Asgeir Olafsson Lie - Podcast Podcast Stúdíó Akureyrar

Við áttum virkilega gott spjall um það sem Felix hefur gengið í gegnum frá því fyrst að hann var lítill strákur sem mótaði líf hans að hluta, að stóra slysinu þegar hann var aðeins 25 ára gamall og missti báðar hendur sínar í hræðilegu vinnuslysi.  Allt slysið er rakið til dagsins í dag þegar hann er kominn með tvo handleggi. Hvernig breytir svona lífsreynsla honum? Kemur hann sterkari undan þessu áfalli eða ekki?  Og þá hvernig? Guðmundur lýsir þessu einkar vel.
Eins og þjóðin þekkir þá er hann í framboði til Forseta Ísland og segir hann frá sínum hugmyndum hvernig embættið gæti orðið enn betra. En hann talar afar vel um forvera sinn sem nú stígur niður, Guðna Th. og mærir hann mjög.  Hann langar í aukið lýðræði og vinna fyrir alla hópa þjóðfélagsins í þágu þess að allir hafa það jafn gott. Sem er fallegt.  
Hvað móður sína Gullu varðar, sem settist við hlið hans eftir slysið og hefur ekki vikið þaðan síðan segir hann hana vera þá manneskju sem á stærstan þátt í því  að hann sé á lífi í dag og sparar hann ekki orðin þar. 
Það er magnað og frelsandi að fá að sitja og hlusta á hann tala og segja frá þessari ótrúlegu lífsreynslu sinni,  Hvernig hann steig upp.  Hvað olli því að 15 árum síðar varð hann fyrstur allra í heiminum að fá grædda á sig tvo handleggi ? Lífsreynslusaga í sinni allra bestu mynd.
Guðmundur er eins maður segir, verðugur frambjóðandi sem hefur margt fram að færa.  Er manngóður og sækist í enn meiri náungakærleik. 
Hægt er að mæla með hans framboði inni á Island.is. 
Eitt er ljóst að eftir viðtalið ertu fljótur að gera það. 
Takk Guðmudur Felix og takk þú fyrir að hlusta á 10 bestu!

Í sjötta þætti elleftu seríu fæ ég til mín einn af mínum uppáhalds leikurum Þorstein Bachmann. Ég hef fylgst með honum í gegnum árin og það kemur upp úr krafsinu, eða eftir 3 og halfs klukkutíma spjalls, að við erum ekkert ólíkir að mörgu leiti.  Spjallið er létt en tekið af yfirborðinu frekar snemma og þar vildum við vera báðir tveir sem eftir lifði.  Við förum í gegnum mest allt sem hann hefur verið að gera, ræðum málin djúpstæð og einlæg og Þorsteinn hefur komist að því að það er betra að leggja EGO-ið til hliðar þegar kemur að því að lifa. Hann segir okkur hvers vegna. Hann kemur með ráð til að geta verið í núinu sem þú hlustandi góður getur nýtt þér.  Við tölum milkið um Vonarstræti sem er hans eiginlega fyrsta stóra breik í bíómyndum þar sem hann leikur Móra. Hvernig náði hann karakternum svona vel? Hann segir okkur söguna hvenær hann fékk handritið i hendurnar og lagið sem átti svo að vera í bímyndinni og kenndi honum að finna karakterinn sinn ennfrekar.  Það var merkilega gaman og fróðlegt að heyra. Hann segir okkur frá því þegar hann sagði Jodie Foster frá því hvenær hann ákvað að leggja fyrir sig listina að leika en þau léku saman í True Detective. Hann sendi prufu i það verkefni frá Spáni í fjölskylduferð. Brilliant:) Jodie Foster var hluti af þeirri ákvörðun þegar hann var lítill strákur og þar kemur bíómyndin Taxi Driver við sögu og pabbi hans heitinn.   Hvort velur hann ef hann þyrfti að velja? Sviðið eða bíómyndir? Og af hverju?  Allt þetta og svo miklu miklu meira í opinskáu og fallegu spjalli sem við áttum saman ég og Þorsteinn.
Takk Þorsteinn Bachmann og takk fyrir að hlusta á 10 bestu.   

