ဘီဘီစီမြန်မာပိုင်း ညနေခင်းသတင်းအစီအစဉ်

BBC Burmese Radio
  • 4,3 (121)
  • НОВОСТИ
  • ЕЖЕДНЕВНО
ဘီဘီစီမြန်မာပိုင်း ညနေခင်းသတင်းအစီအစဉ်

နောက်ဆုံးရ သတင်းနဲ့ မျက်မှောက်ရေးရာအစီအစဉ်များ

  1. -16 Ч

    အာဏာသိမ်းပြီးနောက် မြန်မာစစ်တပ်နဲ့ သူတို့ ဩဇာခံတွေဟာ ကလေးစစ်သား သုံးမှု အဆမတန် များလာတယ်လ

    ဇွန်လ ၂၀ ရက်၊ သောကြာ ညချမ်း ဘီဘီစီမြန်မာပိုင်း ရေဒီယို အစီအစဉ် - မြန်မာစစ်တပ်ဟာ တကျော့ပြန် အာဏာသိမ်းခဲ့တဲ့ ၂၀၂၁ ဖေဖေါ်ဝါရီလ နောက်ပိုင်း က စလို့ ကလေးစစ်သား အသုံးချမှု တိုးမြင့် လုပ်လာ ခဲ့တာမှာ စစ်မှုထမ်း ဥပဒေ အသက်သွင်းလိုက်တဲ့ ၂၀၂၄ နှစ်ဆန်းပိုင်းက စလို့ အဆမတန် များလာ နေတယ် ဆိုပြီး နိုင်ငံတကာ လူ့အခွင့်အရေး စောင့်ကြည့်ရေး အဖွဲ့ HRW ပြော - ကုလသမဂ္ဂ အတွင်းရေးမှူးချုပ် အန်တိုနီယို ဂူတားရက်စ်ကလည်း မနေ့ ဇွန် ၁၉ ရက်စွဲနဲ့ပဲ နိုင်ငံတကာမှာ လက်နက်ကိုင် ပဋိပက္ခတွေထဲ ကလေးသူငယ်တွေကို အသုံးချမှုနဲ့၊ ကလေးသူငယ်တွေ ထိခိုက်ခံစား နေရတဲ့ အခြေအနေတွေ အကြောင်း အသေးစိတ် အစီရင်ခံစာ ထုတ်ပြန်တာမှာ မြန်မာနဲ့ ပတ်သက်ပြီးတော့လည်း အသေးစိတ် အချက်အလက်တွေ ထည့်သွင်းထား - ကုလ အတွင်းရေးမှူးချုပ်ရဲ့ အစီရင်ခံစာ အရ …. မိန်းကလေးငယ် ၁၅ ယောက် အပါအဝင် ကလေးစစ်သားတွေ အဖြစ် စုစောင်းခဲ့တဲ့ အမှု ကိစ္စပေါင်း ၄၈၂ မှု ပေါ်ပေါက်ခဲ့ကြောင်း အတည်ပြုထားနိုင်တာမှာ အများစုဟာ မြန်မာအာဏာသိမ်း စစ်တပ်နဲ့ သူတို့ရဲ့ ဩဇာခံ လက်နက်ကိုင်အဖွဲ့တွေက ကျူးလွန်ခဲ့တာ ဖြစ်တယ်လို့ ဆို - မြန်မာ စစ်တပ်နဲ့ လက်တွဲ အလုပ်လုပ်တဲ့ လက်နက်ကိုင် အဖွဲ့တွေလို့ ဆိုရာမှာ နယ်ခြားစောင့်တပ်နဲ့ ပျူစောထီးလို့ ခေါ်တဲ့ ပြည်သူ့စစ်တွေ အပြင်၊ RSO နဲ့ ARSA တို့လို ရိုဟင်ဂျာ လက်နက်ကိုင် အဖွဲ့တွေကိုပါ ကုလ သမဂ္ဂက ရည်ညွှန်းထား။ ပြည်သူ့ကာကွယ်ရေး အဖွဲ့တွေနဲ့ တိုင်းရင်းသား လက်နက်ကိုင် တော်လှန်ရေး အဖွဲ့တွေ ထဲမှာလည်း ကလေးစစ်သား အသုံးချမှု အရေအတွက် တချို့ရှိကြောင်းလည်း ဖော်ပြထားတာတွေ့ရ - ရှမ်းမြောက်မှာ တရုတ်ဖိအားကြောင့် ကိုးကန့်တပ် MNDAA နဲ့ တအာင်းတပ် TNLA တို့ အပစ်ခတ် ရပ်စဲထားရပြီး ၊ သိမ်းပိုက်ထားတဲ့နယ်မြေ တချို့ကနေ ပြန်ဆုတ်ခွာပေးနေရအချိန် ၊ ရခိုင်ပြည်နယ် တောင်ပိုင်းဒေသက တရုတ်စီမံကိန်းတွေ ရှိနေတဲ့ ကျောက်ဖြူမြို့ မှာတော့ တိုက်ပွဲဟာ ပိုမို ပြင်းထန်လာနေပါတယ်။ အခုတိုက်ပွဲတွေမှာ အာရက္ခတပ်တော် အေအေ က ကျောက်ဖြူမြို့သိမ်းဖို့အထိ ဖြစ်လာနိုင်ပါသလား။ တရုတ်စီမံကိန်းတွေအပေါ် အေအေရဲ့ သဘာထား ဘယ်လိုရှိပါသလဲ .... ဘီဘီစီ သတင်းလွှာ - စစ်ကိုင်းတိုင်း၊ ပုလဲမြို့နယ်ထဲ စစ်ကောင်စီ တပ်စွဲထားတဲ့ ကန့်ဒေါင့် ရဲစခန်းကို ပြည်သူ့လွတ်မြောက်ရေး တပ်မတော် -PLA နဲ့ မဟာမိတ် တပ်ပေါင်းစုတွေ သိမ်းပိုက်လိုက်ပြီလို့ ကြေညာလိုက်ပါတယ်။ အဲဒီ စခန်းမကျရေး အတွက် စစ်ကောင်စီက လေကြောင်းကော မြေပြင်စစ်ကူတွေ နဲ့ပါ အပြင်းအထန် ခုခံ ခဲ့တဲ့ ကြားကပဲ လက်လွှတ်ခဲ့ရတာ ဖြစ်ပါတယ်။ ကန့်ဒေါင့်ရဲစခန်း တိုက်ပွဲ အကြောင်း ဘီဘီစီ သတင်းထောက်ရဲ့ သတင်းပေးပို့ချက် - အခုနှစ်ကုန်ပိုင်းမှာ ကျင်းပမယ့် ရွေးကောက်ပွဲအတွက် ပြည်ထောင်စု ရွေးကောက်ပွဲကော်မရှင် အဖွဲ့ ခွဲ အဆင့်ဆင့် ဖွဲ့စည်းတဲ့အခါ နိုင်ငံ့ဝန်ထမ်းကို ဥက္ကဋ္ဌအဖြစ် ခန့်အပ်ခွင့် ရှိတယ် ဆိုပြီး ရွေးကောက်ပွဲ ဥပဒေကို စစ်ကောင်စီက ပြင်ဆင် ပြဌာန်းလိုက်ပါတယ်။ ဘာလို့ အဲဒီလို ခြေလှမ်းမျိုး ပြုလုပ် လာရတာပါလဲ။ စစ်ကောင်စီကျင်းပမယ့် ရွေးကောက်ပွဲအပေါ် လေ့လာစောင့်ကြည့်သူတွေရဲ့ အမြင် စုစည်းမှု - မြန်မာစစ်ကောင်စီကို စစ်လေယာဉ်တွေ … လက်နက်တွေ ရောင်းချပေးနေတဲ့ တရုတ်အစိုးရပိုင် (AVIC - အေ ဗွီ အိုင်စီ) ကုမ္ပဏီ ထံကနေ ဥရောပ လေယာဉ် ကုမ္ပဏီကြီး AirBus က သူတို့ ရင်းနှီးမြှုပ်နှံထားတာတွေကို ပြန် ထုတ်လိုက်ပါတယ်။ လေယာဉ်ထုတ်လုပ်တဲ့ ကုမ္ပဏီတွေထဲ ဥရောပမှာ AirBus ဟာ အကြီးဆုံး ကုမ္ပဏီပါ၊ ဒီကုမ္ပဏီက အခုလို တရုတ်ကုမ္ပဏီမှာ ရင်းနှီးထားတာတွေကို ထုတ်ပယ် လိုက်တဲ့အပေါ် …. အဲဒီလို လုပ်ဆောင်ပေးဖို့ ဆော်ဩနေကြတဲ့ မြန်မာ့အရေး ဆောင်ရွက် ကြသူတွေက ကြိုဆိုကြသလို ၊ သူတို့ လှုပ်ရှား ဆော်ဩနေခဲ့ကြတာတွေရဲ့ အောင်မြင်မှု တခုအနေနဲ့လည်း ဂုဏ်ယူကြပါတယ်။ ဒီကမ်ပိန်း လှုပ်ရှားမှုထဲ ပါဝင်ခဲ့တဲ့ အဖွဲ့တဖွဲ့ဖြစ်တဲ့ ဗြိတိန်အခြေစိုက် Stars of Myanmar Friendship အဖွဲ့နဲ့ ဘီဘီစီ မေးမြန်းခန်း - နိုင်ငံတကာဘက်ကို ကြည့်ရင်တော့ ….. အစ္စရေးနဲ့ အီရန်တို့ အပြန်အလှန် တိုက်ခိုက်မှုတွေဟာ အခုဆိုရင် ဒုတိယမြောက် သီတင်းပတ်ထဲကို ဝင်ရောက်လာခဲ့ပြီ ဖြစ်၊ အစ္စရေး စစ်တပ်က အီရန်ထဲက ဒါဇင်တချို့ထိအောင် ရှိတဲ့ ပစ်မှတ်နေရာတွေကို တိုက်ခိုက်ခဲ့တာမှာ .... မြို့တော် တီဟီရန် ပရိဝဏ်ထဲမှာ ပါတဲ့ ဒုံးကျည် ထုတ်လုပ်တဲ့ နေရာတွေလည်း ပါဝင်တယ် ဆိုပြီး ထုတ်ပြန်၊ ဒါ့အပြင် အီရန်ရဲ့ စစ်ဘက် သုတေသန ဌာနချုပ်ကိုပါ ဖျက်စီးနိုင်ခဲ့တယ်လို့လည်း ဆို - အစ္စရေးထဲမှာလည်း အီရန်ရဲ့ ဒုံးကျည်တွေ ကျရောက် ပေါက်ကွဲတဲ့ န

    30 мин.

