牛哥講經丨廣東話哲學、書籍分享

讀物農莊 Anybooks Farm
  • 5.0 (8)
  • 图书
  • 一周一更
牛哥講經丨廣東話哲學、書籍分享
牛哥講經會員專屬內容

立即收聽《牛哥解經》、《西哲幼稚園》、《生活雜談》！（支持牛某製作不同內容）

免费畅听 3 天，之后 $9.99/月

牛哥講經，用廣東話詮釋經典畀你聽。 🐂🐂🐂🐂🐂 夜晚瞓唔著就睇書，睇書就記錄下所思所想。主要睇哲學、政治、歷史。 香港人，就用香港話講經。每星期開講。 Instagram： @cowgortalk YouTube：讀物農莊 Anybooks Farm Patreon： patreon.com/cowgortalk 文字版：cowgortalk.wordpress.com 如果對會員podcast (牛哥解經、西哲幼稚園、生活雜談）有興趣，記得成為Patreon會員；或者參加到Spotify 嘅Paid Subscriber: https://podcasters.spotify.com/pod/show/cowgortalk/subscribe 可以去https://open.spotify.com/show/6arTIDfqLrebjBvibr811k?si=c52990eb056a4dbe 睇睇會員podcast嘅主題！ 期待你嘅加入！

  1. 牟宗三思想入門（6）：點解孔子唔講性與天道？唔講性與天道，正正係佢偉大之處？分析仁、智、聖之意涵──《中國哲學的特質》丨中哲共讀（19）丨廣東話讀書會

    1天前 • 订阅者独享

    牟宗三思想入門（6）：點解孔子唔講性與天道？唔講性與天道，正正係佢偉大之處？分析仁、智、聖之意涵──《中國哲學的特質》丨中哲共讀（19）丨廣東話讀書會

    上一講嘅最後，牟宗三提到《中庸》首句——「天命之謂性」，表示喺文化嘅歷程之下，天命、天道有下貫為性嘅趨勢，呢條天命、天道有下貫為性嘅線索，亦成為中國文化（特別係儒家）嘅主流。但主流以外，仲有一條路。 《中庸》出於孔孟之後，至少係孔子之後。喺得出「天命之謂性」呢個結論之前，我哋就需要了解孔子嘅仁。老實講，孔子無喺《論語》當中用到「天命之謂性」呢條路，而係另開生面，「從主觀方面開闢了仁智聖的生命領域。」（頁27）呢一次，為咗便利咁講，牟宗三將孔子思想分成兩行： 仁與智、仁與聖 性與天道 以下，先講仁與智、仁與聖。

    1 小时 21 分钟
  2. 【faker書單】睡眠的秘密7：科學睇穿夢境——日本科學家已經成功解構到夢嘅內容！？佛洛伊德最前膽同失敗嘅地方係咩？——「在我看來，在夢的研究領域中做出最大科學貢獻的人，是佛洛

    5天前 · 附赠内容 • 订阅者独享

    【faker書單】睡眠的秘密7：科學睇穿夢境——日本科學家已經成功解構到夢嘅內容！？佛洛伊德最前膽同失敗嘅地方係咩？——「在我看來，在夢的研究領域中做出最大科學貢獻的人，是佛洛

    如果我同你講，你尋晚經歷咗一場精神錯亂，而呢個錯亂今晚都仲會發作，你會唔會同意？ 喺你為自己嘅正常作澄清之前，請先聽下我話你精神錯亂嘅五個原因： 你尋晚見到啲根本唔存在喺眼前嘅嘢，亦即係你產生咗「幻覺」 你會相信你所生出嘅幻覺，所以你係有咗「妄想」 你對時間、地點、人物都覺得非常混亂，所以你有「定向力障礙」 你嘅情緒極端震盪，精神科醫師或者會稱你為「情緒不穩」 你喺以上情況完結之後，唔係忘記全部，就起碼忘記大部分，所以你失咗憶 恭喜你，你得到咗全人類都有嘅精神錯亂——發夢。雖然話係精神錯亂，不過其實係好正常嘅生理同心理過程，同時對人好重要。 要留意嘅係，如果我哋用一個比較寬鬆嘅定義，其實夢就唔係快速動眼睡眠嘅專利，而係非快速動眼睡眠都會有類似嘅「幻想」，只不過比較輕微。 通常嚟講，我哋所理解嘅夢都係講緊有幻覺、有動作、有情緒、同有豐富情節嘅奇怪經歷，呢啲都係嚟自快速動眼睡眠。所以，作者亦會將關注放喺快速動眼睡眠嘅夢當中 夢中大腦——當你發夢嗰陣，你個腦發生咩事？ 夢時全腦圖 預測夢嘅形式 夢之意義及內涵（佛洛伊德之偉大與局限） 夢非日常之重播

