大龍鳳映画頻道🦃

大龍鳳映画頻道🦃

鍾意電影嘅你快啲 follow 我地 @taitailungfung 大龍鳳 on Facebook, Instagram, Telegram and YouTube!

エピソード

  1. 大龍鳳映画電台 Ep.3 - 80年代經典影視致敬 : 《怪奇物語》懷舊啲乜?

    2023/01/28

    大龍鳳映画電台 Ep.3 - 80年代經典影視致敬 : 《怪奇物語》懷舊啲乜?

    嚟到大龍鳳映画電台第三集,今次A小編準備同大家分享吓超人氣Netflix劇集Stranger Things嘅故事~自第一季推出以嚟《怪奇物語》人氣不減,一直係Netflix最出彩嘅劇集之一。《怪奇物語》故事設定喺1980年代嘅美國,講述一個小鎮入面超自然神秘事件,每出新一季就會係網上掀起熱烈嘅討論熱潮,除咗劇情發展外,最多人討論嘅可能就係劇中致敬經典嘅彩蛋。1980年代超經典影視作品一部接一部,例如E.T、異形、大白鯊等等,熱情嘅Fans甚至整咗個數據庫列出《怪奇物語》每個致敬咗嘅經典。《怪奇物語》掀起咗唔少觀眾嘅懷舊之情,除咗呢啲經典影視作品嘅致敬之外,佢地仲懷舊緊啲咩呢?點解對80年代嘅懷舊致敬又會令《怪奇物語》全球爆紅?如果你係《怪奇物語》嘅粉絲,就記得唔好錯過今集大龍鳳映画電台嘅內容啦~ 已經聽完最新一集?對於《怪奇物語》有嘢想分享?咁就快啲留低comment話比大家知啦~  ================================================================================================================ 鍾意電影嘅你仲唔快啲 follow 我哋嘅 Facebook 同 Instagram?!  一齊同我哋搞壇大龍鳳啦~ Facebook: https://www.facebook.com/taitailungfung/ Instagram: https://instagram.com/taitailungfung?utm_medium=copy_link #Strangerthings #怪奇物語 #Netflix #Nostalgia #1980s #懷舊 #致敬 #恐怖 #科幻 #電視劇 #劇集 #電影

    18分
  2. 大龍鳳映画電台 EP.1 漫話周星馳:點解汝家池塘會多膠魚?

    2021/08/17

    大龍鳳映画電台 EP.1 漫話周星馳:點解汝家池塘會多膠魚?

    大龍鳳映画電台開台啦!開台第一擊就同大家講吓香港影史傳奇周星馳!三位小編Tiffany, Kobie同Martin都係電影系嘅學生,自然熱愛電影!尤其係身為港產電影迷,有乜可能會唔係星爺粉絲🤫雖然我哋作為00後錯過咗星爺電影最輝煌嘅90年代,不過都抵擋唔住星爺嘅搞笑魅力,成為星爺嘅忠實粉絲🥰好似咁多位聽眾咁,可能就算無入過戲院睇過星爺嘅電影,都喺唔同情況下有緣遇上星爺,然後被佢嘅幽默迷得神魂顛倒~究竟點解星爺嘅電影喺唔同年代、唔同觀眾層入面都係咁受歡迎?點解佢啲電影睇極都唔厭、睇極都咁好笑,甚至我哋一諗起笑片就會諗起周星馳?星爺嘅電影唔知為幾多觀眾帶嚟過無限量嘅歡樂,尤其係香港嘅觀眾,相信星爺嘅電影都係我哋嘅集體回憶,係香港影史裏一套套歷久彌新嘅經典。我哋好熟悉星爺,但係其實又好似唔係好熟悉🧐點解星爺會咁好笑?星爺嘅幽默有咩風格?星爺同香港文化有咩關係? 如果香港無咗周星馳會變成點?等幾個小編一齊討論下呢啲問題,或者呢個podcast會令你更加熟悉周星馳~Come and join us 喺呢個podcast同一班電影迷一齊9up漫話周星馳~~~ 收聽大龍鳳映画電台,同大家一齊睇電影聽電影講電影! ======================================================================================================== 鍾意電影嘅你就快啲 follow 我地 @taitailungfung 大龍鳳嘅 Facebook, Instagram, Spotify 同 YouTube 啦!一齊同我哋搞壇大龍鳳啦~ 仲要即刻join埋大龍鳳Telegram Group同我地一齊大談電影經👭👬 Facebook: https://www.facebook.com/taitailungfung Instagram: https://www.instagram.com/taitailungfung/ YouTube: https://www.youtube.com/channel/UCgCl2TDSglaw1OJCkL4RT5g/featured TG電影傾計群: https://t.me/taitailungfung1

    25分

番組について

鍾意電影嘅你快啲 follow 我地 @taitailungfung 大龍鳳 on Facebook, Instagram, Telegram and YouTube!