  2. -1 ДН.

    ဒေါ်အောင်ဆန်းစုကြည် မွေးနေ့ ဆုတောင်းတာ၊ လွတ်မြောက်ရေး အတွက် လျှပ်တပျက် တောင်းဆို ဆန္ဒပြတာ

    - အမေရိကန် နဲ့ ဗြိတိန် နိုင်ငံတွေကလည်း ဒေါ် အောင်ဆန်းစုကြည်ကို ပြန်လွှတ်ပေးဖို့ စစ်တပ်ကို ထပ်လောင်းတောင်းဆို၊ တစ်ချိန်တည်းမှာပဲ ဥရောပသမဂ္ဂနဲ့ ဒိန်းမတ်သံရုံးတွေ ကလည်း ဒေါ်အောင်ဆန်းစုကြည်ရဲ့ မွေးနေ့ကို ရည်ညွှန်းတဲ့ ဓာတ်ပုံတွေကို သူတို့ရဲ့ လူမှုကွန်ရက် စာမျက်နှာတွေမှာ ဖော်ပြကြ - အိန္ဒိယ သံရုံးဆိုရင် ဒေါ်အောင်ဆန်းစုကြည်ရဲ့ အသက် ၈၀ နှစ်ပြည့်မွေးနေ့အတွက် ရန်ကုန်၊ ဗဟန်းမြို့နယ်မှာရှိတဲ့ အမျိုးသား ဒီမိုကရေစီအဖွဲ့ချုပ် (NLD)ရုံးချုပ်ရဲ့ ရှေ့မျက်နှာစာ ခြံတံခါးသံပန်းအရှေ့ စာတစ်စောင်နဲ့အတူ ဂုဏ်ပြုပန်းခြင်း ပို့ - နိုင်ငံတကာကို ကြည့်ရင် …. ပဋိပက္ခ သီတင်းတစ်ပတ် ပြည့်မြောက်ချိန် ၊ အီရန်ပစ်ခတ်တဲ့ ဒုံးကျည်တွေဟာ အစ္စရေးနိုင်ငံထဲ သိသာ ကြီးမားတဲ့ ပျက်စီး ထိခိုက်မှုတွေ ပေါ်ပေါက်လာစေခဲ့။ အစ္စရေးရဲ့ လေကြောင်းရန်ကာ စနစ်ကို ဖြတ်သန်းဝင်လာတဲ့ အီရန်ရဲ့ ဒုံးကျည်တွေဟာ တဲလားဗိဗ် မြို့ နဲ့ ဘက်ရှီးဘားမြို့က ဆေးရုံ အပါအဝင် အစ္စရေး နိုင်ငံ နေရာတချို့မှာ ကျရောက်ခဲ့ - တခါ၊ အစ္စရေးရဲ့ တိုက်ခိုက်မှုတွေဟာလည်း အခု တချီမှာ သူတို့ရဲ့ ဆောက်လက်စ ရေအားသုံး ဓာတ်ပေါင်းဖို တစ်လုံးကို ပစ်မှတ်ထားလာတယ်လို့ အီရန်ဘက်က ဆို၊ ဒီ ဓာတ်ပေါင်းဖို ထိခိုက် ပျက်စီး သွားပေမယ့် ရေဒီယို သတ္တိကြွ ပစ္စည်းတွေ ယိုစိမ့်တဲ့ အန္ဒရာယ်မျိုး မရှိဘူးလို့လည်း အီရန် အာဏာပိုင်တွေပြော - အမေရိကန်ရဲ့ သဘောထားကို ကြည့်ရင်တော့ အစ္စရေးနဲ့ ပူးပေါင်းပြီး အီရန်ကို တိုက်မယ်လို့တော့ သမ္မတ ထရမ့် မကြေညာ သေးပေမဲ့လည်း တိုက်ခိုက်ကောင်း တိုက်ခိုက် လာဖွယ် ရှိတဲ့ အစီအစဉ်ကို သူ သဘောတူထားတယ်လို့ ဆို - ရုရှား စီးပွားရေး ဝန်ကြီး မက်ဇင်မ် ရီရှက်နီကော့ဗ် Maxim Reshetnikov က သူ့ တိုင်းပြည်ဟာ စီးပွားရေး ကျဆင်းတော့မယ့် အခြေအနေကို