西拉雅咧衝啥？祖靈公媽我是啥人？我的姓是Akatuang ft.段洪坤╱西拉雅族部落發展促進會理事長

「(演講)時間不夠矣，我是原住民，應該會使『加分』啦乎？」這是西拉雅族人Alak Akatuang(段洪坤)佇一場演講內底所講的笑詼。毋過這个表面看來是咧剾洗原住民時常面對的考試加分話題變做笑詼，話仁內底煞是閣再反轉，直接對著原住民平埔族群爭取正名的相關議題。

是啥物情形，會予家己的阿舅當面講出「你人不做，欲做番？！」一个西拉雅人成長過程當中的疑問，以及族群意識的覺醒會是啥物款？西拉雅族人爭取的正名又閣是啥？這集咱對雲南大理國段氏皇族(？)講起，一直到妖精按怎修煉成人(？)……話題走精？聽落去你就知。