    42 分钟
  3. 《哲學與宗教全史》共讀（2）：產自伊朗高原嘅拜火教：歷史上第一個影響世界嘅宗教——潛藏喺猶太、佛教、波斯、先蘇哲學、藏族文化當中嘅善惡二元論丨得閒讀書會（15）丨〈第二章，

    5天前

    《哲學與宗教全史》共讀（2）：產自伊朗高原嘅拜火教：歷史上第一個影響世界嘅宗教——潛藏喺猶太、佛教、波斯、先蘇哲學、藏族文化當中嘅善惡二元論丨得閒讀書會（15）丨〈第二章，

    原影片網址：https://youtube.com/live/yVsaQmSoHJA 自從人類開始意識到超自然存在之後，就產生出咗對於太陽神、同大地母神嘅單純信仰，然後慢慢擴展到相信自然萬物都有神，步入到原始嘅多神教時代。其後，人類歷史上第一個、以及影響後世眾多宗教嘅世界宗教誕生咗，佢就係「瑣羅亞斯德教」（aka拜火教）。喺公元前1000年左右（誤差大約係300年），喺古代波斯，而家伊朗高原嘅東北部，有一個叫做「查拉圖斯特拉」（Zarathustra）嘅宗教家誕生咗。如果用英文嚟讀佢個名，咁就係瑣羅亞斯德（Zoroaster）。(sor ro aster)對於當時嘅社會嚟講，查拉圖斯特拉顯然係一個極度聰明嘅人，而佢創立嘅宗教，教義明確，非常具有邏輯。一般認為，查拉圖斯特拉所創立嘅拜火教，佢嘅內容基本上係以移居到波斯嘅雅利安民族信仰為主。喺波斯古王朝入邊，最著名嘅時代就係擴展為世界帝國嘅阿契美尼德王朝（西元前五五○～三三○年），而呢一個皇朝嘅創立者居魯士二世（西元前五五○～五三○年在位）嘅時代，人民已經普遍信仰住拜火教。拜火教以波斯為中心，傳播到去中亞地區，甚至喺唐朝嘅時候傳入中國，被稱為「祆教」而波斯嘅阿契美尼德王朝被亞歷山大大帝擊潰之後，接住落嚟嘅王朝就分別係塞琉古王朝同埋安息帝國，後嚟，薩珊王朝（二二六～六五一年）擊敗咗安息帝國，拜火教就成為咗薩珊王朝嘅國教，宗教典籍亦都開始完備靠住地理優勢，波斯地區成為宗教嘅大熔爐。到底拜火教係點樣成為第一個世界宗教呢？我哋將會以以下部分探討：00:00 開講 11:45 舞蹈宗教家——摩尼出現 28:15 拜火教之二元論 42:01 守護靈與洗禮 49:10 拜火 54:07 閃族與拜火教 58:34 影響世界 相關／延伸集數： 生活雜談EP5：中東宗教1丨亞伯拉罕諸教的初期處境：阿拉伯半島上的異教徒、共生與壓迫丨《被隱藏的眾神》生活雜談EP6：中東宗教2丨曼達安教：繼承巴比倫知識、鄙視亞伯拉罕、確信施洗約翰嘅「基督徒」?丨《被隱藏的眾神》生活雜談EP8：中東宗教4丨摩尼教背景：從馬吉安到華倫提努，諾斯底派對舊約上帝有住另類詮釋，認為物質世界係低等神明所造……丨《被隱藏的眾神》、《光明的使者──摩尼與摩尼教》生活雜談EP15：中東宗教5丨摩尼人生：從伊拉克沼澤區出生，成為橫跨歐亞嘅「光佛」，最後喺獄中戰勝死亡丨《光明的使者──摩尼與摩尼教》

    2 小时 32 分钟
  4. 精神科醫生教路：以腦科學同心理學為基礎嘅輸出法，教你立即解鎖大腦學習同成長嘅終極秘訣丨生活雜談EP32（讀書組版）丨《最高學以致用》共讀（3）