ရောက်လု ရောက်ခင် ဖြစ်နေပြီလို့ စိန့်ပီတာစဘာ့ဂ် မြို့မှာ လုပ်တဲ့ နိုင်ငံတကာ စီးပွားရေး ဖိုရမ်မှာ ဖွင့်ဟ ဝန်ခံ၊ ဒါဟာ … ယူကရိန်း စစ်ပွဲ တာရှည်လာခဲ့ပြီး အနောက်နိုင်ငံတွေရဲ့ ဝိုင်းဝန်း ဒဏ်ခတ် ပိတ်ဆို့မှုတွေဟာ ရုရှား အပေါ် သက်ရောက် လာတာ ဖြစ် - ထိုင်းနိုင်ငံမှာတော့ လက်ရှိ ညွန့်ပေါင်း အစိုးရထဲကနေ ဒုတိယ အကြီးဆုံး ဘွမ်းဂျိုင် ထိုင်း Bhumjaithai ပါတီ နှုတ်ထွက်သွားပြီ ဖြစ်တဲ့ အတွက် ညွန့်ပေါင်း အစိုးရ ပြိုကျဲလု ဆဲဆဲ အခြေအနေကို ရောက်သွား၊ ကမ္ဘာဒီယားနဲ့ကြား နယ်မြေ ပိုက်နက်နဲ့ ပတ်သက်ပြီး အဆိုးရွားဆုံး ပဋိပက္ခ ဖြစ်နေချိန်မှာ ထိုင်း ဝန်ကြီးချုပ် ပေထုံတန် ရှင်နာဝပ်ရဲ့ အပြုအမူ အပြောအဆိုတွေဟာ ထိုင်းရဲ့ ဂုဏ်သရေ သိက္ခာကို ထိခိုက် ပျက်စီး စေတယ် ဆိုပြီး လမ်းခွဲသွားတဲ့ ဘွမ်းဂျိုင် ထိုင်း ပါတီက ဆို - ကမ္ဘာဒီးယား လက်ရှိ ဝန်ကြီးချုပ်ရဲ့ ဖခင်၊ ဩဇာအာဏာ ကြီးလှတဲ့ ဝန်ကြီးချုပ်ဟောင်း ဟွန်ဆင်နဲ့ ဝန်ကြီးချုပ် ပေထုံတန် တယ်လီဖုန်းကနေ စကားပြောကြတဲ့ အခါ၊ “ဦးလေး” ဆိုပြီး ခေါ်ဝေါ် သုံးနှုံးခဲ့တာက အစ ၊ ထိုင်း နိုင်ငံအတွက် လုံလောက်အောင် ရပ်တည်ချက် မခိုင်မာ ခဲ့ဘူး ဆိုပြီး ဝေဖန်နေတာ ဖြစ်၊ အဲဒီ စကားပြောဆိုမှုကို ကမ္ဘောဒီယား ဘက်ကနေ ဖွင့်ချ ခဲ့တဲ့ အပေါ် ထိုင်း နိုင်ငံခြားရေး ဌာနက ပြစ်တင် ရှုတ်ချ နေ ….. စတဲ့ ထိပ်တန်း မြန်မာနဲ့ နိုင်ငံတကာ သတင်းတွေကို တင်ဆက်ပေးထားပါတယ်။ ဘီဘီစီရဲ့ ရေဒီယိုအစီအစဉ်တွေကို အင်တာနက်ဝက်ဘ်ဆိုက်နဲ့ ပေါ့ဒ်ကတ်စ်တွေကနေလည်း နားဆင် နိုင်ပါတယ်။ ----- ဘီဘီစီရဲ့ ရေဒီယိုအစီအစဉ်တွေကို အင်တာနက်ဝက်ဘ်ဆိုက်နဲ့ ပေါ့ဒ်ကတ်စ်တွေကနေလည်း နားဆင် နိုင်ပါတယ်။ ညပိုင်းအစီအစဉ် ပေါ့ဒ်ကတ်စ် နားဆင်ရန် https://bbc.in/36H8bsY ညပိုင်း ထုတ်လွှင့်မှု နားဆင်ရန် https://bbc.in/2TSNLYZ အသံလွှင့်နေစဉ် တိုက်ရိုက်နားဆင်ရန် - https://bbc.in/36EzLXM #ဘီဘီစီမြန်မာပိုင်း #ရေဒီယို

