" ရဟန်းသံဃာတော်တွေကပါ ယုံကြည်ကြတဲ့ တံတားခင်း ညောင်ထောက်ခြင်းဓလေ့ "

မြန်မာလူမျိုးတော်တော်များများဟာ ကံဇာတာအကြောင်း မညီညွတ်ရင် ဖြစ်ဖြစ် ၊ ကိုယ်လက်မကျန်းမာရင် ဖြစ်ဖြစ်၊ ဘေးဒုက္ခအန္တရာယ်ကြုံနေရင်ဖြစ်ဖြစ် ပထမဦးဆုံးသတိရတတ်ကြတာကတော့ ဗေဒင် ယတြာပဲ ဖြစ်ပါတယ်။ နက္ခတ်နဲ့ ဂြိုလ်သက်တွေအရ ကံကောင်းစေဖို့ အစီအမံတွေနဲ့ ယတြာချေကြတဲ့ ဓလေ့ကိုတော့ ယခုအချိန်ထိ တွင်တွင်ကျယ်ကျယ် ကျင့်သုံးနေကြဆဲပါ။

ယတြာချေတဲ့အခါမှာလည်း ကျန်းမာရေးညံ့ပြီး ကံဇာတာဆိုးနေပြီဆိုရင် ဗုဒ္ဓယတြာကို သတိရကြတာများ ပါတယ်။ ဗုဒ္ဓယတြာဆိုတာ သမားကု မကုနိုင်တဲ့ အခြေအနေဖြစ်လို့ လက်လျှော့လိုက်တဲ့ သဘောမဟုတ်ပဲနဲ့  ကျန်းမာရေးအခြေအနေပိုကောင်းလာစေဖို့အတွက် ရည်ရွယ်ပြီး ဘုရားကုရော သမားကုနဲ့ပါ ကုစားတဲ့ သဘောမျိုးဖြစ်ပါတယ်။ 

တကယ်လို့ မီးစာကုန် ဆီခမ်းနေတဲ့ လူနာဖြစ်ရင်တောင် ကံဇာတာအခိုက်အညံ့တွေပယ်ပျောက်သွားပြီး ကံကောင်းမှုတွေ ဆက်လာစေဖို့အတွက် ရည်ရွယ်ပြီး တံတားခင်းတာနဲ့ ညောင်ထောက်တာတွေကို ယုံယုံကြည်ကြည်လုပ်ကြပါတယ်။ ဒီနေ့ “ သွင်ဟန်ထူးခြား ဓလေ့ထုံးများ “ အစီအစဉ်မှာ စိတ်ဝင်စားစရာကောင်းတဲ့  “တံတားခင်း ညောင်ထောက်ခြင်းဓလေ့”အကြောင်းကို တင်ဆက်ပေးမှာဖြစ်ပါတယ်။

#ZLann #ZLann_Podcast #သွင်ဟန်ထူးခြားဓလေ့ထုံးများ #တံတားခင်းညောင်ထောက်ခြင်းဓလေ့