社群咧衝啥

亞特,Rti
  • 0.0 (0)
  • RELATIONSHIPS
  • UPDATED WEEKLY

使用台語談論社群時事，第一個遇到的問題就是「這個詞台語怎麼說？」，許多人自認的「台語很好」其實僅侷限於低限度的簡易日常生活用語；然而當代社會資訊爆炸，每天都有新事物出現、即使是兒童的生活用語，也已過去大不相同，台語需要在這樣的快速變動中，迅速趕上，除了專家學者訂定的新詞辭庫，更需要在網路上、生活中、媒體內容裡都被不斷被使用，才有機會補足「台語沒人這樣說」的刻板印象。《社群咧衝啥》給你網路爆紅話題、有趣的人事物或社群流行趨勢解析，「社群咧衝啥，台語綴時行！」 -- 前往＞＞央廣臺灣台語迷眾頁聽友來函：atlantis919@rti.org.tw 【揣著亞特】 亞特陪你káng台語 亞特陪你káng台語✪ 亞特節目

Episodes

  1. 2D AGO

    字典咧衝啥？學習台文靠芋圓，緣投少年揣回母語舌 ft.芋圓╱APP開發工程師

    想欲學台文佮台語，你需要好家私，一上線就引起濟濟討論的台語字典APP－芋圓字典的開發者「芋圓」本人來矣！猶真少年的芋圓捌佇國外生活幾若年，嘛捌做過教外國人講華語的Podcast頻道，是按怎落尾會想欲來開發台語字典APP咧？聽講伊是沓沓仔共母語抾轉來，對「一句講就袂曉話」，到會當全台語演講，這个過程是按怎做會到？ 而且節目一開始，芋圓就雄雄喈(kainn)甲哼哼呻，到底亞特是講啥，予伊歹勢甲？！

  2. AUG 21

    西拉雅咧衝啥？祖靈公媽我是啥人？我的姓是Akatuang ft.段洪坤╱西拉雅族部落發展促進會理事長

    「(演講)時間不夠矣，我是原住民，應該會使『加分』啦乎？」這是西拉雅族人Alak Akatuang(段洪坤)佇一場演講內底所講的笑詼。毋過這个表面看來是咧剾洗原住民時常面對的考試加分話題變做笑詼，話仁內底煞是閣再反轉，直接對著原住民平埔族群爭取正名的相關議題。 是啥物情形，會予家己的阿舅當面講出「你人不做，欲做番？！」一个西拉雅人成長過程當中的疑問，以及族群意識的覺醒會是啥物款？西拉雅族人爭取的正名又閣是啥？這集咱對雲南大理國段氏皇族(？)講起，一直到妖精按怎修煉成人(？)……話題走精？聽落去你就知。

  3. AUG 14

    刑案咧衝啥？Twitter面頂九人被害，酷刑分屍藏佇厝內 ft.唐墨╱作家

    ※本集包含暴力血腥內容，無適合囡仔收聽，請斟酌！ 2025年6月，日本執行一件死刑，犯人號做「白石隆浩(しらいし　たかひろ)，伊佇2017年8-10月期間，利用社群平台Twitter(現此時改名做『X』)，走揣有鋪文表示孤單、想欲自殺的查某囡仔，共遮的人誘拐到稅厝的公寓殺害，三個月內攏總刣死九人，這个驚動規个日本的「座間九人殺害事件」，到底是發生啥代誌？內底又閣牽涉著啥款社會文化佮死刑議題？這集邀請推理小說作家唐墨，做伙來開講這件驚天動地的刑事案件。

  4. AUG 7

    時行語咧衝啥？「蛋雕」、「泉」、「虫合」到底是啥物？社群用語講透機 ft.宜蘭╱廣播人

    來賓：宜蘭╱廣播人 「蛋雕」、「泉」、「虫合」到底是咧講啥？網路時行語定定予人捎無摠？「已購買，小孩愛吃」、「急了」、「很躁」台語又閣會使按怎講？這集亞特邀請佇開播集誠受歡迎的宜蘭再度來做客，這回咱來講網路頂有人整理出來的「2024網路時行語」，遮的詞你敢攏看有？欲綴會著網路社群千變萬化，時行語咱著加知寡，做伙來熟似兼解破，才會知影目今囡仔咧講啥。

  5. JUL 31

    電子冊咧衝啥？冊無印佇紙簿，敢是未來的出路？ ft.鄭清鴻╱前衛出版社主編

    中國品牌的電子冊閱讀枋(讀冊機)出現資安顧慮，佇網路社群引起真濟討論，連帶嘛予「電子冊」的價值到底佇佗的討論愈絞愈鬧熱，真濟人認為電子冊無實體印刷的成本，照理應該賣比實體的紙冊較俗，毋過目前市面上電子冊的價數佮紙本冊其實精差無濟，「機關安佇倉庫，其中必有緣故，冊無印佇紙簿，敢是未來的道路？」 咱欲按怎看待電子冊這款產品？電子冊生產又閣有啥物款難題？你敢有電子冊閱讀枋？或者是你敢會想欲愛一塊？這集邀請前衛出版社主編鄭清鴻，來共電子冊佮紙冊之間的愛恨情仇講透流。