    30 мин.

  3. -2 ДН.

    - ဒေါ်စု အသက် ၈၀ ပြည့် မွေးနေ့အမှတ်တရ လန်ဒန်မှာ လူ အယောက် ၈၀ နဲ့ ပုံဖော်

    - ပဲခူးတိုင်း မင်းလှမြို့ အရှေ့ခြမ်း၊ ရန်ကုန်- ပြည်လမ်းပေါ်မှာ ရှိတဲ့ စစ်ကွင်း တာဆုံဂိတ်နဲ့ ဆင်အိုင် ချောင်းပေါက် ကျေးရွာမှာရှိတဲ့ စစ်ကောင်စီ တပ်ဖွဲ့ဝင်တွေကို ဒေသကာကွယ်ရေးအဖွဲ့တွေ ပူးပေါင်း တိုက်ခိုက် ခဲ့တာကြောင့် စစ်ကောင်စီတပ်ဖွဲ့ဝင် အရာရှိတစ်ဦးအပါအဝင် တပ်ဖွဲ့ဝင်တချို့ သေဆုံး၊ လက်ရှိ ပဲခူးတိုင်းအနောက်ခြမ်းက စစ်ရေး အခြေအနေတွေ အကြောင်း ဘီဘီစီ သတင်းထောက်ရဲ့ သတင်းပေးပို့ချက် - တခါ၊ မန္တလေးတိုင်းဒေသကြီး တောင်သာမြို့နယ်နဲ့ ညောင်ဦးမြို့နယ်တွေ ဘက်မှာ စစ်တပ်နဲ့ ပီဒီအက်ဖ်တို့ စစ်ရေးတင်းမာနေပြီး စစ်ရှောင်နေသူတွေ များတဲ့အပြင် ကျောင်းဆရာမတချို့ ဖမ်းဆီးခံရ၊ သတ်ဖြတ် ခံရတာရှိတယ်လို့ သတင်းထွက်ပေါ်၊ ငလျင်ကြောင့် စာမေးပွဲ ပြန်ဖြေရတဲ့ တက္ကသိုလ်ဝင်တန်း ကျောင်းသားတချို့ ပြန်သွားရတယ်လို့ စစ်တပ်က စာထုတ်ပြန် စွပ်စွဲချက်တွေလဲ ရှိနေ - နိုင်ငံတကာဘက်မှာတော့ ….. အစ္စရေး စစ်တပ် ရဲ့ လတ်တလောအကျ ဆုံး တိုက်ခိုက်မှုတွေ အတွင်း အီရန်ရဲ့ နျူကလီယာ အစီအစဉ်အတွက် အရေးကြီးတဲ့ စက်ရုံ နှစ်ခု ကို ထိမှန်ခဲ့တယ်လို့ နျူကလီယာ စောင့်ကြည့်ရေး ကုလသမဂ္ဂ အဖွဲ့ IAEA က ပြော၊ ယူရေနီယမ် သန့်စင်တဲ့ စက် အတွက် အရေးကြီးတဲ့ အစိတ်အပိုင်းတွေ ထုတ်လုပ်ရာ မြို့တော် တီဟီရန်နဲ့ ကာရာ့ဂျ်က နေရာနှစ်ခု ထိမှန်ခဲ့တာ ဖြစ်တယ်လို့ ဆို - အီရန်ကလည်း ဒုံးကျည်တွေ အမြောက်အများ လက်တုံ့ပြန် ပစ်ခတ် နေပေမယ့်၊ အများစုကို အစ္စရေးရဲ့ လေကြောင်းရန်ကာ စံနစ်က ခုခံ ဖျက်စီးနိုင်တာ တွေ့ရ၊ ဒါပေမယ့်လည်း လေကြောင်းရန်ကာ စနစ်ရဲ့ ကုန်ကျစရိတ်က တစ်ညကို ဒေါ်လာ သန်း ၂၅၀ လောက် ရှိ - ယူကရိန်းနိုင်ငံ ကိယက်ဗ်မြို့တော်ကို ရုရှားက တနင်္လာည ကနေ အင်္ဂါနေ့ထိအောင် ပြင်းပြင်းထန်ထန် တိုက်ခိုက်ခဲ့တဲ့ အတွက်၊ လူ ၂၃ ယောက် သေဆုံး၊ ဒဏ်ရာရသူ အယောက် ၁၃၀ ကျော်လည်း ရှိ၊ သေဆုံးသူတွေ အတွက် ဝမ်းနည်းပူဆွေးဖွယ်နေ့ အဖြစ် ကိယက်ဗ်မှာ ဒီကနေ့ ကြေညာထား - ဒီ အချိန်မှာပဲ၊ ကနေဒါမှာ ထိပ်သီး အစည်းအဝေး လုပ်နေကြတဲ့ စက်မှုထိပ်သီး ၇ နိုင်ငံ G7 ခေါင်းဆောင်တွေက ယူကရိန်းကို ပိုမို ထောက်ပံ့ ကူညီမယ် ဆိုပြီး ကတိပြု - အင်ဒိုနီးရှားနိုင်ငံ ဖလောရက်စ် ကျွန်းပေါ်မှာ ရှိတဲ့ လီဝိုတိုဘီ လာကီ-လာကီ ဆိုတဲ့ မီးတောင်ဟာ မနေ့ အင်္ဂါနေ့က စပြီး ပြာပူတွေကို ကောင်းကင်ထက် မှုတ်ထုတ်နေ၊ အပန်းဖြေ ခရီးသွားတွေ အလာများရာ ဘာလီကျွန်း အနီးမှာ ဖြစ်တဲ့ အတွက် လေယာဉ် ခရီးစဉ် တော်တော်များများ ဖျက်သိမ်း ထားရ - ထိုင်ဝမ် ကိုယ်တိုင်လုပ်တဲ့ ပထမဆုံး ရေငုပ်သင်္ဘော ကနဦး စမ်းသပ်မှု အားလုံး ပြီးဆုံးသွားပြီလို့ ထိုင်ဝမ်က ကြေညာ၊ အဲဒီ ရေငုတ်သင်္ဘောကို ဝေလငါး တစ်မျိုးရဲ့ နာမည် နာဝယ်လ် Narwhal လို့ နာမည်ပေးထား .... စတဲ့ ထိပ်တန်း မြန်မာနဲ့ နိုင်ငံတကာ သတင်းတွေကို တင်ဆက်ပေးထားပါတယ်။ ဘီဘီစီရဲ့ ရေဒီယိုအစီအစဉ်တွေကို အင်တာနက်ဝက်ဘ်ဆိုက်နဲ့ ပေါ့ဒ်ကတ်စ်တွေကနေလည်း နားဆင် နိုင်ပါတယ်။ ----- ဘီဘီစီရဲ့ ရေဒီယိုအစီအစဉ်တွေကို အင်တာနက်ဝက်ဘ်ဆိုက်နဲ့ ပေါ့ဒ်ကတ်စ်တွေကနေလည်း နားဆင် နိုင်ပါတယ်။ ညပိုင်းအစီအစဉ် ပေါ့ဒ်ကတ်စ် နားဆင်ရန် https://bbc.in/36H8bsY ညပိုင်း ထုတ်လွှင့်မှု နားဆင်ရန် https://bbc.in/2TSNLYZ အသံလွှင့်နေစဉ် တိုက်ရိုက်နားဆင်ရန် - https://bbc.in/36EzLXM #ဘီဘီစီမြန်မာပိုင်း #ရေဒီယို

    30 мин.

