de en 11de Mei gesien is van Gansbaai tot by Etosha.

Prof Block verduidelik vir ons die wetenskap agter die ligte skouspel. Buiten wetenskaplike geselsies, deel Prof Block sy aansteeklike passie vir alles wat magies is in die lewe.

Ons bring ook ’n ode aan ons geliefde moeders. En… Baby Reindeer… want ons kan nie help nie! Dankie vir al die kommentaar en besoek Prof Block se webtuiste.

Mense en hulle dinge… en fok, hulle het baie dinge!

Shell, daai geel en rooi garage, het 122 jaar oorleef—wêreldoorloë, apartheid, en talle sanksies, maar swyg voor BEE en die ANC se kontantvloei konkoksies. Iemand moet die DA red van hulle bemarkingsagentskap… 'all is fair in electioneering' maar hemel, mens brand nie jou landsvlag nie.

Ons sluit politiek af met niemand meer van pas as umkhulu Zuma, op mediese parool, dans hy soos 'n 2-jarige en woed steeds sy soeke na aandag in die howe. En aandag kry hy!

Buiten die belaglike politiek gee ons waardevolle lewensadvies, seriously! Ons skinder ook 'n bietjie oor die botox-huisvrou, en kritiseer die Amerikaanse jeug.

Matthys wroeg deur tech-issues om vir julle die beste te bring… op YouTube! En Colene verjaar!!! YAY!

In vandag se KLETS gesels Colene en Matthys met bekroonde joernalis, Daniëlla van Heerden. Daniëlla loer in om te gesels oor haar podcast, "'n Ma en 'n Mikrofoon," wat binnekort ook op Afrikaans.Radio beskikbaar sal wees.

Ons gesels oor alles van ouerskap en kinders grootmaak, tot 'n knippie politiek hier en daar.

1 Mei het ons vanjaar met 'n paar ekstra verrassings verras, nie net May Day nie! Check ons uit op YouTube!

Colene en Matthys soos gewoonlik baie om te sê oor wat als hier by ons in die suide van Afrika aangaan. Lekker bly en kyk mooi na die kinders!

In die nuutste episode van KLETS, het ons 'n gevatte gesprek met die joernalis en konsultant, Camilla Bath, oor die evolusie van nuusdekking met die oog op die opkomende verkiesing.

Colene deel ook haar onlangse avonture by Woolies en wonder of ons dalk vir Markus Jooste by Woolworths gaan betrap terwyl hy avokado's koop.

Virgin Active is nou oopkop oor wie hulle badkamers gebruik – man of vrou of dit wat dink hul is een van die twee, almal is welkom. En in die polisiekantore, ons praat oor die behoefte aan mooi "Cox", maar dalk nie waar jy dit sou verwag nie maar Louis Liebenberg sal jou vertel waar kry jy die "hoerkinders" van Suid-Afrika.

In vandag se KLETS worstel Matthys deur die mis van 'n wyn-brein om sy woorde te vind, terwyl Colene gelukkig op die ball is met al die vars stories.

Is die toekoms van joernalistiek werklik so somber soos wat die Daily Maverick dit uitgemaak het op die 15de April 2024?" Die gesprek neem 'n draai na die onvermydelike onderwerp van "Woke-ness," wat, soos 'n bad joke, nooit regtig weggaan nie.

Die weer in Margate is rebels en onvoorspelbaar, maar die Wimpy op die hoofstrand is blykbaar netso standvastig so Zuma op 'n kieserslys.

Wat is die mees waardevolste handelsmerke in Suid-Afrika? Die antwoorde mag dalk verras!

Vandag op KLETS gesels on met Ronell Swanepoel, Operationele Bestuurshoof van Travel with Flair, wat ons insig gee oor hoe om 'n reis behoorlik aan te pak.

Sy deel die noodsaaklikhede van reisbeplanning, van die eerste stappe tot die afronding, insluitend wenke vir diegene wat die beste van internasionaal en ook in Suid-Afrika op 'n begroting wil ervaar. Ronell laat ons ook in op haar gunsteling reisbestemming en waarom dit so spesiaal is.

In ander nuus, SAL is op 'n soek vir vars bestuursbloed - wat gaan jul bestuur? Eskom het vir 'n verandering die ligte aangehou vir 'n 13 dae. Maar, let's face it, ons almal wonder... vir hoe lank nog?

En dan, Robbie Williams "hit" Suid-Afrika later die jaar. Is die suide punt van Afrika die nuwe hotspot vir music legends se final gigs?

Let's get this show on the road!