Radio Esperanto

Aleksander Korĵenkov & Halina Gorecka

0.0 (0)
LANGUAGE LEARNING

Radio Esperanto Podcast

Sonprogramo en la internacia lingvo Esperanto el Kaliningrado (Ruslando)

11/01/2021

Radio Esperanto, №56

La unua sonprogramo de la Kaliningrada Esperanto-podkasto “Radio Esperanto” por 2021 estis registrita la 11an de januaro. Same kiel en la 55a programo en ĝi krom la voĉoj de la programgvidantoj Aleksander kaj Halina estas aŭskulteblaj la voĉoj de la brazila esperantista aŭtoro Paulo Sérgio Viana kaj de la juna kanzonisto Tim (Timothy Gallego), kies kanzono el la albumo Vaganto (2020) sonas fine de la programo. En ĉi tiu programo: Enkonduko: Ruslanda figursketa ĉampionado Okcidente de Ruslando: Tri informoj el Kaliningrada regiono Esperanto-novaĵoj La Ondo de Esperanto, 2020, №4 (306) Du ringoj: Novelo de Paulo Sérgio Viana (legas la aŭtoro) Sen superstiĉoj: Kanto de Tim Parolas: Halina Gorecka, Aleksander Korĵenkov kaj Paulo Sérgio Viana Kantas: Tim Uzitaj referencoj: Aboni la Ondon: https://esperanto-ondo.ru/Lo-abon.htm Nia novaĵretejo: https://sezonoj.ru/ La albumo Vaganto: https://www.vinilkosmo-mp3.com/eo/popo-roko-hiphopo-elektronik/tim/1-vaganto.html

48 min
18/10/2020

Radio Esperanto, №55

La 18an de oktobro 2020, dimanĉe, aperis la 55a programo de la Kaliningrada Esperanto-podkasto “Radio Esperanto”. Krom la voĉoj de Aleksander kaj Halina, en ĉi tiu programo sonas la voĉoj de la brazila esperantista aŭtoro Paulo Sérgio Viana kaj de la juna kanzonisto Tim (Timothy Gallego), kies kanzono el lia debuta albumo Vaganto (2020) sonas fine de la programo. En ĉi tiu programo: Enkonduko Okcidente de Ruslando: Kaliningrada regiono turisme Esperanto-novaĵoj La Ondo de Esperanto, 2020, №3 (305) Du nomoj: Novelo de Paulo Sérgio Viana (legas la aŭtoro) Alia tago: Kanto de Tim Parolas: Halina Gorecka, Aleksander Korĵenkov kaj Paulo Sérgio Viana Kantas: Tim Uzitaj referencoj: Aboni la Ondon: https://esperanto-ondo.ru/Lo-abon.htm Nia novaĵretejo: https://sezonoj.ru/ La albumo Vaganto: https://www.vinilkosmo-mp3.com/eo/popo-roko-hiphopo-elektronik/tim/1-vaganto.html

35 min
12/07/2020

Radio Esperanto, №54

La 12an de julio, dimanĉe aperis la 54a programo de la Kaliningrada Esperanto-podkasto “Radio Esperanto”. Krom la voĉojn de Aleksander kaj Halina, en ĉi tiu programo oni povas aŭdi la voĉojn de la brazila esperantista aŭtoro Paulo Sérgio Viana kaj de la svedia muzika paro Ĵomart kaj Nataŝa. En ĉi tiu programo: Enkonduko Okcidente de Ruslando: Rekonstruado sur la insulo de Kantio Esperanto-novaĵoj La Ondo de Esperanto, 2020, №2 (304) Mi ne havas telefonon: Novelo de Paulo Sérgio Viana (legas la aŭtoro) Malgraŭ ĉio!: Kanto de Ĵomart kaj Nataŝa Parolas: Halina Gorecka, Aleksander Korĵenkov kaj Paulo Sérgio Viana Kantas: Ĵomart kaj Nataŝa Uzitaj referencoj: Aboni la Ondon: http://esperanto-ondo.ru/Lo-abon.htm Nia novaĵretejo: http://sezonoj.ru/

