Соңку жаңылыктар

ЭЕ/АҮ
  • 0,0 (0)
  • ЕЖЕДНЕВНЫЕ НОВОСТИ
  • ЕЖЕДНЕВНО

Кыргызстанда жана дүйнөдө эмне болуп жатат? Күндөлүк жаңылыктар жана орчундуу окуялар.

  1. 29 АВГ.

    Жаңылыктар | 29.08.2025 | Израиль Газаны толук басып алуу үчүн даярдыкты күчөттү

    Израил армиясы Газа шаарын толук басып алуу үчүн даярдыкты күчөтүп, бир миллиондой тургунду жер которууга мажбур кылууда. Палестин анклавындагы кыйын кырдаал, жарым миллиондой киши ачарчылыкка дуушар болуп жатканы Улуттар Уюмунун Коопсуздук кеңешинде талкууланды. Дүйнөлүк уюмдун баш катчысы Антонио Гутерреш Изарилдин аскердик операциясын кеңейтип жатканын айыптап, "карапайым калкты ачарчылыкка кептөө - согуш ыкмасына айланбашы керек" деди.

    30 мин.

  2. 28 АВГ.

    Жаңылыктар | 28.08.2025 | Орусия Украинага 600дөй дрон менен чабуул койду

    28-августка караган түнү Украинанын борбор шаары Киев орус армиясынын жапырт чабуулуна кабылды. Киевдин бийлиги түнкү аба соккулары шаардын жети районундагы турак жайларга, имараттарга залака келтирип, кеминде 15 киши, арасында үч жаш бала мерт болуп, 50гө чукул тургун жарадар экенин билдирди. Жалпы Украинага бейшембиге караган түнү 600дөй дрон чабуул койгону кабарланды.

    30 мин.

  3. 27 АВГ.

    Жаңылыктар | 27.08.2025 | Учкучсуз учак альпинист Наговицинанын абалына байкоо салды

    Президент Садыр Жапаровдун басма сөз катчысы Аскат Алагөзов Фейсбуктагы баракчасына Жеңиш чокусунда буту сынып калып калган орусиялык альпинист Наталья Наговицинанын абалын байкоого учкучсуз аскердик учак да тартылганын жазды.

    30 мин.

  4. 26 АВГ.

    Жаңылыктар | 26.08.2025 | Кыргызстандан 922 чет элдик жаран депортация болду

    10-июндан ушул күнгө чейин Кыргызстандан 922 чет элдик депортацияланды. 240 чет элдик жаран депортациясын күтүп, мурдагы "Ганси" борборунун аймагында кармалып турат. Алардын 157и Бангладештин, 80и Пакистандын, экөө Индиянын жана дагы бирөө Египеттин жараны.

    30 мин.

  5. 25 АВГ.

    Жаңылыктар | 25.08.2025 |Тоңдогу сел: жол жабылып, үйлөрдү суу каптады

    Ысык-Көлдүн Тоң районунда катуу жаандан соң сел жүрүп, бир нече үйдүн короосун каптады. Балыкчы-Каракол жолу убактылуу жабылып, кыймыл калыбына келтирилди. Турак-жайы жабыркагандар селдин алдын алуу иштери начар болгонун айтып нааразы болууда.

    30 мин.

  6. 24 АВГ.

    Жаңылыктар | 24.08.2025 | Жеңиш чокусунда калган альпинистти куткаруу токтотулду

    Өзгөчө кырдаалдар министрлиги Жеңиш чокусунда калган орусиялык альпинист Наталья Наговицинаны куткаруу иши токтотулганын ырастады. Ага ылайык, куткаруучулар 6 100 метр бийиктикке чейин жеткен жана аба ырайынын туруксуздугуна байланыштуу операция белгисиз мөөнөткө токтотулган. Наговицина кошулган төрт кишиден турган альпинисттер тобу Жеңиш чокусуна чыгып кайтып келаткан. 12-августта Наговицинанын буту сынып, баса албай, 7 100 метр бийиктикте калган. Орусиялык басылмалар 12 күндөн бери -25 градус суук жерде жаткан альпинист каза болгонун жазышты.

    30 мин.

  7. 23 АВГ.

    Жаңылыктар | 23.08.2025 | Газада ачарчылык кооптуу чекке жетти

    Газада жарым миллиондон ашуун палестиналык ачарчылыктын кооптуу чегинде жашап атта. Бул тууралуу 21 мамлекеттин эл аралык гуманитардык уюмдарынан турган топтун отчетунда айтылат. Анда 517 миңдей палестиналык толук масштабдуу ачарчылыктын бешинчи баскычында, дагы 1,07 миллиондойу төртүнчү, 396 миңи үчүнчү баскычында экени жазылган.

    30 мин.

  8. 22 АВГ.

    Жаңылыктар | 22.08.2025 | Бишкекте этти кымбат саткан ишкерге айып салынды

    Монополияга каршы жөнгө салуу кызматы Бишкекте жеке ишкер этти өкмөт бекиткен баадан кымбат сатканы үчүн 13 миң сом административдик айыпка жыгылганын билдирди. Ушул тапта айыл-аймактарда эттин баасына мониторинг жүргүзүлүп, текшерүүлөр болуп жатат. Монополияга каршы жөнгө салуу кызматы 13-августта Бишкек, Ош шаарларында жана облус, райондордо эттин баасын бекиткен.

    30 мин.
См. все (250)

Об этом подкасте

Кыргызстанда жана дүйнөдө эмне болуп жатат? Күндөлүк жаңылыктар жана орчундуу окуялар.

Информация

  • Автор
    ЭЕ/АҮ
  • Годы выхода
    2020 - 2025
  • Выпуски
    250
  • Ограничения
    Без ненормативной лексики
  • Авторские права
    © Бардык укуктар сакталган 2010 - Азаттык үналгысы
  • Сайт подкаста
    Соңку жаңылыктар

Еще от провайдера «Radio Free Europe / Radio Liberty»