Рыгор Ніжнікаў. Як у Еўропе і ЗША зменіцца стаўленне да дэмсіл пасля 9 жніўня

Напярэдадні 5 гадавіны выбараў 2020 года шмат развагаў пра тое, што электаральны цыкл скончыцца і ў вачах заходняга свету Ціханоўская больш не будзе мець ніякай легітымнасці. А ў сітуацыі, калі стаўленне да мігрантаў як у краінах ЕС, так і ў ЗША пагаршаецца, пытанне лабіявання і адстойвання інтарэсаў беларусаў становіцца надзвычай актуальным. Да ўсяго, з усіх бакоў гучаць папярэджанні пра імаверны ваенны канфлікт з Расіяй. Што таксма не дадае спакою і стварае новыя загрозы. Ці сапраўды ў Еўропе ўзровень палітычнага дыялогу вымяраецца электаральнымі цыкламі і ці чакаць зменаў адносінаў да Святланы Ціханоўскай? Ці варта ўсур’ёз успрымаць папярэджанне пра непазбежнасць ваеннага канфлікту паміж Расіяй і краінамі ЕС і як Еўропа рыхтуецца да супрацьстаяння расійскай агрэсіі? Ці можна казаць, што дзеянні Трампа правакуюць напад Пуціна на Еўропу і ці рэальны бліжэйшым часам “круглы стол” з рэжымам Лукашэнкі? На гэтыя ды іншыя пытанні ў жывым эфіры Еўрарадыё адказвае эксперт Фінскага інстытута міжнародных спраў Рыгор Ніжнікаў.