29 min
17/05/2020

Radio Esperanto, №53

La 17an de majo, dimanĉe aperis la 53a programo de la Kaliningrada Esperanto-podkasto “Radio Esperanto”. Post la mallonga enkonduko de Aleksander, Halina en sia Kaliningrada felietono rakontas pri la evoluo de la koronvirusa pandemio en Kaliningrada regiono, esperante baldaŭan renormaliĝon de la vivo kaj remalfermiĝon de la limoj. Post malgra kolekto de Esperanto-novaĵoj, Halina prezentas la majan jubileanton Trevor Steele, kies amuzan rakonton Libe Fraind Igor legas por vi Aleksander. Fine de la programo vi aŭdos kanzonon de unu plia ĉi-printempa jubileanto – Ĵak le Puil, kiu ankaŭ jubileis en aprilo. En ĉi tiu programo: Enkonduko Okcidente de Ruslando: La pandemio en Kaliningrado Esperanto-novaĵoj Trevor Steele jubileas Libe fraind Igor: Novelo de Trevor Steele (legas Aleksander Korĵenkov) La kavaliroj de la ronda tablo: Kanto de Ĵak le Puil Parolas: Halina Gorecka kaj Aleksander Korĵenkov Kantas: Ĵak le Puil Uzitaj referencoj: Aboni la Ondon: http://esperanto-ondo.ru/Lo-abon.htm Nia novaĵretejo: http://sezonoj.ru/ La teksto de la novelo Libe fraind Igor http://esperanto-ondo.ru/Beletro/Steele1.htm Intervjuo kun Trevor Steele https://sezonoj.ru/2020/05/steele-3/

31 min
05/04/2020

Radio Esperanto, №52

Post kvarmonata paŭzo aperis la 52a programo de la Kaliningrada Esperanto-podkasto. Post la enkonduko de Aleksander, Halina en sia Kaliningrada felietono rakontas pri la stato de la koronvirusa pandemio en la plej okcidenta Ruslanda regiono. Sekvas Esperanto-novaĵoj kaj prezento de la tre ampleksa printempa eldono de La Ondo de Esperanto kaj de la antologio El la rusa poezio. En la literatura rubriko Halina legas por vi la novelon Kurba de Paulo Sérgio Viana el la printempa Ondo. Same kiel pasintfoje, en la fino de la programo sonas kanzono de de Gijom Armide. En ĉi tiu programo: Enkonduko Okcidente de Ruslando: La koronviruso en Kaliningrada regiono Esperanto-novaĵoj La Ondo de Esperanto, 2020, №1 (303) Nova bitlibro: El la rusa poezio Kurba: novelo de Paulo Sérgio Viana (legas Halina Gorecka) Nuda: Kanto de Gijom' Armide Parolas: Halina Gorecka kaj Aleksander Korĵenkov Kantas: Gijom Armide Uzitaj referencoj: Aboni la Ondon: http://esperanto-ondo.ru/Lo-abon.htm Nia novaĵretejo: http://sezonoj.ru/ Nenifar' ĉe Vinilkosmo: https://www.vinilkosmo-mp3.com///eo/kanzono-tradicia-progresiva/gijom-armide/1-nenifar.html.

31 min
01/12/2019

Radio Esperanto, №51

La 51a programo de la Kaliningrada Esperanto-podkasto estas la lasta por la 2019a jaro. Post la enkonduko de Aleksandro, en sia Kaliningrada felietono Halina rakontas pri la renovigo de loĝdomoj en la centro de Kaliningrado, inkluzive de la domo en kiu estas nia redakcio. Sekvas Esperanto-novaĵoj kaj prezentado de la novembra eldono de La Ondo de Esperanto. La programo finiĝas per kanzono de Gijom Armide. En ĉi tiu programo: Enkonduko Okcidente de Ruslando: Renovigo de domoj en Kaliningrado Esperanto-novaĵoj La Ondo de Esperanto, 2019, №11 La postrompiĝa temp': Kanto de Gijom' Armide Parolas: Halina Gorecka kaj Aleksander Korĵenkov Kantas: Gijom Armide Uzitaj referencoj: Aboni la Ondon: http://esperanto-ondo.ru/Lo-abon.htm La Balta Ondo: http://sezonoj.ru/ Nenifar' ĉe Vinilkosmo: https://www.vinilkosmo-mp3.com///eo/kanzono-tradicia-progresiva/gijom-armide/1-nenifar.html.

