តើការដែលកម្ពុជា កែសម្រួលកម្លាំងទ័ពនៅតំបន់ជម្លោះជាមួយថៃមានន័យយ៉ាងណា?

អតីត​នាយក​រដ្ឋ​មន្ត្រី​កម្ពុជា លោក ហ៊ុន សែន បាន​អះអាង​នៅ​ល្ងាច​ថ្ងៃ​ទី​៨​មិថុនា​ថា ការ​កែ​សម្រួល​កម្លាំង​កង​ទ័ព​នៅ​តំបន់​មាន​ជម្លោះ​ដែល​ស្រុះស្រួល​គ្នា​រវាង​មេបញ្ជា​ការ​កង​ទ័ព​នៃ​ប្រទេស​ទាំង​ពីរ ​គឺកម្ពុជា និងថៃ ដើម្បី​កុំ​ឲ្យ​ប៉ះទង្គិច​បង្ហូរ​ឈាម​ទ្រង់​ទ្រាយ​ធំ​គឺ​ជា​រឿង​ចាំ​បាច់​។​ តែ​អ្នក​តាម​ដាន​សភាពការណ៍​ខ្លះ​ យល់ថា ​ការ​សម្រេច​ចិត្ត​បែប​នេះ​របស់​កម្ពុជា​ គឺ​ចាញ់​ប្រៀប​ថៃ​។