ஹரிஷ் ராகவேந்தர் - பச்சைக் குழந்தையடி

பாடல்: சுப்பிரமணிய பாரதி இசை: தினா பாடியவர்: ஹரிஷ் ராகவேந்தர் சந்திரமதி பாட்டு பச்சைக் குழந்தையடி -- கண்ணிற் பாவை யடி சந்திரமதி; இச்சைக் கினிய மது -- என்றன் இருவிழிக்குத் தே நிலவு. நச்சுத்தலைப் பாம்புக் குள்ளே -- நல்ல நாகமணி யுள்ள தென்பார்; துச்சப்படு நெஞ்சிலே -- நின்றன் சோதி வளரு தடீ. பச்சைக்... பேச்சுக் கிடமேதடி -- நீ பெண்குலத்தின் வெற்றியடி; ஆச்சர்ய மாயையடி -- என்றன் ஆசைக் குமரியடி. நீச்சு நிலை கடந்த -- வெள்ள நீருக் குள்ளே வீழ்ந்தவர் போல்; தீச்சுடரை வென்ற வொளி -- கொண்ட தேவி நினை விழந்தே னடி. பச்சைக்... நீலக் கடலினிலே -- நின்றன் நீண்ட குழல் தோன்றுதடி; கோல மதியினிலே -- நின்றன் குளிர்ந்த முகங் காணுதடி. ஞால வெளியினிலே -- நின்றன் ஞானவொளி வீசுதடி; கால நடையினிலே -- நின்றன் காதல் விளங்குதடி. பச்சைக்...