AllThingsMosta

Wala'a
  • 0.0 (0)
  • PERSONAL JOURNALS
  • UPDATED WEEKLY
AllThingsMosta

انطلاقاً من شعور الدهشه الما بفارقني وانا بعاين للحياة والفيها بديت البودكاست دا.. واكيد بشارك معاكم فيهو كل ما يثير الدهشة بالنسبه لي! اعتبروهو فويس نوت من صديق قديم بعيد حابب يشارك معاكم ما يُحب، وحابب ينقل ليكم مشاعر جميله اتكونت جواهو من الاشياء والتجارب الكتيره العاشها، من غير رتابة او مقدمات، فقط دهشة وحب.

  1. 1 APR

    Season 2 | Episode 10 | What have I learned | عصارة خبرتشي

    للاسف بالحلقة دي حودعكم وافارقكم … لكن حبيت اختمها بعصارة خبرررتتششيييي!!!! الصدمات النفسية والمرور بالفترات الصعبة قديكون مخيف لدرجة مخنا زي ما قلنا في الحلقات الفاتت بحاول يتكيف و بكون دفاعات نفسية كتير منها ممكن يتحول لامراض نفسية زي الاكتئاب والقلق والوسواس القهري والانفصام وغيرو كتير. ولانو ضروري وكان لابد اني احكي ليكم قصص حياتي، شاركتكم فيها عن الاتعلمتو في رحلتي الشخصية مع الصدمات النفسية والامراض النفسية. شخصيا مبسوطة من الحلقة دي لانو هدفي كلو من السوشل ميديا والبحب انا برضو اشوفو فيها وبتابعو هو الانسان لما يشارك تجربة انسانيه مر بيها مع الناس.  بحب كون انو في حقيقة لسا قاعده في العالم، والحلقة دي و البودكاست دا مساهمة بسيطة في الموضوع دا,  وكانت احسن طريقة نختم مشوار الموسم التاني من AllThingsMosta 💛. اتمنى تكون وصل ليكم ووصل لقلوبكم واداكم امل وساندكم في طريقكم انكم تبقوا احسن لنفسكم وللناس الحولينكم .. ربنا ينفعكم وينفع بيكم 💛. I Have always wanted to be a helping hand  فشكرا ليكم انكم بتسمعوا البودكاست و طوالي بتشاركوني قدر شنو فادكم وقدر شنو ساعدكم.  لحدي ما القاكم في مواسم جاية ابقوا طيبين .. سلام  لو كنتو من عائلة "البقرو الونسة البتونسها هنا" رسلو لي 💛 في السوال ميديا عشان اعرف انكم The most loyal fans ever 😂  اتواصلوا معاي واحكولي قصصكم وارائكم في البودكاست عموما  ومواضيع الحلقات على الوجه الاخص في السوشل ميديا: - Twitter  https://twitter.com/walmosta - Instagram https://www.instagram.com/walmosta/  وحتلقوني برضو في يوتيوب: https://youtube.com/channel/UCmjrlAklFTBJQg42BqVqoeg

    13 min

  2. 25 MAR

    Season 2 | Episode 9 | Interview with Dunia Mubarak | Acceptance | القبول

    انا ما ممكن اكون مبسوطة من حاجة اكتر من انبساطي بالانترفيو دي!! دنيا مبارك او دودو كما يحلو لنا تسميتها الليلة ضيفتي العزيزة 💛 في اخر حلقة في الموسم الفاتت حكيت ليكم عن حاجة علمتني ليها دنيا وسبحان الله هي حسي اول ضيفه في البودكاست!!! نقلنا ليكم شوية بس شوية -برغم الساعه السمعتوها- من نقاشاتنا العادية الكدا الاعتباطيا بنتونسها في مرقه هايفة. ما ححرق عليكم الانترفيو ولا اتكلمنا فيها عن شنو ولكن اعتبروها تذكير لانكم تشبعوا من حبايبكم طول ما هما قراب منكم على قدر ما تقدروا لانو الدنيا فراقة … سلام  لو كنتو من عائلة "البقرو الونسة البتونسها هنا" رسلو لي 💛 في السوال ميديا عشان اعرف انكم The most loyal fans ever 😂  اتواصلوا معاي واحكولي قصصكم وارائكم في البودكاست عموما  ومواضيع الحلقات على الوجه الاخص في السوشل ميديا: - Twitter  https://twitter.com/walmosta - Instagram https://www.instagram.com/walmosta/  وحتلقوني برضو في يوتيوب: https://youtube.com/channel/UCmjrlAklFTBJQg42BqVqoeg

