Эди ӈэлкир! \\ Не бойся!

Би бадич мялрым

Аму гонни: эрэв инэӈу гиркарив бактавур. Гиркарил хояв тытамканитан, хояв маванникан.

Аму тэгэтникэн тог анчиндулан ярутаддин пэктэрэвми

Гиркари эшни мунрукан бишь, эшни-дэ эӈтыри бишь

– Хи киманри? – ульгимин аму эникэн көетты

– Иӈэ,- бараграм хинмамакан

– Эди ӈэлкир, – гонни,– гиркари – ӈэлэм хавка, бэйнэн мЭргэч. Мину көетникэн, дёӈили мэнкэн ичинри он некэнмэй

Бадич кимридюр гиркашну. Ишыгла як-та эч унэт мялра. Мун унтавун кИшалнан энтукукэн иманрали. Хялтанни. Би амарлан ами гиркарам.

– Итнэли, – гонни аму, ӈалди ичукэтникэн иманрыла

– Эрэк гиркари удин? – улгимирэм

– Иӈэ, отэл бишин элэ

– Би аймакан көечидилрэм гиркари удөн

– Отэл долбу нёӈчакал оршагла мадитан? –улгимирэм амми

– Иӈэ. – Эрэк гиркари эшни ӈэлрэ бэй дАлилан мАкачиддай. Томи баканмай хинмач гиркарив. Ишигли ӈэнэдникэн аймакан көетникэн уддён нёӈчак, мэддөттэн удитаврий. – гонни амму

Би пэктэрэвми чаламугчиникан гиркун дАшным хинмач

Адив-да чашу очалан нян-да бакру тинивчэв орам мавчав гиркари

– Таракатта гиркари мачан? – улгимирэм амандулай

– Иӈэ, барагран. – Көенри? Удин гиркари, элэкэш хорчэ

– Тавара! – ХивартАлран аму ичукэтникэн хякитал чидалан

– Эди хэлиӈчикир – энтукун. Эшни унэт мэтур муну гиркари

Би энтукун бараграм, арАн хиралникан эдэн мэтур. Амму энтукукэн мИттан эдэй минду хоиттай

– Киманри?– хиварталран аму

– Эй, – гонэм би. Ӈалалбу хИлгэнивэн

– Долчили ишагу. Мэни долчили. Нёӈчак ӈэлэм эӈи. Ноӈан эшни яв-да ӈэлрэ. Гиркари хан удитаврий, - нян-да хИварталран аму, - Эди хэлИӈчикир

Би пэктэрэнэм. Нёӈчак тикрэн иманрала

– Тек! – гонни аму, нэдникэн ӈали мин мирлэв

– Минду эшни айши, - гонэм би

– Тачин бивэттэн, – барагран аму, – эди мЭргэткир. Хи мэн дюй хЭкруӈчинри, орарбу-да хЭкруӈчинри

Аму бэлрэн минду уГэрдэку. Дюткивур гиркашну

Проект осуществлен командой подкаста «Ваши уши».

Следите за нами во всех соцсетях @vashiushi