ក្រុមស្ត្រីរត់រ៉ឺម៉កនៅខេត្តសៀមរាប តស៊ូជំនះការរើសអើង និងការប្រមាថ

ក្រុមស្ត្រីអ្នករត់រ៉ឺម៉កកង់បីនៅខេត្តសៀមរាប ដែលពឹងអាស្រ័យលើវិស័យទេសចរណ៍ បានរងការរើសអើងប្រមាថមើលងាយដោយពាក្យសំដីពីក្រុមបុរសៗមួយចំនួន ជាអ្នករត់រ៉ឺម៉កកង់បីដូចគ្នា។ តែទោះបីជាប្រឈមនឹងបញ្ហាយ៉ាងណាក្តី ក៏ក្រុមស្រ្តីប្រកបរបររត់រ៉ឺម៉កកង់បី នៅតែព្យាយាមក្រោកឈរ តស៊ូជាមួយនឹងអាជីពមួយនេះ ប្រឹងជំនះមតិរិះគន់ ដែលថា ស្រ្តីមិនអាចធ្វើការងារដូចបុរសបាន។