ទាហានកម្ពុជា​២០នាក់ ត្រូវ​បាន​ចាប់ខ្លួន​ក្រោយ​បទឈប់បាញ់

អ្នកនាំពាក្យក្រសួងការពារជាតិកម្ពុជា លោកស្រី ម៉ាលី សុជាតា បានប្រកាស កាលពីថ្ងៃទី៣០ ខែកក្កដា ឆ្នាំ២០២៥ ថា កងទ័ពកម្ពុជា ២០នាក់ ត្រូវបានថៃ ចាប់ខ្លួន នៅសមរភូមិ ជិតប្រាសាទព្រះវិហារ កាលពីថ្ងៃទី២៩ ខែកក្កដា គឺ ១ថ្ងៃ ក្រោយបទឈប់បាញ់ចូលជាស្ថាពរ រវាងកងទ័ពទាំងពីរ។ លោកស្រីអ្នកនាំពាក្យ បានបន្ថែមថា គិតមកដល់ព្រឹកម៉ោង ៧ ថ្ងៃទី១ ខែសីហា ឆ្នាំ២០២៥ នេះ ភាគីថៃ មិនទាន់បញ្ជូនកងកម្លាំងកម្ពុជា ២០រូបនោះ ត្រឡប់មកកម្ពុជាវិញទេ។