តើជំនួបរវាងមេដឹកនាំកម្ពុជា-វៀតណាម អំឡុងពេលជម្លោះកម្ពុជា-ថៃ មានអត្ថន័យយ៉ាងណា?

លោក ហ៊ុន សែន ប្រធានព្រឹទ្ធសភា និងជាប្រធានគណបក្សប្រជាជនកម្ពុជា បានចូលរួមខួបអនុស្សាវរីយ៍ទី៨០ឆ្នាំ នៃបដិវត្តន៍ខែសីហា និងអបអរសាទរទិវាឯករាជ្យជាតិវៀតណាម ដែលប្រព្រឹត្តិទៅនៅថ្ងៃទី១ និងទី២ ខែកញ្ញា ឆ្នាំ២០២៥ នៅប្រទេសវៀតណាម។ អ្វីដែលជាការកត់សម្គាល់នោះ គឺជំនួបរវាងលោក ហ៊ុន សែន និងលោក តូ ឡឹម អគ្គលេខាធិការបក្សកុម្មុយនីស្តវៀតណាម។ ក្នុងជំនួបនេះមេដឹកនាំកំពូលកម្ពុជា-វៀតណាម នៅតែអះអាងពីការពង្រីកទំនាក់ទំនងគ្នារវាងប្រទេសទាំងពីរ ជាពិសេសលើវិស័យសេដ្ឋកិច្ច យោធា និងពាណិជ្ជកម្ម។ តើអ្វីទៅជាអត្ថន័យពិសេសនៅក្នុងជំនួបរវាងលោក ហ៊ុន សែន និងលោក តូ ឡឹម លើវិស័យនយោបាយ និងយោធា នៅក្នុងបរិបទ ដែលកម្ពុជាកំពុងប្រឈមមុខជាមួយថៃ?