ཀུན་གླེང་ཐད་གཏོང་། ༢༠༢༤ ཟླ ༡༡ ཚེས ༡༤ - སྤྱི་ཟླ་བཅུ་གཅིག་པ། ༡༤, ༢༠༢༤

ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་ཨ་རིའི་གྲོས་ཚོགས་གོང་འོག་གཉིས་ཀ་སྤྱི་མཐུན་ཚོགས་པས་སྟངས་འཛིན་དང་། སྲིད་འཛིན་བྷ་ཌན་དང་བདམས་ཐོན་སྲིད་འཛིན་ཊམ་གཉིས་ཕོ་བྲང་དཀར་པོར་མཇལ་འཕྲད། ཨ་རི་དང་རྒྱ་ནག་གི་སྲིད་འཛིན་གཉིས་ལོགས་སུ་མཇལ་འཆར། བོད་ཀྱི་བུད་མེད་ལྷན་ཚོགས་ནས་བོད་དོན་ལས་འགུལ་ཞིག་འགོ་འཛུགས་གནང་བ་སོགས་ཡོད། ཐེངས་འདིའི་ཁ་བའི་མི་སྣའི་ལས་རིམ་ནང་ཚུལ་ཁྲིམས་རྒྱ་མཚོ་ལགས་ཀྱིས་རྩོམ་པ་པོ་དང་ལོ་རྒྱུས་སྨྲ་བ་ཧོར་གཙང་འཇིགས་མེད་ལགས་དང་ལྷན ༡༩༣༧ ལོར་བོད་ལ་ཕེབས་ཤིང་བོད་བརྒྱུད་ནང་བསྟན་ཨ་མི་རི་ཀའི་ནང་ཁྱབ་སྤེལ་གཏོང་རྒྱུའི་འཆར་འགོད་བྱས་པའི་ཨ་རི་བ་བླ་མ་དཀར་པོ་ཞེས་པའི་མི་ཚེའི་ལོ་རྒྱུས་ཐད་བགྲོ་གླེང་ཞུ་རྒྱུ་ཡིན། དེ་རིང་གི་དྲ་སྣང་གི་བོད་དུ་ཚེ་རིང་སྐྱིད་ལགས་ཀྱིས་བརྩོན་འགྲུས་ཞེས་པའི་ཁ་པར་བཀོལ་ཆས་དང་། རྒྱ་ནག་གིས་ཆོས་ལུགས་སློབ་གླིང་གི་ཁྲིམས་གཉིས་ལག་ལེན་བསྟར་འཆར། བཀྲ་ཤིས་དབང་ཕྱུག་ལགས་ལ་ཉེས་འཛུགས་ཀྱི་ཡིག་ཆ། བོད་ཡིག་དྲ་ཚིགས་ཁག་ལ་འཇབ་རྒོལ། བོད་ཇ་རྒྱུད་ལམ་གྱིས་བོད་དོན་དམིགས་བསལ་འབྲེལ་མཐུད་པར་བཅར་འདྲི་ཞུས་པ་སོགས་ཡོད།