Kva er godt teater for heile familien?

Det er i alle fall ikkje å lage to framsyningar i éi; ei framsyning for barna og ei for dei vaksne. Ei god familieframsyning samlar generasjonane i opplevinga. Kanskje er det eit ekstra lag der for dei vaksne, men det skal ikkje vere slik at barna sit der og ikkje forstår.

I Teater Vestland sin moderne versjon av Peter Pan har regissør Philipp Stengele plassert Wendy, John og Michael på gamleheimen. Der gløymer dei smerter og andre avgrensingar og leikar seg tilbake til barndommen, fortel regissøren i denne samtalen med teatersjef Cecilie Grydeland Lundsholt.