ဖိသၣ်မုၣ်ခွါသွံၣ်ထံးတၢ်မၤတရီတပါတၢ်လိာ်ဘၢလိာ်ကွီၣ်, ကဲထီၣ်တၢ်ဂ့ၢ်လၢ ဝံးထိရံယါကွၢ်ကဒါတၢ်

တၢ်အံးထွဲကွၢ်ထွဲဖိသၣ်တၢ်လီၢ်လၢအတၢ်ပူၤဖျဲးပတီၢ် တထီၣ်ဘးဒ်သိးတၢ်ပာ်ပနီၣ်အီၤဘၣ်န့ၣ် ကီၢ်စၢဖှိၣ်ပဒိၣ်စံးလၢအဝဲသ့ၣ် ကဃုမၤန့ၢ်တၢ်စိတၢ်ကမီၤအသီလၢကထုးကွံာ်ကျိၣ်စ့တၢ်မၤစၢၤအဂီၢ်န့ၣ်လီၤ. တၢ်ဂ့ၢ်အံၤပိာ်ထွဲထီၣ်အသးခီဖျိ ဝံးထိရံယါပၢၤကီၢ် ပာ်ဖျါထီၣ်လၢ အဖီၣ်န့ၢ် ပှၤအံးထွဲကွၢ်ထွဲဖိသၣ်ပှၤမၤတၢ်ဖိတဂၤ ဒီးလိာ်ဘၢလိာ်ကွီၣ်အီၤလၢ တၢ်မူးတၢ်ရၢ်အခါ ၇ဝ, ဘၣ်ထွဲလိာ်အသးဒီး တၢ်မၤကမၣ် မုၣ်ခွါသွံၣ်ထံး တၢ်မၤတရီတပါအဂ့ၢ်သ့ၣ်တဖၣ်န့ၣ်လီၤ.ဝံးထိရံယါကီၢ်စဲၣ် အနီၣ်ကစၢ်ဒၣ်ဝဲစ့ၢ်ကီး ဟဲစိာ်မၤအါထီၣ်ဝဲဒၣ် တၢ်ဆီတလဲအသီ တဘျုးခါ ဒီး ကီၢ်စၢဖှိၣ်ပဒိၣ်ပာ်လီၤလံတၢ်ဘျၢလၢတၢ်ကဘၣ်တြီဝဲဒၣ် တၢ်သူလီတဲစိစိာ်စု ဖဲတၢ်အံးထွဲကွၢ်ထွဲဖိသၣ်တၢ်လီၢ်သ့ၣ်တဖၣ်န့ၣ်လီၤ.