  4. -3 ДН.

    အစ္စရေးတိုက်ခိုက်မှုကြောင့် သေဆုံးခဲ့တဲ့ အီရန်စစ်ဦးစီးချုပ်နေရာမှာ ထပ်ခန့်ထားတဲ့ နောက်ဗ

    ဇွန်လ ၁၇ ရက်၊ အင်္ဂါ ညချမ်း ဘီဘီစီမြန်မာပိုင်း ရေဒီယို အစီအစဉ် - ဖားကန့်မှာ အရပ်သားတွေ သတ်ဖြတ်ခံရမှု သီတင်း နှစ်ပတ်အတွင်း အယောက် ၂၀ ကျော်ရှိလာပြီ … ဘယ်သူတွေရဲ့ လက်ချက်လဲ …. ဘာကြောင့် သတ်ဖြတ်ခံနေရတာလဲ … ဘီဘီစီ သတင်းထောက်ရဲ့ သတင်းပေးပို့ချက် - နိုင်ငံရေးအကျဥ်းသားတွေ ဖြစ်တဲ့ ကိုဝေမိုးနိုင်၊ ကိုမန်ဇာမြေမွန်တို့ကို ထောင်ပြာင်းစဥ် ရိုက်နှက်တာတွေ ရှိတယ်လို့ အကျဥ်းသားအရေး လှုပ်ရှားသူတွေ ပြော၊ အကျဥ်းထောင်တွင်းက NLD အစိုးရလက်ထက် ဝန်ကြီးချုပ်တွေနဲ့ ဦးဝင်းထိန်တို့ရော ဘယ်လိုအခြေအနေ ရှိနေလဲ …. နီးစပ်သူတွေရဲ့ ပြောပြချက် - တအာင်းတပ် TNLA ပါဝင် ဖွဲ့စည်းထားတဲ့ တအာင်းပြည် ကောင်စီက ဒီနှစ်အတွင်းမှာ တအာင်းပြည် တော်လှန်ရေးကာလ ပြည်သူ့ အစိုးရတရပ် ဖွဲ့စည်းမယ်လို့ ကြေငြာ လာခဲ့တဲ့ နောက် .... အဲဒီ ကြေငြာချက်အပေါ် ရှမ်းအဖွဲ့အစည်းတချို့က ကန့်ကွက်နေ၊ ရှမ်းအဖွဲ့အစည်းတွေ အနေနဲ့ ဘယ်လို အခြေခံ အကြောင်းတွေနဲ့ အခုလို ကန့် ကွက်တာလဲ။ တအာင်းပြည် ကောင်စီကရော ဘယ်လိုတုံ့ပြန်သလဲ ... ဘီဘီစီ သတင်းလွှာ - အစ္စရေးက သူတို့ အီရန်မြို့တော် တီဟီရန် မြို့လယ်ကို ပစ်မှတ်ထား လုပ်ဆောင်တဲ့ တိုက်ခိုက်မှု အတွင်း လက်ရှိ အီရန် စစ်ဦးစီးချုပ် အဖြစ် တာဝန်ပေးခံထားရတဲ့ အလီ ရှတ်ဒ် မာနီ ဆိုတဲ့ ထိပ်တန်း စစ်ဗိုလ်ချုပ်ကို ရှင်းလင်း ပစ်နိုင်တယ်လို့ ထုတ်ပြန်၊ ပြီးခဲ့တဲ့ သီတင်းပတ်တုန်းက အစ္စရေး တိုက်ခိုက်မှုကြောင့် သေဆုံးခဲ့ရတဲ့ စစ်ဦးစီးချုပ် နေရာမှာ အစားထိုး ခန့်ထားတဲ့ သူကိုပါ အခု အစ္စရေးက ပစ်မှတ်ထား ရှင်းလင်း ပစ်တာ ဖြစ် - အခုလို အီရန် ရဲ့ ထိပ်ဆုံးပိုင်းကို အတိတကျ ပစ်မှတ်ထားပြီး အစ္စရေးက တိုက်ခိုက် နိုင်စွမ်း ရှိတာကို ကြည့်ရင် အစ္စရေးဟာ အီရန်ရဲ့ ထောက်လှမ်းရေး အတွင်းပိုင်းထဲထိ ထိုးဖောက် ဝင်ရောက် နေပြီး၊ အရေးကြီး သတင်းတွေကို ရရှိနေတာ ထင်ရှားလှတယ်လို့ ဘီဘီစီ သတင်းထောက်ကပြော - အစ္စရေးဟာ ပြီးခဲ့တဲ့ ည တုန်းကလည်း တဟီရန်မြို့တော် အနောက်ဘက်ခြမ်း ပစ်မှတ်တွေကို တိုက်ခိုက်နေခဲ့ပြီး၊ အီရန်ကလည်း မစ်ဆိုင်းဒုံးတွေနဲ့ ပြန်လည် ပစ်ခတ် နေ - အစ္စရေးမှာ ရှိနေတဲ့ မြန်မာ တစ်ဦးနဲ့ ဘီဘီစီ ဆက်သွယ်မေးမြန်းချက် .... စတဲ့ ထိပ်တန်း မြန်မာနဲ့ နိုင်ငံတကာ သတင်းတွေကို တင်ဆက်ပေးထားပါတယ်။ ဘီဘီစီရဲ့ ရေဒီယိုအစီအစဉ်တွေကို အင်တာနက်ဝက်ဘ်ဆိုက်နဲ့ ပေါ့ဒ်ကတ်စ်တွေကနေလည်း နားဆင် နိုင်ပါတယ်။ ----- ဘီဘီစီရဲ့ ရေဒီယိုအစီအစဉ်တွေကို အင်တာနက်ဝက်ဘ်ဆိုက်နဲ့ ပေါ့ဒ်ကတ်စ်တွေကနေလည်း နားဆင် နိုင်ပါတယ်။ ညပိုင်းအစီအစဉ် ပေါ့ဒ်ကတ်စ် နားဆင်ရန် https://bbc.in/36H8bsY ညပိုင်း ထုတ်လွှင့်မှု နားဆင်ရန် https://bbc.in/2TSNLYZ အသံလွှင့်နေစဉ် တိုက်ရိုက်နားဆင်ရန် - https://bbc.in/36EzLXM #ဘီဘီစီမြန်မာပိုင်း #ရေဒီယို

