又係我牛英｜Sportunes HK

Sportsoho 運動版圖
  • 0.0（0則評分）
  • 運動
  • 每週更新
又係我牛英｜Sportunes HK

貴為Sportunes開台始祖，牛英將懷著無限好奇心，延續尋根究底的精神，與聽眾一同了解更多本地及世界運動資訊；以牛英特有的眼光及見解，探索各項運動發展的可能。牛英將如何打破個人框框，走出舒適區，帶領長期聽眾接觸更多新世代運動精英及話題？ 密切留意逢星期一更新的Sportunes 節目 ——《又係我牛英》！ 主持：牛英 Powered by Firstory Hosting

  1. EP.139｜衝刺手的自白｜嘉賓：前香港單車代表 梁嘉儒

    6 天前

    EP.139｜衝刺手的自白｜嘉賓：前香港單車代表 梁嘉儒

    前香港單車代表梁嘉儒喺今年4月宣布退役，結束10年全職運動員生涯，以前喺港隊擔任衝刺手嘅角色，喺港隊畢業後嘉儒仍然喺唔同方面為自己衝刺。3歲學識踩單車，12歲加入港隊青訓，中學畢業後就踏上全職單車運動員之路，當人人都以為嘉儒同單車已經連成一體，嘉儒竟然選擇喺杭州亞運場地單車男子全能賽奪得銀牌後急流勇退，其中原因係咩？而家擔任單車同平衡車教練嘅佢，又點睇小朋友從小學習呢樣運動？ 主持：牛英 嘉賓：前香港單車代表 梁嘉儒 Sportunes  網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instagram | www.instagram.com/sportsoho Facebook | www.facebook.com/hksportsoho Youtube | www.youtube.com/sportsoho Powered by Firstory Hosting

    20 分鐘
  2. EP.138｜苦心志 勞筋骨｜嘉賓：運動企業家 胡栢賢 Trevor

    10月14日

    EP.138｜苦心志 勞筋骨｜嘉賓：運動企業家 胡栢賢 Trevor

    古語有云：「天將降大任於是人也，必先苦其心志，勞其筋骨，餓其體膚，空乏其身，行拂亂其所為。」胡栢賢（Trevor）對呢句說話應該百感交集。Trevor 係香港健美體操運動員，同時係健身體操中心 FLAIR 嘅創辦人，用運動企業家嚟形容佢亦不為過。Trevor 18歲先開始佢嘅健美體操生涯，訓練期間除咗留意到自己喺運動上嘅表現同限制，佢亦睇到運動員裝備喺市場上嘅不足，於是佢由開發同生產健美體操鞋開始，再到運動培訓，逐步擴展佢嘅企業版圖，希望喺各方面幫到同樣想精進自己嘅運動人。喺呢段時間，Trevor 遇到大大小小、諗過同冇諗過嘅問題，想知運動員嘅身份點幫到佢發展事業；佢嘅事業又點樣幫到熱愛運動嘅人？留意今集《又係我牛英》。 主持：牛英 嘉賓：運動企業家 胡栢賢 Trevor Sportunes  網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instagram | www.instagram.com/sportsoho Facebook | www.facebook.com/hksportsoho Youtube | www.youtube.com/sportsoho Powered by Firstory Hosting

    24 分鐘
  3. EP.137｜魔鬼其外天使其中｜嘉賓：運動狂熱分子 老闆娘 Iris @ Liffee Coffee & Treats

    9月30日

    EP.137｜魔鬼其外天使其中｜嘉賓：運動狂熱分子 老闆娘 Iris @ Liffee Coffee & Treats

    有冇試過買廢水嗰陣要求「少甜」或者「走甜」，飲完仲要後悔？又有冇試過增肌減脂期，連甜品 Menu 都唔敢睇？甜品一向被冠上「邪惡」之形容詞，運動狂熱分子 Iris 決定要幫佢哋平反，仲因為咁開咗間 Cafe，希望所有想身體健康嘅運動及非運動人都有個位，搵到自己想要嘅嘢，食晏、嘆甜品、飲咖啡都唔使就住就住。本身極度熱愛運動嘅老闆娘 Iris，無端端點解會推廣起「減糖」，繼而全身投入餐飲業？Cafe 營業時間唔算長，原來係因為老闆娘同員工放工要做運動！今集《又係我牛英》有 Liffee 老闆娘親自分享佢嘅健康生活同飲食之道 😋 主持：牛英 嘉賓：運動狂熱分子 老闆娘 Iris @Liffee.HK Sportunes  網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instagram | www.instagram.com/sportsoho Facebook | www.facebook.com/hksportsoho Youtube | www.youtube.com/sportsoho Powered by Firstory Hosting

