វិចិត្រករគំនូរ​កម្លោច​ស្លឹក​ត្នោត អាចរកចំណូលបានខ្ពស់

ស្លឹកត្នោត មានអត្ថប្រយោជន៍សម្រាប់ដេរប្រក់លំនៅដ្ឋាន ត្បាញកន្ទេល ដេរមួក ធ្វើកន្ត្រក និងខ្ចប់ស្ករផែនជាដើម។ ដោយឡែកលោក រឿម ប៊ុនហាក់ ជាវិចិត្រករខ្មែរតែម្នាក់គត់ មានគំនិត​​ប្រើ​ដែក​ដុត​កម្ដៅទៅរោល​កម្លោច(ឬឆ្លាក់)លើបណ្ដូលស្លឹកត្នោតឱ្យចេញជារូបភាពផ្សេងៗ ដែលហៅថា សិល្បៈ​គំនូរ​កម្លោច​ស្លឹក​ត្នោត។ ក្រោយមាន​បទពិសោធ​ន៍ជិត ២០ ឆ្នាំ និង​កេរ្តិ៍ឈ្មោះ​ល្បី​ផ្នែក​វិចិត្រកម្ម​ដ៏កម្រ​នេះ លោក រឿម ប៊ុនហាក់ អាចលក់គំនូររបស់លោកបាន​​ចាប់ពី ៣០ ​ដុល្លារ​ទៅ​ដល់ ៣០០ ​ដុល្លារ ក្នុង១ផ្ទាំង។