    1 hr

  3. 19 MAR

    Season 2 | Episode 8 | Depression | الاكتئاب

    اوباااا!!!! جينا لBig boss!! الكينغ الكلنا بنخاف نقع فيهوولما نقع فيهو بنخاف ما نمرق من تحت يدو لانو ما برحم! والمجربو عارفو كويس! دخلنا في المرحله الرابعة من التشافي وفيها اليأس الاتكلمنا عنو في الحلقة الفاتت بزيد، وببدا يكون جوانا استسلام اكثر للمشاعر وللحاصل لكن مع وجود حزن كبير جدا والم اكثر من المراحل الفاتت كلها! مشاعر الحزن هنا بتنمو وتتضاعف وتتبرعم ودا اكتر شي مخيف فيها! لانو الحزن بوقف الحياة، ولو وقفت الحياة الحزن حيزيد ويلا لفي بينا يا دنيا! الحلقة دي كتبتها وانا مارة ب Depressive episode فمن القلب للقلب شديد! 😂 تمنياتي ليها ولكل الحلقات انها تصلكم وتستفيدوا منها … سلام لو كنتو من عائلة "البقرو الونسة البتونسها هنا" رسلو لي 💛 في السوال ميديا عشان اعرف انكم The most loyal fans ever 😂  اتواصلوا معاي واحكولي قصصكم وارائكم في البودكاست عموما  ومواضيع الحلقات على الوجه الاخص في السوشل ميديا: - Twitter  https://twitter.com/walmosta - Instagram https://www.instagram.com/walmosta/  وحتلقوني برضو في يوتيوب: https://youtube.com/channel/UCmjrlAklFTBJQg42BqVqoeg

    14 min

  4. 10 MAR

    Season 2 | Episode 7 | Bargaining | المساومة

    مشاعر الانسان في الصدمة النفسية بتنتقل من العدائية لليأس، ومرحلة المساومة هي بدايات اليأس. ببدا فيها الزول يتقبل الواقع بتاعو مع شوية رفض ليهو ومحاولات مستميته لاصلاح الماضي واسئلة كتيرة وندم كتير. خلونا نتفق هنا انو كلمة "يتقبل" بتختلف من "يوافق"، يعني الانسان هنا ببدا "يتقبل" فكرة وجود الواقع المؤلم ، وهنا ما بكون بتجاهل لكن بتظهر مشاعر "عدم الموافقة" او الرفض في المحاولات البلا امل لتغيير الوضع والندم و ال What if دي مرحلة كانت جديدة علي لكن بعد مراجعة مشاعري لقيت اني بمر بيها بكثره فاتمنى الحلقة دي برضو تخليكم تكتشفو حاجات في نفسكم ما حصل انتبهوا ليها وتساعدكم … سلام  لو كنتو من عائلة "البقرو الونسة البتونسها هنا" رسلو لي 💛 في السوال ميديا عشان اعرف انكم The most loyal fans ever 😂  اتواصلوا معاي واحكولي قصصكم وارائكم في البودكاست عموما  ومواضيع الحلقات على الوجه الاخص في السوشل ميديا: - Twitter  https://twitter.com/walmosta - Instagram https://www.instagram.com/walmosta/  وحتلقوني برضو في يوتيوب: https://youtube.com/channel/UCmjrlAklFTBJQg42BqVqoeg