    7月10日 • 订阅者独享

    精神科醫生教路：以腦科學同心理學為基礎嘅輸出法，教你立即解鎖大腦學習同成長嘅終極秘訣丨生活雜談EP32（讀書組版）丨《最高學以致用》共讀（3）

    上兩集，我哋完成咗《最高學以致用法》嘅表達術，今次，我哋就要睇下作者點樣用腦科學x心理學嚟講講作者推介嘅輸出方法——透過書寫、記筆記同其他輸出方式，提升大腦嘅學習能力、記憶力同創意，並應用喺日常生活同工作上。 我哋會見到唔同輸出方式點樣激活大腦嘅RAS同DMN，提升記憶、創意同專注力。同時，結合腦科學研究同實戰技巧，我哋可以學到如何更有效設定目標、整理靈感同提高工作效率。 仲有每日實踐（例如寫待辦清單、記錄靈感、公開文章接受反饋等等方法），令我哋可以有個方向將將知識轉化為行動，實現個人成長同目標達成。 四之一，寫，寫得更多 四之二，動手寫，好過打字 四之三，寫筆記 四之四，當你隻手係大腦嘅相機 四之五，塗鴉 四之六，make a list 四之七，多讀多寫 四之八，快手寫 四之九，快速打字 四之十，列出待辦list 四之十一，記錄發現 四之十二，靈感1：放鬆先有創意 四之十三，放空 四之十四，靈感2：激發靈感四階段 四之十五，靈感卡仔 四之十六，做筆記 四之十七，紙與數位 四之十八，快速整powerpoint 四之十九，寫白板 四之二十，引用1 四之二十一，引用2 四之二十二，摘要 四之二十三，設定具體目標 四之二十四，實現目標 四之二十五，畫插圖 四之二十六，花小錢，買寫作 四之二十七，解決問題

    2 小时 15 分钟
  5. 蔡瀾忠告年青人：年青人唔好躺平，要玩盡呢個世界！蔡瀾最愛嘅菜色，竟然係呢道！？丨有文有路（14）丨《人生真的很好玩：是我玩這個世界，不是這個世界玩我》

    7月10日

    蔡瀾忠告年青人：年青人唔好躺平，要玩盡呢個世界！蔡瀾最愛嘅菜色，竟然係呢道！？丨有文有路（14）丨《人生真的很好玩：是我玩這個世界，不是這個世界玩我》

    原片：https://youtu.be/I1gRBozwqbk 唔知你有無喺threads／ig之類見過呢個故事？有一次夜航嘅飛機，遇到氣流，成架飛機震得好犀利，個震一直持續。有個男人一路飲酒，旁邊有個澳洲大肥佬，肥佬好驚，望住飲酒嘅男人，問到：「You die before？」飲酒嘅男人話：「I lived before。」（我活過）呢個男人，就係蔡瀾。而呢個故事，記載喺蔡瀾2022年出版嘅《人生真的很好玩》。無論係從呢個故事，定還是書中嘅文章，我哋都可以見到蔡瀾任性嘅一面，呢度所講嘅任性，唔係細蚊仔嘅無理取鬧，而係好似小朋友咁任其情性而活。而喺2025年6月25日，呢位任性嘅老頑童離世。等我哋藉由呢本書仔（《人生真的很好玩：是我玩這個世界，不是這個世界玩我》）當中嘅自述同三個故事，回顧一下佢嘅思想。本集章節：00:00 開講01:28 蔡瀾自述10:09 人間好物15:30 人間好吃🐮 Follow IG：https://www.instagram.com/cowgortalk🐂 加入讀物農莊，一齊閱讀，一齊討論！https://www.patreon.com/cowgortalk【文稿可於Patreon免費閱讀】成為頻道會員並獲得福利：https://www.youtube.com/channel/UC6i3xQE-WhlKsu9l1cqzEQw/join【聽Podcast】🎧 Apple Podcast：https://podcasts.apple.com/podcast/id...🎧 Spotify：https://open.spotify.com/show/0yFR7YK...🎧 Google Podcast：https://bit.ly/3Cknf1m🎧 KKBOX：https://bit.ly/3RneS9t

    25 分钟
  6. 《哲學與宗教全史》共讀（1）：何謂哲學、何謂宗教？思考仲有咩現代意義？日本大學校長解釋時間、馴化同宗教嘅關係丨得閒讀書會（14）丨〈序言〉〈第一章，宗教誕生之前〉