  6. JUL 24

    高雄咧衝啥？台灣上衝的港都，好食好耍無崁步 ft.夕陽武士

    這幾年高雄變做台灣演唱會的中心，世界各國的歌手、樂團攏來到高雄開唱，也連帶共高雄的觀光旅宿規个𤆬起來，高雄景點、美食佇社群平台嘛時常成做關鍵字，這集邀請高雄在地搖滾樂團「夕陽武士」來做導覽先生，替逐家𤆬路踅高雄，外行綴人買，內行看布底，想欲揣著在地人的「橐袋仔清單」，就毋通落勾這集，是講……亞特佮來賓怎會一開頭就先得失台南……？ -- 2025 夕陽武士《下港少年回頭望》巡迴 家鄉最終場資訊： 時間：8/16（六）18:00  地點：高雄 海邊的卡夫卡－高流店 售票連結：https://kafka.kktix.cc/events/sunsetsamuraikafka

  7. 劇場咧衝啥？台魂西骨講有影 台頂腔口漳泉拚 ft.施冬麟╱劇場演員

    JUL 17

    劇場咧衝啥？台魂西骨講有影 台頂腔口漳泉拚 ft.施冬麟╱劇場演員

    來賓：施冬麟╱劇場演員 佇網路社群時常會使看著人問起台語某某詞的發音，眾人留話的講法是定定無啥款，這時「腔口差」就會變成討論的話題，金枝演社2025年推出以「漳泉拚」做背景的台語舞台劇《整人王－新編邱罔舍》正正就是提「腔口差」來做話題的戲劇演出，看漳腔佮泉腔二个家族大捙拚，互相剾洗、看袂順眼，又閣看二爿的查埔囡仔佮查某囡仔相意愛，這層親事敢有可能講會定？聽講若欲會合和著靠邱罔舍？邱罔舍是何許人也？江湖傳說前世是鱸鰻精，這世佇人間捙龜弄甕干干仔人閣好額，想袂到伊的背後嘛有一段故事講無人聽，來來來，耳空著洗予清，人著坐予定，咱來聽搬演邱罔舍的演員施冬麟(小冬)，按怎講出邱罔舍的心聲。

  8. 阿媽咧衝啥？95歲做網衝，阿媽講古孫經營 ft.金棗阿媽、金孫

    JUL 10

    阿媽咧衝啥？95歲做網衝，阿媽講古孫經營 ft.金棗阿媽、金孫

    來賓：金棗阿媽、金孫 台灣上濟歲，嘛上古錐的網衝「金棗阿媽」來矣！！佇社群平台Instagram頂頭因為講古衝甲掠袂牢的「金棗阿媽」猶閣有幕後的經紀人、製作人兼查某孫的「金孫」，做伙來到「社群咧衝啥」分享阿媽是網衝的感想，70歲就感覺人已經無路用矣的金棗阿媽，佇95歲開創事業第二春，心境有啥款變化？金孫為欲經營阿媽的社群口座，拍拚學習台文，敢有啥物感想？這集咱來做伙了解，金棗阿媽的「網衝之路」。 -- 前往＞＞央廣臺灣台語迷眾頁聽友來函：atlantis919@rti.org.tw 【揣著亞特】 　 亞特陪你káng台語　 亞特陪你káng台語　✪ 亞特節目 　 金棗阿媽來講古 在 Instagram 查看這則貼文 Rti腦癢央（@rti.nownow）分享的貼文 在 Instagram 查看這則貼文 Rti腦癢央（@rti.nownow）分享的貼文

  9. 【開播集】社群咧衝啥？Modem直直喈，彼个社群拄興的時代 ft.宜蘭╱廣播人

    JUL 3

    【開播集】社群咧衝啥？Modem直直喈，彼个社群拄興的時代 ft.宜蘭╱廣播人

    來賓：宜蘭 燒燙燙的社群話題、熱唿唿的網路笑詼，對Modem喈喈叫到手機仔掰甲手扭著，對少年人的花花世界到序大人逐工佇遐Line；網路社群上奅的、上衝的，台語攏總無落勾，社群咧衝啥，台語綴時行。 開播頭一集，揣來廣播界的資深主持人宜蘭做伙來回想Modem撥接的年代，阮的社群青春，你敢猶會記得網路猶是電話線撥接的年代？網路時行的「聊天室」？猶有遐的綴Facebook做伙出現、予你無瞑無日的社群遊戲？半瞑去人兜偷挽菜？Candycrush耍甲會受氣？猶有彼隻「憤怒」的鳥仔？ 這集，咱做伙來回顧社群青春。 -- 前往＞＞央廣臺灣台語迷眾頁聽友來函：atlantis919@rti.org.tw 【揣著亞特】 　 亞特陪你káng台語　 亞特陪你káng台語　✪ 亞特節目 　 寶島少年兄

  • 9 Episodes

About

使用台語談論社群時事，第一個遇到的問題就是「這個詞台語怎麼說？」，許多人自認的「台語很好」其實僅侷限於低限度的簡易日常生活用語；然而當代社會資訊爆炸，每天都有新事物出現、即使是兒童的生活用語，也已過去大不相同，台語需要在這樣的快速變動中，迅速趕上，除了專家學者訂定的新詞辭庫，更需要在網路上、生活中、媒體內容裡都被不斷被使用，才有機會補足「台語沒人這樣說」的刻板印象。《社群咧衝啥》給你網路爆紅話題、有趣的人事物或社群流行趨勢解析，「社群咧衝啥，台語綴時行！」 -- 前往＞＞央廣臺灣台語迷眾頁聽友來函：atlantis919@rti.org.tw 【揣著亞特】 亞特陪你káng台語 亞特陪你káng台語✪ 亞特節目

Information

  • Creator
    亞特,Rti
  • Years Active
    2K
  • Episodes
    9
  • Rating
    Clean
  • Copyright
    © Copyright 2018-2025 Rti - For Personal Use Only
  • Show Website
    社群咧衝啥

You Might Also Like