    21 分鐘
  4. EP.136｜笑住跑 跑住笑｜嘉賓：吳嘉諾 Kanok @Big Big Track Club

    9月23日

    EP.136｜笑住跑 跑住笑｜嘉賓：吳嘉諾 Kanok @Big Big Track Club

    跑步教練吳嘉諾（Kanok），細個曾經因為哮喘而被禁止參加體育活動，但呢啲阻撓並冇動搖過 Kanok 想運動嘅心。喺中學初嚐跑步攞第一嘅滋味，Kanok 又再行多步，接受正規長跑訓練，如是者一步一步跑到做教練，仲創立埋 Big Big Track Club 跑團，點著埋其他人團火。跑步唔係想像中咁簡單，但要迷上跑步就好容易，好似 Kanok 喺節目中多次提到：要開心，開心最緊要。半馬跑出 PB，全馬竟然抽筋失利，Kanok 依然主張「笑住返終點」。比賽條路可能只得幾十公里，但跑步條路其實好長，點樣可以令自己一直跑落去？聽吓今集 Kanok 嘅分享啦！ 主持：牛英 嘉賓：吳嘉諾 Kanok @Big Big Track Club Sportunes  網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instagram | www.instagram.com/sportsoho Facebook | www.facebook.com/hksportsoho Youtube | www.youtube.com/sportsoho Powered by Firstory Hosting

    22 分鐘
  5. EP.135｜健美由健康開始｜嘉賓：香港健美代表 翟佩君 Cadee

    9月16日

    EP.135｜健美由健康開始｜嘉賓：香港健美代表 翟佩君 Cadee

    香港健美代表翟佩君（Cadee），早前代表香港出戰第56屆亞洲健美錦標賽，除咗贏得健體小姐組別亞軍，亦為港隊攞到女子一件式泳裝組別嘅冠軍，但原來佢嘅健美歷程只有兩年！短短兩年，佢係點樣由健身教練一路行到上健美舞台？健美由健康開始，但健美又唔等於健康？Cadee 熱愛運動，成為教練同運動員之後，仲考埋國家級營養師資格，食嘢同運動雙管齊下，唔怪得能夠「美」夢成真。Cadee 對自己非常嚴格，但對學生就盡量貼地，今集《又係我牛英》，Cadee 就教咗幾招入門貼士，唔鍾意做運動嘅朋友都啱用，輕輕鬆鬆行出第一步！ 主持：牛英 嘉賓：香港健美代表 翟佩君 Cadee Sportunes  網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instagram | www.instagram.com/sportsoho Facebook | www.facebook.com/hksportsoho Youtube | www.youtube.com/sportsoho Powered by Firstory Hosting

    22 分鐘
  6. EP.134｜比賽講策略｜嘉賓：香港三鐵代表 黃子圖

    9月9日

    EP.134｜比賽講策略｜嘉賓：香港三鐵代表 黃子圖

    做運動，除咗講體格，食腦都好重要。因為奏效嘅策略係可以令你喺比賽中從後趕上，逆轉結果。香港三項鐵人代表黃子圖，就係一位講策略嘅選手。對子圖嚟講，「努力」係運動員嘅基本配置，要突破同場對手，調極心態同策略就係分高低嘅關鍵。游水、踩單車同跑步，拆開每一樣都需要極大體能，更何況係三樣一齊玩？所以比賽中嘅細節尤為重要，連「與抽筋共存」都要練！今集《又係我牛英》，子圖會同大家分享訓練同比賽嘅心得，原來如今成績突出嘅佢，以前係唔鍾意三鐵？失約巴黎奧運嘅子圖，嚟緊嘅洛杉磯奧運會唔會就係佢嘅囊中之物？喺奧運之前，我哋仲可以喺邊度見到呢位鐵人嘅星火呢✨？ 主持：牛英 嘉賓：香港三鐵代表 黃子圖  Sportunes  網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instagram | www.instagram.com/sportsoho Facebook | www.facebook.com/hksportsoho Youtube | www.youtube.com/sportsoho Powered by Firstory Hosting