    30 мин.

  5. -4 ДН.

    မြန်မာမှာပြင်ပရွှေပေါက်စျေးတစ်ကျပ်သားကျပ်သိန်း၈၀အထိ စံချိန်တင်မြင့်၊ ဆိုင်တချို့ပိတ်ထ

    မေ လ ၂၃ ရက်၊ သောကြာ ညချမ်း ဘီဘီစီမြန်မာပိုင်း ရေဒီယို အစီအစဉ် - မြန်မာနိုင်ငံထဲမှာ သမိုင်း တလျှောက် ရွှေစျေး အမြင့်ဆုံး ရောက်လာပါတယ်၊ ပြင်ပ ရွှေပေါက်စျေး တစ်ကျပ်သားကို ကျပ်သိန်း ၈၀ အထိ ရှိနေပြီး ရွှေလုပ်ငန်းရှင် အသင်းက သတ်မှတ်စျေးနဲ့ အရောင်းအဝယ် မလုပ်နိုင်တဲ့ ရန်ကုန်နဲ့ မန္တလေးက ရွှေဆိုင် အများစု ရပ်နားထားရ၊ စစ်ကောင်စီကလည်း ရွှေလုပ်ငန်းရှင်တချို့ကို ခေါ်ယူစစ် ဆေး အရေးယူနေတဲ့ အကြောင်း ဘီဘီစီ သတင်းလွှာ - ရခိုင်ပြည်နယ်၊ ကျောက်ဖြူမြို့နယ်မှာ ဖြစ်ပွားနေတဲ့ တိုက်ပွဲတွေအတွင်း စစ်တပ်ဘက်က တပ်ရင်း အ လိုက် လက်နက်ချတာ၊ ဗိုလ်မှူးချုပ် အဆင့်ထိ သေဆုံးတာနဲ့ ဗိုလ်မှူးအဆင့် အရာရှိတွေပါ စနိုက်ပါထိပြီး သေဆုံးတာ တွေ ဖြစ်နေ၊ မြို့နဲ့ ၅ မိုင်လောက်ပဲ ဝေးတဲ့ ရဲတပ်ရင်း ၃၂ ကို သိမ်းဖို့ အေအေ က ထိုးစစ်ဆင်နေ၊ မြို့ နဲ့ ထိစပ် ဧရိယာမှာတော့ စစ်ကောင်စီ တပ်ရင်း ၂ ခု ကျန်နေတယ်လို့ စစ်ရေး နီးစပ်သူတွေ ပြော - နှစ်ရက်အတွင်းမှာ မန္တလေးတိုင်း၊ ညောင်ဦးမြို့နယ်မှာ ကျောင်းအုပ် ဆရာမတစ်ဦးနဲ့ ခင်ပွန်း ဖြစ်သူတို့ ကျောင်းဝင်း အတွင်းမှာ သတ်ဖြတ် ခံခဲ့ရသလို မကွေးတိုင်း၊ ပခုက္ကူမြို့မှာ ကျောင်းဆရာမတစ်ဦးကို လက်နက်ကိုင်အဖွဲ့တစ်ခုက ဖမ်းဆီးသွားတယ်လို့ စစ်ကောင်စီ သတင်းထုတ်ပြန်လာပါတယ်။ Non - CDM ဝန်ထမ်းတွေကို အရေးယူမယ်လို့ CRPH က ဥပဒေ ထုတ်ပြန်ပြီးတဲ့နောက်ပိုင်း အခုလို ဖြစ်စဥ်တွေ ပေါ်ပေါက်လာခဲ့၊ CRPH ကို ဦးဆောင်သူ ဦးအောင်ကြည်ညွန့် ဘီဘီစီကို ဘယ်လို တုံ့ပြန် ဖြေဆိုသလဲ ဆိုတာနဲ့ ... - ကရင်နီပြည်နယ်အတွင်း ထိုင်းနယ်စပ်က ရွာတရွာမှာ ပြီးခဲ့တဲ့ ရက်ပိုင်းအတွင်းမှာပဲ တော်လှန်ရေး လက်နက်ကိုင်တပ်ဖွဲ့ဝင်တွေရဲ့ ကိုယ်ထိလက်ရောက် ကျူးလွန်မှုတခုဖြစ်ခဲ့၊ ည ၁၀ နာရီကျော်ရင် ဝိုင်ဖိုင် သုံးခွင့် ပိတ်ပင်ထားတဲ့ စည်းမျဉ်းကို ဖောက်ဖျက်လို့ ဆိုပြီး လက်နက်ကိုင် တပ်ဖွဲ့ဝင်တွေက လူတချို့ကို ရိုက်နှက်သလို အမျိုးသမီးတယောက်ကိုလည်း ပါးရိုက် ခဲ့၊ စည်းမျဉ်းဖောက်လို့ လက်နက်ကိုင်တပ်ဖွဲ့က လူထုကို အရေးယူတဲ့အခါ ဒီလို ကိုယ်ထိ လက်ရောက် ကျူးလွန်တာတွေ ဘာကြောင့် ရှိနေတာလဲ ..... လူထုကို စစ်ကောင်စီတပ်က ဖိနှိပ်လို့ တော်လှန်ကြတယ် ဆိုတဲ့ လက်နက်ကိုင် အဖွဲ့ဝင်တွေက ဒီလို ပြုမူနေကြတာမျိုးက သူတို့ ရည်ရွယ်ချက်တွေနဲ့ ဘယ်လောက် လွဲချော်နေပါသလဲ .... အမျိုးသားညီညွတ်ရေးအစိုးရ NUG ရဲ့ လူ့အခွင့်အရေး ဝန်ကြီး ဦးအောင်မျိုးမင်းနဲ့ ဘီဘီစီမေးမြန်းခန်း …… - နိုင်ငံတကာ သတင်းတွေမှာတော့ အီရန်နဲ့ အစ္စရေး အပြန်အလှန် တိုက်ခိုက်မှုတွေရဲ့ နောက်ဆုံး အခြေအနေ အကြောင်း အပါအဝင် ထိပ်တန်းရောက် သတင်းတွေကို တင်ဆက်ပေးထားပါတယ်။ ဘီဘီစီရဲ့ ရေဒီယိုအစီအစဉ်တွေကို အင်တာနက်ဝက်ဘ်ဆိုက်နဲ့ ပေါ့ဒ်ကတ်စ်တွေကနေလည်း နားဆင် နိုင်ပါတယ်။ ----- ဘီဘီစီရဲ့ ရေဒီယိုအစီအစဉ်တွေကို အင်တာနက်ဝက်ဘ်ဆိုက်နဲ့ ပေါ့ဒ်ကတ်စ်တွေကနေလည်း နားဆင် နိုင်ပါတယ်။ ညပိုင်းအစီအစဉ် ပေါ့ဒ်ကတ်စ် နားဆင်ရန် https://bbc.in/36H8bsY ညပိုင်း ထုတ်လွှင့်မှု နားဆင်ရန် https://bbc.in/2TSNLYZ အသံလွှင့်နေစဉ် တိုက်ရိုက်နားဆင်ရန် -