    7月10日

    《哲學與宗教全史》共讀（1）：何謂哲學、何謂宗教？思考仲有咩現代意義？日本大學校長解釋時間、馴化同宗教嘅關係丨得閒讀書會（14）丨〈序言〉〈第一章，宗教誕生之前〉

    有一個男人坐咗喺一塊岩石之上，右手手踭支撐喺左邊大髀，微微低着頭，右手手背抵住下巴。呢一個係羅丹好出名嘅雕刻作品《沉思者》。呢一個人到底喺度諗緊啲乜嘢呢？據講，羅單本人係將呢一座雕像命名為《詩人》，但係喺佢死咗之後，呢個作品就被稱為沉思者，因為重新鑄造呢一座雕像嘅工匠盧第耶認為一個雕像正喺度沉思。思考，係人類一個重要嘅特徵。法國哲學家巴斯卡就講過：「人類是會思考的蘆葦。」相比起好多動物，人類並唔高大，亦都冇尖牙利爪，唔擅長爬樹，跑得又唔快，更加唔可以喺水入邊生活。即使係咁樣，人類仍然能夠成為地球上面嘅霸主，正正係因為人懂得思考。思考，以致人類征服自然、創造文明、產生文化。但係，幸福同埋唔幸福亦都接踵而來——因為人可以思考真理，亦都可以思考虛無。無論人身處係邊一個時代，佢都總會思考。當中，有少數具有卓越思考能力嘅人，創造世界、人生、死後世界等等嘅抽象概念，並以此作為人生意義寄托。《哲學與宗教全史》嘅作者出口治明表示：「大致上來說，我認為這就是哲學與宗教逐漸形成的過程。」依家，我哋就從作者嘅人生經歷開始，睇下佢點睇哲學同宗教對佢個人嘅影響。本集章節：00:00 開講序言07:57 哲學與商場（現實） 21:35 何謂哲學、何謂宗教？用字典回答 46:16 現代回答 50:58 哲學、宗教仲有咩用？ 第一章，宗教誕生之前 01:04:40 思考時間 01:34:49 馴化與宗教逢星期三夜晚九點直播（如有字幕，字幕由ai生成，我無時間檢查，如有需要，自行取用）閱讀材料：《哲學與宗教全史》🐮 Follow IG：https://www.instagram.com/cowgortalk🐂 加入讀物農莊，一齊閱讀，一齊討論！https://www.patreon.com/cowgortalk【文稿可於Patreon免費閱讀】成為頻道會員並獲得福利：https://www.youtube.com/channel/UC6i3xQE-WhlKsu9l1cqzEQw/join【聽Podcast】🎧 Apple Podcast：https://podcasts.apple.com/podcast/id...🎧 Spotify：https://open.spotify.com/show/0yFR7YK...🎧 Google Podcast：https://bit.ly/3Cknf1m🎧 KKBOX：https://bit.ly/3RneS9t

    2 小时 41 分钟
  7. 牛哥解經（26）：細讀心經（2）——心經之融相即性觀，解「舍利子。色不異空。空不異色。色即是空。空即是色。受、想、行、識，亦復如是。」句丨印順法師，《般若波羅蜜多心經講記》

    7月5日 • 订阅者独享

    牛哥解經（26）：細讀心經（2）——心經之融相即性觀，解「舍利子。色不異空。空不異色。色即是空。空即是色。受、想、行、識，亦復如是。」句丨印順法師，《般若波羅蜜多心經講記》

    今次，我哋要睇「舍利子。色不異空。空不異色。色即是空。空即是色。受、想、行、識，亦復如是。」句（我哋簡稱為不異即是句），印順稱之為「融相即性觀──加行」。 而下一句，「舍利子！是諸法空相：不生不滅，不垢不淨，不增不滅。是故空中無色，無受想行識。」句（我哋簡稱為六不無色句），印順就稱之為「泯相證性觀──正證」。 福嚴佛學院講師釋長慈喺講解印順呢部心經講記時表示，《心經》裡面最核心嘅部分，就係「融相即性觀——加行」與「泯相證性觀——正證」。而所謂「融相即性觀」，釋長慈解釋到：「「融」可以理解為銷融，就是銷融性跟相的相離隔別而明性相之相即，也就是性相相即觀。」（「2014年印順導師思想巡迴講座暨座談會」講稿） 而「融相即性觀——加行」當中嘅「加行」，就係加行觀，依我理解就大概係工夫。釋長慈表示：「所說的加行觀就是觀察一切法的緣起，依緣起而觀空，然後觀空不壞緣起。」佛法嘅工夫就係觀法嘅緣起，依緣起觀空，但又唔係要以空嚟cancel法或者緣起。而「不異即是」句係「六不無色」句嘅前方便，亦即係要由「不異即是」句，慢慢引進到「六不無色」句。 今次，我哋就睇睇「不異即是」句點樣呈現「融相即性觀」。但你記住唔好只聽呢集，因為「不異即是」句同「六不無色」句，關係非常緊密。 舍利子：點解《心經》要問舍利子？ 色不異空。空不異色：不異嘅意思 色即是空。空即是色：即是，其實有回應其他宗派嘅意味 受、想、行、識，亦復如是。：明白以上道理，就明白呢句意思 小結：講講點解「不異即是」句係前方便

