劇場咧衝啥？台魂西骨講有影 台頂腔口漳泉拚 ft.施冬麟╱劇場演員

來賓：施冬麟╱劇場演員

佇網路社群時常會使看著人問起台語某某詞的發音，眾人留話的講法是定定無啥款，這時「腔口差」就會變成討論的話題，金枝演社2025年推出以「漳泉拚」做背景的台語舞台劇《整人王－新編邱罔舍》正正就是提「腔口差」來做話題的戲劇演出，看漳腔佮泉腔二个家族大捙拚，互相剾洗、看袂順眼，又閣看二爿的查埔囡仔佮查某囡仔相意愛，這層親事敢有可能講會定？聽講若欲會合和著靠邱罔舍？邱罔舍是何許人也？江湖傳說前世是鱸鰻精，這世佇人間捙龜弄甕干干仔人閣好額，想袂到伊的背後嘛有一段故事講無人聽，來來來，耳空著洗予清，人著坐予定，咱來聽搬演邱罔舍的演員施冬麟(小冬)，按怎講出邱罔舍的心聲。