ឯកអគ្គរដ្ឋទូតអូស្ត្រាលីប្រចាំកម្ពុជា៖ អូស្ត្រាលីស្វាគមន៍លទ្ធផលកិច្ចប្រជុំគណៈកម្មាធិកា

លោក Derek Yip ឯកអគ្គរដ្ឋទូតអូស្ត្រាលី ប្រចាំកម្ពុជា បានប្រកាសតាមបណ្តាញសង្គម X ថា អូស្ត្រាលី សូមស្វាគមន៍ ចំពោះលទ្ធផលនៃកិច្ចប្រជុំពិសេស លើកទី១ គណៈកម្មាធិការព្រំដែនទូទៅ កម្ពុជា-ថៃ GBC កាលពីថ្ងៃទី១០ ខែកញ្ញា ឆ្នាំ២០២៥ នៅខេត្តកោះកុង ប្រទេសកម្ពុជា។ លោកឯកអគ្គរដ្ឋទូតអូស្ត្រាលី បានបញ្ជាក់ថា លទ្ធផលនៃកិច្ចប្រជុំនេះ នឹងជួយស្តារទំនុកចិត្ត កសាងទំនុកចិត្ត និងត្រួសត្រាយផ្លូវសម្រាប់ការដោះស្រាយដោយសន្តិវិធី និងនិរន្តរភាពចំពោះជម្លោះព្រំដែនរវាងប្រទេសកម្ពុជា និងប្រទេសថៃ។