不扮紅姊的理由：關於變裝的那些事

你敢知影佇網路頂當咧風火著的「中國紅姊」事件？這是一件發生佇中國的性影像犯罪佮外流事件，毋過因為內底牽涉變裝做女性的男性(而且打扮起來猶是……嗯……)「紅姊」，佮其他超過一千六百名男性(而且其中袂少外在條件袂䆀)，予這件代誌佇網路頂隨隨變成一款笑詼話題。

台灣的變裝網衝「UG」幾若遍予迷眾要求變裝做「紅姊」，毋過UG煞提出伊無願意變裝做這个角色的理由……一个眾人感覺好笑的事件，敢誠實單純干焦好笑？性影像犯罪佮外流發生佇男性身上敢就無要緊？UG佮主持人之一的佑仁二人攏有變裝經驗，二人的變裝初衷佮原則是啥？這集咱來對「紅姊事件」講到「變裝的原則」。

是講……怎會講講咧煞出現《新白娘子傳奇》？！