    12 min

  5. 4 MAR

    Season 2 | Episode 6 | Anger | الغضب

    المرحلة التانية من مراحل التشافي معانا هي الغضب!! الحديث في سياق الغضب المتعودين عليهو دايما بكون تخدير منو او طرق علاج منو او ذم والخ من السياق السلبي البنعاين ليهو للمشاعر دي ولكن! حصل فكرتو قدر شنو هو مهم لينا؟ وقدر شنو هو ممكن يفيدنا في رحلتنا للتشافي الروحي؟  الغضب يعتبر شعور سلبي وانا معاكم ما اختلفنا لكن "When life gives you lemons, make lemonade"! عارفة انو كلامي غريب لكن لما تسمعوا الحلقة دي وترجعوا تراجعوا مشاعركم تاني وهي شنو وبتدل على شنو حتفهموني وحتفهمو قصدي … سلام لو كنتو من عائلة "البقرو الونسة البتونسها هنا" رسلو لي 💛 في السوال ميديا عشان اعرف انكم The most loyal fans ever 😂  اتواصلوا معاي واحكولي قصصكم وارائكم في البودكاست عموما  ومواضيع الحلقات على الوجه الاخص في السوشل ميديا: - Twitter  https://twitter.com/walmosta - Instagram https://www.instagram.com/walmosta/  وحتلقوني برضو في يوتيوب: https://youtube.com/channel/UCmjrlAklFTBJQg42BqVqoeg

    9 min

  6. 26 FEB

    Season 2 | Episode 5 | Denial | الانكار

    لما المشاعر تكون كتيرة والخوف بتملكنا و كنتيجة لصعوبة اي موقف مؤلم مخنا بشرد! بلم معاهو مشاعرنا وبشرد! وبخلينا نعيش حالة من انكار الواقع بأشكال مختلفة على حسب الموقف وتأثيرو علينا وشخصيتنا وتفكيرنا وكلها الطرق هدفها واحد، انها تحسسنا بالمواساة اكثر وتخفف علينا وطأت المشاعر الصعبة. فحقيقي مخنا شرد لكن ما بنقدر نلومو شديد .. كان خايف علينا! في اول مراحل التشافي اتكلمنا في الحلقة دي عن الانكار وهو شنو ومسبباتو شنو، وامثلة ليهو وتطبيقو على الصدمة النفسية الشخصية بتاعتي -الخوف من الفشل- وبتقدروا كيف تطبقوها على الصدمة النفسية حقتكم عن طريق اسئلة بسيطة حتجاوبوا عليها بكل صراحة بينكم وبين نفسكم … سلام لو كنتو من عائلة "البقرو الونسة البتونسها هنا" رسلو لي 💛 في السوال ميديا عشان اعرف انكم The most loyal fans ever 😂  اتواصلوا معاي واحكولي قصصكم وارائكم في البودكاست عموما  ومواضيع الحلقات على الوجه الاخص في السوشل ميديا: - Twitter  https://twitter.com/walmosta - Instagram https://www.instagram.com/walmosta/  وحتلقوني برضو في يوتيوب: https://youtube.com/channel/UCmjrlAklFTBJQg42BqVqoeg