21 min
27/10/2019

Radio Esperanto, №50

Ni hontas pro tio, ke ĉi tiu sonprogramo aperas preskaŭ ses monatojn post la antaŭa programo, sed samtempe ni kun kontekto konstatas, ke ĝi estas nia 50a laŭvica programo. Jen eta jubileo. En nia jubilea podkasto post la tradicia enkonduko de Aleksandro vi aŭdos la Kaliningradan felietonon de Halina, kiu rakontas pri grava decido, kiu pli vaste malfemis la pordon al Kaliningrado por la civitanoj de Eŭropa Unio, kaj tion jam uzis kelkaj esperantistoj. Sekvas Esperanto-novaĵoj kaj prezentado de la jubilea 300a numero de La Ondo de Esperanto” (oktobro 2019). Poste vi povas konatiĝi kun la nova eldono de la Baza Literatura Krestomatio kun la kvante kaj kvalite rekorda BET-55 en Paneveĵo. Fine de la programo, same kiel pasint-foje sonas kanzono de la itala kantistino Kjara. En ĉi tiu programo: Enkonduko Okcidente de Ruslando: Senpagaj vizoj por Kaliningrado Esperanto-novaĵoj La Ondo de Esperanto, 2019, №10 Baza Literatura Krestomatio (AlKo rakontas, HaGo deklamas) 55aj Baltiaj Esperanto-Tagoj en Paneveĵo Surprizo jen: Kanto de Kjara Parolas: Halina Gorecka kaj Aleksander Korĵenkov Kantas: Kjara (Chiara Raggi) Uzitaj referencoj: Aboni la Ondon: http://esperanto-ondo.ru/Lo-abon.htm La Balta Ondo: http://sezonoj.ru/ Nova eldono de la Baza Literatura Krestomatio. Blua horizonto ĉe Vinilkosmo: https://www.vinilkosmo-mp3.com/eo/kanzono-tradicia-progresiva/kjara/1-blua-horizonto.html.

39 min
05/05/2019

Radio Esperanto, №49

Inter la 48a kaj la 49a programoj pasis dek semajnoj, dum kiuj la programgvidantoj ne mallaboris. Dum ĉi tiu tempo ni pretigis tri numerojn de La Ondo de Esperanto kaj multe laboris pri la nova eldono de Baza literatura krestomatio. Sep semajnojn el la dek okupis la Granda Fasto, kiun sekvis la hodiaŭ finiĝanta Paska Semajno en kies komenco ni finfine ĝuis tritagan ripozon en Kaliningrado kaj en nia ripoz-loĝejeto en Zelenogradsko. En la 49a programo tuj post la enkonduko estas aŭskultebla la Kaliningrada felietono de Halina, kiu rakontas pri du festivaloj, kiuj okazas ĉi-semajne en Kaliningrado kaj Zelenogradsko. Sekvas Esperanto-novaĵoj kaj prezentado de la freŝaj eldonoj de La Ondo de Esperanto, inkluzive de la preskaŭ centpaĝa marta interlingivstika numero. Poste Halina legas Esperantan tradukon de amuza Paska rakonto de la rusa humuristo Nikolaj Lejkin, kaj fine de la programo vi konatiĝos kun la unua Esperanto-albumo de la itala kantistino Kjara. En ĉi tiu programo: Enkonduko Okcidente de Ruslando: Kaliningrada felietono de Halina Gorecka Esperanto-novaĵoj La Ondo de Esperanto, 2019, №3,4,5 Post la Paska diservo: Humura rakonto de Nikolaj Lejkin (Legas Halina Gorecka) Blua horizonto: Kanto el debuta Esperanto-albumo de Kjara Parolas: Halina Gorecka kaj Aleksander Korĵenkov Kantas: Kjara (Chiara Raggi) Uzitaj referencoj: Aboni la Ondon: http://esperanto-ondo.ru/Lo-abon.htm La Balta Ondo: http://sezonoj.ru/ Elŝuteblo de la februara Ondo http://esperanto-ondo.ru/Libroj/Libroj.php Blua horizonto ĉe Vinilkosmo: https://www.vinilkosmo-mp3.com/eo/kanzono-tradicia-progresiva/kjara/1-blua-horizonto.html.

35 min

Sonprogramo en la internacia lingvo Esperanto el Kaliningrado (Ruslando)

Creator

Aleksander Korĵenkov & Halina Gorecka
Years Active

2017 - 2021
Episodes

25
Rating

Clean
Copyright

© Radio Esperanto, 2008-2017.
Show Website

Radio Esperanto

News Commentary

Monthly