დილის საუბრებ‪ი‬ რადიო თავისუფლება

26 აპრილს ვისაუბრეთ პოლიტიკურ პროცესში საუნივერსიტეტო რესურსის გამოყენების მნიშვნელობაზე. რატომ შეიზღუდა სივრცე "უცხოური გავლენის გამჭვირვალობის შესახებ" კანონპროექტზე თსუ-ში დაგეგმილი დისკუსიისთვის? სტუმარი იყო დათო დოლაბერიძე, სტუდენტი, პოლიტიკური განათლების სკოლის თანადამფუძნებელი.

25 აპრილის ეთერი, რომელიც რამდენიმე საათით უსწრებდა სტრასბურგში კენჭისყრას, დავუთმეთ ევროპარლამენტის რეზოლუციის პროექტის შეჯერებული ტექსტისა და შესწორებების აქცენტებსა და კონტექსტს, რომელშიც საქართველო სწორედ "აგენტების კანონის" მსგავსი ამბით ჩანს საერთაშორისო ყურადღების ცენტრში.

24 აპრილის ეთერის უდიდესი ნაწილი დავუთმეთ აშშ-ის სენატის მიერ 95 მლრდ დოლარის სამხედრო დახმარების პაკეტის დამტკიცებასა და უკრაინისთვის ევროპული დახმარების მნიშვნელოვან დინამიკაზე საუბარს. ვუძღვებით: ნინო გელაშვილი, რადიო თავისუფლების ჟურნალისტი და ბუკა პეტრიაშვილი, რონდელის ფონდის უფროსი მკვლევარი.