    30 мин.

  6. -5 ДН.

    စီဒီအမ် နိုင်ငံ့ဝန်ထမ်း ဥပ‌ဒေရဲ့ ရိုက်ခတ်ချက်၊ ဝက်လက် ပအဖ အခွန် ကိစ္စ ဆန္ဒပြမှု ပြေလည်

    အီရန် တန်ဖိုးကြီးကြီး ပေးရမယ်လို့ အစ္စရေး ဆို၊ အလောင်း ၁၂၀၀ ယူကရိန်းကို ရုရှားပြန်ပေး

    30 мин.

  7. -6 ДН.

    ကျင်စန်းကျော့ဂိတ်က အခွန်ကောက်မယ်လို့ မြောက်ပိုင်း သုံးဖွဲ့ ကြေညာ ၊ မြန်မာကလေးလုပ်သား ၁ သန

    အစ္စရေး ညက ပစ်ခတ်မှုကြောင့် တဟီရန် လေဆိပ်ကြီး ထိမှန်၊ အီရန် တိုက်ခိုက်မှုတွေ ပိုလုပ်

    30 мин.

  8. 8 ИЮН.

    LA မြို့ အုံကြွမှုကိုထိန်းချုပ်ဖို့ ပြည်စောင့်တပ် အယောက်နှစ်ထောင်ကိုထရမ့်နေရာချတာ အခြေအနေ

    ရခိုင်အနှံ့ ကျန်းမာရေးစောင့်ရှောက်မှုအခြေအနေ နိမ့်ကျပြီး ဆေးဝါးတွေ ပြတ်တောက် စျေးကြီးနေ

    30 мин.
См. все (26)

4,3
из 5
Оценок: 121

Об этом подкасте

နောက်ဆုံးရ သတင်းနဲ့ မျက်မှောက်ရေးရာအစီအစဉ်များ

Информация

Еще от провайдера «BBC»

Вам может также понравиться

Чтобы прослушивать выпуски с ненормативным контентом, войдите в систему.

Следите за новостями подкаста

Войдите в систему или зарегистрируйтесь, чтобы следить за подкастами, сохранять выпуски и получать последние обновления.
Выберите страну или регион

Африка, Ближний Восток и Индия

Азиатско-Тихоокеанский регион

Европа

Латинская Америка и страны Карибского бассейна

США и Канада