有陣時真係覺得人好奇怪，。當你開始緊張一個人，或者唔好講緊張，應該係開始在乎一個人嘅時候，個心就會變得好敏感。你會無時無刻都想知佢而家做緊乜，有冇諗起自己。
呢種感覺好奇妙，又有啲令人不安。平時自己一個人嘅時候，幾鍾意自由自在，冇人管束。但係一旦心入面有咗一個人，成個世界都好似變咗。手機唔敢離身，怕錯過佢嘅信息；見到未接來電，第一反應就係佢打嚟嘅。
最奇怪嘅係，如果佢冇主動話你知佢嘅行程，個心就會莫名奇妙咁失落。明明知佢可能只係忙緊工作，或者同朋友聚會，但係腦入面就會不停咁諗：點解佢唔話我知？係唔係唔在乎我？甚至會諗，佢而家係咪同其他人玩得好開心，已經忘記咗我。
有時自己都會覺得好笑，點解會變成咁樣？以前仲笑朋友為咗愛情變得痴痴呆呆，依家輪到自己先明白，原來當你真係在乎一個人嘅時候，真係會變得好「小氣」，好「敏感」。佢一句無心嘅說話，你會諗成日；佢一個微小嘅動作，你都會放大來睇。
但其實呢種感覺又幾甜。因為在乎，先會緊張；因為鐘意，先會掛念。雖然有時會因為過度在乎而感到不安，但係當收到佢嘅信息，聽到佢嘅聲音，或者只係見到佢嘅笑容，所有嘅不安同失落都會即刻消失。
原來呢個就係喜歡一個人嘅感覺，會令人變得奇怪。你會開始學識體諒，學識等待，學識將一個人放係心入面最重要嘅位置。就算有時會因為在乎而傷心，但係更多嘅時候，係因為呢份在乎而感到幸福。呢種又甜又酸嘅感覺，大概就係愛情最真實嘅樣。
03:05 MC張天賦-老派約會之必要
信息
- 节目
- 发布时间2025年8月11日 UTC 12:47
- 长度7 分钟
- 分级儿童适宜