" တိုင်းရင်းဆေးပညာကို အရင်းတည်ထားတဲ့ ချွေးအောင်းခြင်းဓလေ့ "

မြန်မာတို့ရဲ့ မိရိုးဖလာ ရိုးရာဓလေ့တွေထဲမှာ တိုင်းရင်းဆေးပညာကို အရင်းတည်ပြီး အခုထက်ထိ လက်ခံ ကျင့်သုံးနေကြတဲ့ အစဉ်အလာတစ်ခုကတော့ ချွေးအောင်းခြင်းဓလေ့ပဲဖြစ်ပါတယ်။ချွေးအောင်းခြင်းဓလေ့ ဆိုတာ ကလေးမီးဖွားပြီးစ မီးနေသည်တစ်ဦး မီးထွက်တဲ့ အချိန်မှာ ပြုလုပ်ပေးရတဲ့ အရာတစ်ခုပဲ ဖြစ်ပါတယ်။အမှန်တော့ ဒီဓလေ့ဟာ မြန်မာ့တိုင်းရင်းရိုးရာဆေးပညာထဲမှာ ပါတဲ့ ဝမ်းနှုတ်ခြင်း၊ အန်ဆေးကျွေးခြင်း၊ ချွေးအောင်းခြင်း၊ ဆီလိမ်းခြင်း၊ ကြပ်ထုပ်ထိုးခြင်း အစရှိတဲ့ ပဉ္စကမ္မလို့ခေါ်တဲ့ အာကာသ ဖွင့်ကုထုံးတစ်မျိုးပဲဖြစ်ပါတယ်။ ချွေးအောင်းတယ်ဆိုတာ ခန္ဓာကိုယ်အတွင်းက အညစ်အကြေးတွေကို ခန္ဓာကိုယ်ပြင်ပကို စွန့်ထုတ်လိုက်ခြင်းပဲဖြစ်ပါတယ်။တိုင်းရင်းဆေးပညာမှာဆိုရင် ချွေးအောင်းတာက အဖော၊ အဖျား၊ လေငန်း၊ ခြေလက်ထုံကျဉ်၊ အဆစ်ရောင်၊ ဂရင်ဂျီနာ၊ ငှက်ဖျား၊ ကိုယ်လက်ကိုက်ခဲ၊ အကြောတက်စတဲ့ ရောဂါမျိုးတွေ သက်သာစေတယ်လို့ဆိုပါတယ်။ဒီနေ့ Z-Lann ဇာတ်လမ်းရဲ့ “သွင်ဟန်ထူးခြား ဓလေ့ထုံးများ”အစီအစဉ်ကနေ ယနေ့အချိန်ထိ ကျေးလက်ဒေသ တချို့မှာ ကျင့်သုံးနေကြဆဲဖြစ်တဲ့ ချွေးအောင်းခြင်းဓလေ့အကြောင်းကို ဇာတ်လမ်းပရိသတ်ကြီးအတွက် စိတ်ဝင်စားဖွယ် တင်ဆက်ပေးသွားမှာပဲ ဖြစ်ပါတယ်။#ZLann #ZLann_Podcast #သွင်ဟန်ထူးခြားဓလေ့ထုံးများ #ချွေးအောင်းခြင်းဓလေ့