    23 分鐘
  7. EP.133｜求勝意識｜嘉賓：青年單車運動員 羅智賢 Samuel

    9月2日

    EP.133｜求勝意識｜嘉賓：青年單車運動員 羅智賢 Samuel

    唔知幾時開始，「好勝」成為咗負面評價，令好多運動員唔敢公開表示自己想贏，香港青年單車代表羅智賢（Samuel）係例外。自細接受三項鐵人訓練，Samuel 都企過唔少次頒獎台，但隨住年紀漸長，Samuel 開始發現自己未及身邊嘅對手。因為想贏，Samuel 毅然決定轉換跑道，專注踩單車，16歲嘅佢形容呢個係一個「新開始」。因為有求勝嘅意識，大至比賽心態； 小至單車上嘅硬件配置，Samuel 都選擇搏盡，亦因為咁，佢終於喺今年全國青少年 U 系列公路自行車錦標賽踏上團體冠軍嘅台階。Samuel 話今次常州之行非常難忘，想知 40 度天氣下嘅佢經歷過啲咩？起飛前又點解會著起咗反光衣行落停機坪？立即收聽今集《又係我牛英》！ 主持：牛英 嘉賓：青年單車運動員 羅智賢 Samuel  Sportunes  網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instagram | www.instagram.com/sportsoho Facebook | www.facebook.com/hksportsoho Youtube | www.youtube.com/sportsoho Powered by Firstory Hosting

    20 分鐘
  8. EP.132｜港產奧運球證｜嘉賓：FIBA 三人籃球裁判主管 何明達 Edmond

    8月26日

    EP.132｜港產奧運球證｜嘉賓：FIBA 三人籃球裁判主管 何明達 Edmond

    全城為奧運場上健兒高興，其實仲有啲港產工作人員值得大家驕傲，三人籃球國際裁判何明達（Edmond） 就係其一。繼上屆喺東京奧運吹判三人籃球決賽，今屆巴黎奧運都有 Edmond 嘅踪影，呢一次亦係佢喺掛哨前嘅 "Last Dance"。少啲出現喺場上，唔代表佢就此放棄醉心嘅三人籃球，因為 Edmond 已經加入咗國際籃球總會（FIBA）擔任三人籃球裁判主管一職，用另一個方法發展同推廣佢熱愛嘅運動。由屋邨街場、學界賽事吹哨吹到上奧運籃球場，呢條路係點行出嚟？Edmond 又覺得喺呢幾個場合做球證，有啲咩唔同？ 主持：牛英 嘉賓：FIBA 三人籃球裁判主管 何明達 Edmond  Sportunes  網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instagram | www.instagram.com/sportsoho Facebook | www.facebook.com/hksportsoho Youtube | www.youtube.com/sportsoho Powered by Firstory Hosting

    26 分鐘
顯示全部 (139)

簡介

貴為Sportunes開台始祖，牛英將懷著無限好奇心，延續尋根究底的精神，與聽眾一同了解更多本地及世界運動資訊；以牛英特有的眼光及見解，探索各項運動發展的可能。牛英將如何打破個人框框，走出舒適區，帶領長期聽眾接觸更多新世代運動精英及話題？ 密切留意逢星期一更新的Sportunes 節目 ——《又係我牛英》！ 主持：牛英 Powered by Firstory Hosting

資訊

  • 創作者
    Sportsoho 運動版圖
  • 活躍年代
    2022年 - 2024年
  • 集數
    139
  • 年齡分級
    兒少適宜
  • 版權
    © Sportsoho 運動版圖
  • 節目網站
    又係我牛英｜Sportunes HK

你可能也會喜歡

若要收聽兒少不宜的單集，請登入帳號。

隨時掌握此節目最新消息

登入或註冊後，即可追蹤節目、儲存單集和掌握最新資訊。
選取國家或地區

非洲、中東和印度

亞太地區

歐洲

拉丁美洲與加勒比海地區

美國與加拿大