    10 min

  7. 19 FEB

    Season 2 | Episode 4 | Healing | التشافي

    بعد مرحلة الوعي بالنفس والمشاعر و الواقع بتجي المرحلة البنبدا فيها التنفيذ اللي هي الHealing او الاستشفاء وتعتبر البداية الحقيقة.  الاستشفاء الروحي هو طريقة للانسان يكتشف بيها نفسو! بنمر بتجارب كبيرة وكتيرة من نحن صغار، ولما نكبر بنستوعب تأثيرها علينا وعلى تصرفاتنا، وقدر شنو ممكن تخلينا نبعد عن الشخص النفسنا نكونو ومن الطفل البريء الجوانا البحب الحياة وعندو رغبة فيها وممكن نبعد من ربنا حتى كمان! خلوني اصلح ليكم الجملة لحاجة معناها اقرب لقلبي اكتر .. الاستشفاء الروحي هو طريقة للانسان لاستعادة نفسو.  ما مسؤوليتنا الحصل لينا والخلانا نتوه لكن مسؤولين نرجع للطريق الصح تاني. وللاستشفاء الروحي مراحل خمسه حنتعرف عليها بجانب خطوات ومفاهيم كثيرة مهمة اتكلمنا عنها في الحلقة دي، اتمنى تفيدكم في طريقكم… سلام لو كنتو من عائلة "البقرو الونسة البتونسها هنا" رسلو لي 💛 في السوال ميديا عشان اعرف انكم The most loyal fans ever 😂  اتواصلوا معاي واحكولي قصصكم وارائكم في البودكاست عموما  ومواضيع الحلقات على الوجه الاخص في السوشل ميديا: - Twitter  https://twitter.com/walmosta - Instagram https://www.instagram.com/walmosta/  وحتلقوني برضو في يوتيوب: https://youtube.com/channel/UCmjrlAklFTBJQg42BqVqoeg

    9 min

  8. 12 FEB

    Season 2 | Episode 3 | Awareness | الوعي

    في محاولات انو الانسان يكون شخص افضل وحر من كل العقد النفسية البتعيقو في حياتو لازم يمر بمرحلة الوعي او ال Awarness بنفسو و محيطو الفيها ببدا يفهم نفسو ويدرك العادات السلبية البعملها والكانت نتيجة لعقد نفسية في الماضي وتأثيرها عليهو وعلى الحولينو، واهمية التخلص منها و استبدالها بما هو افضل.   في الحلقة دي اتكلمنا عن الوعي هو شنو و عن مقاومة الواقع وبأثر علينا كيف و كيف نقدر نسقط الافكار دي على صدماتنا النحن بنمر بيها، وعن اهمية وجود التعاطف مع النفس في المرحلة دي. الوعي قد يكون سلاح ذو حدين وقد تتمنى في لحظات كتيرة انك تعود كرينج ولا واعي! ولكن كل زول فينا مسوؤل عن الروح الفيهو دي فللاسف ماف مجال يا غزال 😘  … سلام  لو كنتو من عائلة "البقرو الونسة البتونسها هنا" رسلو لي 💛 في السوال ميديا عشان اعرف انكم The most loyal fans ever 😂  اتواصلوا معاي واحكولي قصصكم وارائكم في البودكاست عموما  ومواضيع الحلقات على الوجه الاخص في السوشل ميديا: - Twitter  https://twitter.com/walmosta - Instagram https://www.instagram.com/walmosta/  وحتلقوني برضو في يوتيوب: https://youtube.com/channel/UCmjrlAklFTBJQg42BqVqoeg

    7 min
See All (20)

Trailer

About

انطلاقاً من شعور الدهشه الما بفارقني وانا بعاين للحياة والفيها بديت البودكاست دا.. واكيد بشارك معاكم فيهو كل ما يثير الدهشة بالنسبه لي! اعتبروهو فويس نوت من صديق قديم بعيد حابب يشارك معاكم ما يُحب، وحابب ينقل ليكم مشاعر جميله اتكونت جواهو من الاشياء والتجارب الكتيره العاشها، من غير رتابة او مقدمات، فقط دهشة وحب.

Information

  • Creator
    Wala'a
  • Years Active
    2022 - 2024
  • Episodes
    20
  • Rating
    Explicit
  • Copyright
    © Wala'a
  • Show Website
    AllThingsMosta

To listen to explicit episodes, sign in.

Stay up to date with this show

Sign in or sign up to follow shows, save episodes and get the latest updates.
Select a country or region

Africa, Middle East, and India

Asia Pacific

Europe

Latin America and the Caribbean

The United States and Canada