12 episodes
De Podcast iwwer Léierstéierungen CDA
-
- Education
De Podcast vum Kompetenzzenter fir Kanner a Jugendlecher mat Léierstéierungen, dem CDA, informéiert Iech iwwert all méiglech Themen déi mat Léierschwieregkeeten a Stéierungen (Dyslexie, Dysgraphie, Dyscalculie, ADHS, etc.) kënnen zesummen hänken. Eist Zil ass et opmierksam ze maachen an eng Ënnerstëtzung ze bidden.
-
Kaligo École – Freed um Schreiwen
An eisem 12. Podcast hu mir mam Direkter vum CDA, dem Alex Kockhans, iwwer d’Applikatioun Kaligo École geschwat. Kaligo École ass eng Applikatioun fir Schüler*innen aus de Cyclen 1 an 2, déi hinnen hëlleft d’Schreiwe vu Buschtawen an Zuelen ze léieren. Wat sinn d’Beneficë vun dëser App fir d’Kanner a fir d’Léierpersonal?
-
Wéi eng Diagnos kann ee Liewe veränneren
An eisem 11. Podcast schwätze mir mam Sarah Urbing iwwert säi schwierege schoulesche Parcours. Hatt hat de Verdacht eng Dyskalkulie ze hunn an huet sech als Erwuesse Fra Hëllef gesicht. Wéi et him haut geet a wat him gehollef huet Beruff, Erwuessenebildung a Famill ënnert een Hutt ze kréien, héiert Dir an dësem Podcast.
-
Tester fir den Diagnostik vu Léierstéierungen am Lëtzebuerger Kontext
An eisem 10. Podcast geet et ëm standardiséiert Tester. Wat si standardiséiert Tester? Wisou brauch een se? A wat ass d’Plus-Value wann sou Tester an de Beräicher Mathematik a Liesen/Schreiwen op déi Lëtzebuerger Schoul-Populatioun ugepasst ginn?
-
Léierstéierung am Erwuessenenalter
An eisem 9. Podcast hu mir een Témoignage vun enger Fra déi am Erwuessenenalter d’Diagnos Léierstéierung krut. Si erzielt eis wéi dat fir si war, wéi hire Parcours bis dohi war a wéi sech hirt Liewen dono verännert huet. Mir schwätzen och iwwer verschidden Hëllefstellungen a Strategien fir den Alldag vu Betraffenen ze vereinfachen.
-
Vun der Analyse zu der Fërderung
An eisem 8. Podcast geet et ëm d’Analyse vun der schoulescher Situatioun vun engem Schüler an déi geziilte Fërderung. A wéi dës 2 Etappen eis kënnen Opschloss ginn ob ee Kand oder Jonken eventuell eng Léierstéierung huet.
-
Liewe mat Dyslexie
An eisem 7. Podcast geet et ëm d’Liewe mat Dyslexie. Dyslexie ass eng Léierstéierung, déi engem d’Liesen an d’Schreiwen erschwéiert. Mee mat enger fréizäiteger Diagnos, an den richtegen Hëllefsstellungen, wéi Strategien an Adaptatiounen, kann ee säi schouleschen a beruffleche Parcours gutt meeschteren. Iwwert hire Wee bis elo, erziel eis haut eng Betraffen.