លោក ផែង ហេង៖ សហមេធាវីនៅតែទាមទារឲ្យតុលាការលើកលែងបទចោទលើលោក កឹម សុខា

នៅថ្ងៃទី៣ ខែកញ្ញា ឆ្នាំ២០២៥នេះ គឺជាខួប៨ឆ្នាំ នៃការចាប់ខ្លួនលោក កឹម សុខា ប្រធានអតីតគណបក្សសង្គ្រោះជាតិ ក្រោមបទសន្ទិដ្ឋិភាពជាមួយបរទេស។ នៅក្នុងកិច្ចសម្ភាសជាមួយវិទ្យុបារាំងអន្តរជាតិ RFI នាថ្ងៃទី៣ ខែកញ្ញានេះ លោក ផែង ហេង សហមេធាវីការពារសិទ្ធិឲ្យលោក កឹម សុខា បានថ្លែងថាក្រុមមេធាវីបន្តទាមទារឲ្យតុលាការទំលាក់បទចោទលើលោក កឹម សុខា។ តាមលោក ផែង ហេង ក្រុមមេធាវីក៏នៅតែអះអាងថារឿងក្តីលោក កឹម សុខា មានលក្ខណៈនយោបាយច្រើនជាងបច្ចេកទេសច្បាប់។