Í dag var mikið rætt um tónlist eðlilega. En Sumarliði er í nokkrum hljómsveitum í dag og hefur haldið alls kyns viðburði og heldur því áfram. Eyrarrokk og Norðurljósin svo eitthvað sé nefnt.  Hann talar um fjöslkylduna sína sem er samheldin, hvernig hann kynntist konunni, hvaða lag var vinsælast þegar þau hittust fyrst og börnin sín þrjú. Ekki margir vita að elsti sonur hans er að vinna með risasatórum nöfnum í bransanum, sko erlendis.  Sonur hans á þrjár platínum plötur (yfir milljón eintök seld) og vinnur þetta allt úr stúdíóinu sínu í Rimasíðunni. Eitt lag hans á yfir 250 milljón streymi á Spotify og á hann samning við SONY risann.
En annars er margt framundan hjá Summa, Tenerife, semja, gigg út árið með öllum hljómsveitunum sínum í bland, Hann hlustar á allt og ef það er gott og vel samið þá höfðar það til hans.  Hann er með sín 10 lög og svo förum við líka yfir lögin sem hann hefur samið sjálfur. Örugglega mörg þar sem koma á óvart. Margir hittarar.
Algerlega frábært spjall við mætan mann Summa Hvanndal. Hvernig varð Hvanndalsnafnið til? Allt kemur fram.
Takk fyrir gott spjall og takk fyrir að hlusta:)

Það sem gerir þennan þátt aðeins frábrugðinn fyrri þáttum er að viðmælandinn er sonur þáttarstjórnanda. Óliver Andri Ásgeirsson. Farið var um víðan völl, mikið staldrað við i tónlist og var sér umraeða um "lánuð" lög eða svokölluð sömpl sem var gaman að velta sér uppúr.  Gömlu lögin og þau nýju spiluð og rædd. Lögin hans Ólivers fengu ad vera með og var það krefjandi fyrir hann ad velja þau.
Við hófum hins vegar þáttinn á lifandi umæðu um tilkynningu Jóns Gnarrs á Facebook um yfirvofandi tilkynningu hans a þriðjudag eftir páska kl 20:00 hvort hann fari fram eða ekki i komandi forsetakosningum.  En feðgarnir deila sameiginlegri aðdáun á Jóni og hans verkum. Einnig tónlistarmanni sem er á listanum hans Ólivers sem þeir hafa séð LIVE í Oslo á sínum tíma.
Óliver stundar nám í arkítektúr í LHÍ og segist loksins hafa gaman af skóla. Hafa fundið sína hillu með öllu því góða sem því fylgir.   Hann bjó um tima í San Fransisco þar sem hann nam og spilaði fótbolta á styrk.   En fleiri höfuðhögg í boltanum leiddu til ákvarðanar sem hann þurfti að taka og var verulega erfið en skilaði honum þangað sem hann er í dag.   Það er margt framundan hjá þessum unga manni. 
Skemmtilegt spjall feðga um margt sem hvor annar vissi ekki um hinn.   Gamlar minningar rifjaðar upp og alvarlegri málefni einnig.
Takk fyrir að hlusta!
 

Maggi Exit. Allt varðandi Exit ævintýrið og allar hinar hljómsveitirnar. Hann hefur trommaði í þeim nokkrum.  Einni sem heitir Hún andar sem margir í senunni segjast miða sig við og vera þá allra bestu. Magnús tók risaákvörðun einn daginn og viðraði hugmyndina við konuna sína að verða heimavinnandi svo hann gæti sinnt stelpunum þeirra betur. Hann sér ekki eftir þeirri ákvörðun í dag og segir það ferli hafa verið bæði þroskandi og gefandi eftir tuttugu ára starf hjá sama fyrirtæki.  Hann stendur á tímamótum. Hann er að verða fimmtugur og er að taka möguleg næsku skref út í kosmósið.  Margt framundan hjá Magga.  Hvað er næst?
Eyrin, alkóhólisminn sem hann ólst upp við, æskan, konan, börnin og auðvitað rokkið. Þetta kemur allt fram í þessu líflega viðtali við síungann Magga.
Takk fyrir frábært spjall Maggi. 
Takk fyrir að hlusta á 10 bestu!
 

María Ellingsen segir okkur frá ferlinum sínum sem leikkona, höfundur og leikstjóri.  Hún útskrifaðist úr leiklistarskóla í New York flutti svo heim aftur þar sem hún landaði hlutverki í kvikmyndinni Foxtrot og fór svo þaðan til New York aftur. Þar fann hún umboðsmann sem sendi hana i prufur sem skiluðu allar call back-i sem kom henni svo til Hollywood. 170 þáttum í sápuóperunni Santa Barbara og þremur Hollywood myndum síðar flutti hun heim aftur.  Hún er gift Christopher Lund ljósmyndara og grunaði ekki að vera að gifta sig í annað sinn 55 ára gömul.
Frábært spjall við Maríu Ellingsen sem tekur við lífinu eins og það kemur. 
þú getur fylgst með Maríu á www.mariaellingsen.is
Takk fyrir að hlusta!