លោក ឡុង ឌីម៉ង់៖ ជ័យលាភី «សេវាសាធារណៈគំរូ» លើកទឹកចិត្តដល់ការផ្តល់សេវាជូនពលរដ្ឋ

រដ្ឋ​បាល​ខេត្ត​ព្រះ​សីហនុ​នឹង​រៀប​ចំ​«ពិធី​ដង្ហែ​ពាន​រង្វាន់​ជ័យ​លាភី​អង្គភាព​ផ្តល់​សេវា​សាធារណៈ​គំរូ​ក្នុង​វិស័យ​អប់រំ​ និង​វិស័យ​សុខា​ភិបាល»​ នៅ​ថ្ងៃ​ទី​១០ ខែ​មីនា ឆ្នាំ​២០២៥​ នៅ​ជុំវិញ​ទី​តាំង​សំខាន់​មួយ​ចំនួន​ក្នុងខេត្ត​ជាប់​មាត់​សមុទ្រ​មួយ​នេះ​។ ​ក្នុង​បទ​សម្ភាស​ជាមួយ​វិទ្យុ​បារាំង​អន្តរ​ជាតិ​RFI​ នៅថ្ងៃ​អាទិត្យ​ទី​៩ ​ខែ​មីនា ​លោក ឡុង ឌីម៉ង់ អ្នក​នាំ​ពាក្យ​រដ្ឋ​បាល​ខេត្ត​ព្រះសីហនុ ​ចាត់​ទុក​ ការ​ផ្តល់​ពាន​រង្វាន់​ ជា​ការ​លើក​ទឹក​ចិត្ត​អង្គ​ភាព ​ស្ថាប័ន​រដ្ឋ​ដែល​ខិត​ខំ​ប្រឹង​ប្រែង​ក្នុង​ការ​ផ្តល់​សេវា​សាធារណៈ​ជូន​ប្រជា​ពល​រដ្ឋ​។​