Арцём Шрайбман. Ці здолее Ціханоўскі надаць другое дыханне дэмсілам і дыяспарам

Пасля сустрэчы Лукашэнкі з Келагам і яго “сяброўскіх” абдымкаў прадстаўніка Трампа, наладжваць адносіны з ЗША стала ў Беларусі модным. Кіраўнік ЛДПБ Алег Гайдукевіч распавёў, што ў Мінск па яго запрашэнні прыехала дэлегацыя з ЗША. Вось толькі калі Лукашэнка сустракаўся з амерыканцам сапраўдным, то ў дачыненні да госьцікаў Гайдукевіча ёсць пытаннечкі. Ці можна казаць, што Мінск і Вашынгтон сапраўды ўзялі курс на наладжванне адносінаў і навошта гэта бакам? Якія пагрозы пабачыў рэжым у “ябацьках-рускамірцах” і чаму Лукашэнка і Пазняк загаварылі пра прарасійскасць Ціханоўскага? Ці здолее Ціханоўскі разварушыць беларусаў і ці існуе верагоднасць “палацавага перавароту”? На гэтыя ды іншыя пытанні ў эфіры Еўрарадыё адказвае палітычны аналітык, эксперт Берлінскага цэнтра Карнегі Арцём Шрайбман.