    48 分钟
  8. 社會心理學家：「社群媒體對女孩的傷害大於男孩」，女性更容易沉迷社交平台！？原因在於天生嘅性別傾向丨有文有路（13）丨《失控的焦慮世代》

    7月4日

    社會心理學家：「社群媒體對女孩的傷害大於男孩」，女性更容易沉迷社交平台！？原因在於天生嘅性別傾向丨有文有路（13）丨《失控的焦慮世代》

    上兩集，我哋提到社交平台令整體青少年更易陷入「內化型障礙」（internalizing disorders），亦即係焦慮、抑鬱，以及社交平台滿足唔到一個理想童年所需要嘅親身遊玩。其實，從更小嘅角度講，社交平台對兩性嘅影響各有不同，而社會心理學家喬納森・海特（Jonathan Haidt）喺《失控的焦慮世代》指出：「社群媒體對女孩的傷害大於男孩。」原因在於，雖然男女心理上喺好多方面上非常相似，但係有一啲事實上嘅性別差異「是跨文化與跨時代的普遍現象。」——人類內心普遍存在住兩套動機或目標，分別係自主性（agency）同共融性（communion），而研究發現，男性傾向專注喺自主性，而女性傾向專注喺共融性，呢個傾向嘅不同，導致社交平台對兩性嘅影響有所唔同。今集，係有文有路嘅第13集，有文有路，文化方見道，我哋會藉由了解共融性，理解社交平台對女性嘅損害。依家，我哋先由社交平台危害女性嘅數據開始入手。本集章節：00:00 開講01:44 社交媒體危害女性之證據07:50 自主與共融11:44 第一個負面影響🐮 Follow IG：https://www.instagram.com/cowgortalk🐂 加入讀物農莊，一齊閱讀，一齊討論！https://www.patreon.com/cowgortalk【文稿可於Patreon免費閱讀】成為頻道會員並獲得福利：https://www.youtube.com/channel/UC6i3xQE-WhlKsu9l1cqzEQw/join【聽Podcast】🎧 Apple Podcast：https://podcasts.apple.com/podcast/id...🎧 Spotify：https://open.spotify.com/show/0yFR7YK...🎧 Google Podcast：https://bit.ly/3Cknf1m🎧 KKBOX：https://bit.ly/3RneS9t

    24 分钟
查看全部 286 集

预告

评分及评论

5
共 5 分
8 个评分

关于

牛哥講經，用廣東話詮釋經典畀你聽。 🐂🐂🐂🐂🐂 夜晚瞓唔著就睇書，睇書就記錄下所思所想。主要睇哲學、政治、歷史。 香港人，就用香港話講經。每星期開講。 Instagram： @cowgortalk YouTube：讀物農莊 Anybooks Farm Patreon： patreon.com/cowgortalk 文字版：cowgortalk.wordpress.com 如果對會員podcast (牛哥解經、西哲幼稚園、生活雜談）有興趣，記得成為Patreon會員；或者參加到Spotify 嘅Paid Subscriber: https://podcasters.spotify.com/pod/show/cowgortalk/subscribe 可以去https://open.spotify.com/show/6arTIDfqLrebjBvibr811k?si=c52990eb056a4dbe 睇睇會員podcast嘅主題！ 期待你嘅加入！

信息

你可能还喜欢

若要收听包含儿童不宜内容的单集，请登录。

关注此节目的最新内容

登录或注册，以关注节目、存储单集，并获取最新更新。
选择国家或地区

非洲、中东和印度

亚太地区

欧洲

拉丁美洲和加勒比海地区

美国和加拿大