Зміцер Гурневіч. Дэпартацыі пасля выступу Каржа: дыяспара пад ціскам, палітвязні без надзеі?

Канцэрт Макса Каржа ў Варшаве меў стаць вялікай музычнай падзеяй, але ператварыўся ў гучны сацыяльна-палітычны скандал апошніх дзён. Масавыя затрыманні, рызыка дэпартацый, абразлівая сімволіка, праблемы з інтэграцыяй — усё гэта выклікала гарачыя дыскусіі ў Польшчы, Беларусі і Украіне. Для дыяспары гэта не проста “канфлікт вакол артыста”, а сур’ёзны выклік — як заставацца разам, не губляць салідарнасці і абараняць сваіх у складаных умовах? У той жа час унутры краіны за кратамі застаюцца тысячы палітычных зняволеных. І пытанне гучыць востра: як беларуская дыяспара можа сумяшчаць клопат пра сябе з барацьбой за тых, хто застаўся ў Беларусі? Ці ёсць у яе рэсурс і інструменты ўплываць на міжнародны парадак дня, каб тэма палітвязняў і будучыні Беларусі не знікла з сусветных навінаў? Пра гэта і не толькі ў жывым эфіры Еўрарадыё размаўляем з журналістам Радыё Свабода Змітром Гурневічам.