深耕廣播道

深耕廣播道 by 誌HK FEATURE

0.0（0則評分）
每日新聞

深耕廣播道

深耕廣播道由誌 HK FEATURE 記錄香港香港有誌製播。深耕廣播道目前節目由香港獨立記者關震海、小琳、李雨夢、湯珮然各別主持，節目內容由社區動向到香港政經，不定時更新與讀者聽眾分享書評、世界各地新聞等。歡迎訂閱收聽深耕廣播道支持獨立媒體歡迎訂閱誌 HK FEATURE 會員訂閱制每月$135 集齊誌誌本印刷報刊

2022/03/10

「離港前一個月我中咗Omicron」

此文章是根據受訪者訪問內容，以第一身撰寫我是一個90後，媽媽半年前已經離開香港，而我則原本打算3月中移民。農曆年期間（2月限聚令頒布之前）我係一個90後，媽媽喺半年前已經離開香港，而我本身都打算喺三月中移民。所以新年期間、二人限聚令實施前，我就爭取時間同三個朋友在家聚會，傾下移民前嘅準備同將來嘅打算。其中一位朋友當晚有流鼻水，不過佢一直也有鼻敏感，當時都無其他病徵，所以大家就如常食飯。「喂喂？你有冇病？我好似中咗。」第二日朝早，我就被朋友嘅電話嘈醒，一接聽電話，朋友就問我有無出現omicron嘅病徵，而佢尋晚返到屋企，都開始發燒、肌肉無力同骨痛，而我亦開始出現發燒嘅徵狀。後生仔懷疑自己確診，第一時間好自然喺Google Search「懷疑確診的做法」，但今次完全無用。因為政府嘅防疫措施改完又改，網上資訊超級混亂，根本就無渠道令懷疑確診嘅人可以跟從。我用咗好多時間去查衛生署資料，先發現官方嘅指引每天都變緊，而且要仔細睇PDF檔案，碌到最後一頁，先見到俾呈陽性人士嘅建議，我已經忍唔住鬧爆「超唔organised！」，最重要嘅資訊竟然唔係放喺最前俾人睇，可以想像到，老人家又點會花時間去研究呢？新年個陣，每天確診人數介乎200至300人。政府當時咬牙切齒話要「清零」。估唔到，事實反映區區300宗個案就可以「打爆」防疫系統。一開始我都試過聯絡衛生署，打過好多次都無人聽，就唯有去藥房買快速測試棒。 ————————————- 我好怕搭車會傳染到人，所以我自己行去附近嘅萬寧。到埗時先發現所有快測棒都被人買晒。售貨員幫手睇埋附近分店，都完全無貨。而家嘅困局係，你要知道自己有無染疫，就只可以拎「樽仔」做深喉唾液檢測。去到診所之後，醫生好似一早就知衛生署嘅安排混亂，他索性唔派樽仔俾我，反而叫我在家休養，勸我先休息一下，再睇下個病點。佢仲語重深長問我：「你真係要知道結果？真係要知嘅你先再去政府檢測中心喇。」我其實都想知自己究竟有冇中招，所以就走去檢測中心。一去到，員工就話，「樽仔」派晒，當我同員工說明自己已開始發燒，他就好激動話「發燒你就返屋企喇，仲周街走？我唔知你點喎，你走喇」，就咁打發咗呢個懷疑確診人仕。喺無可奈何嘅情況下，我就只能返到屋企，打俾上司「備案」，話自己會留喺屋企隔離14日。好彩佢都好諒解，覆咗句「你搞掂自己先返工喇，唔好擔心」。因之前已經有同事嘅家人確診，他都有分享返當時嘅經歷，當時佢地一家人係密切接觸者，就畀人帶晒去竹篙灣隔離營。期間所有家庭成員都係呈陰性，但就無故被「囚禁」咗10多日，而同事嘅親戚每日都打電話去衛生署鬧，問佢哋「點解冇病都要去竹篙灣隔離」？最後因社區嘅陽性個案係咁升，同事一家人未住滿14天，就被趕出竹篙灣，大家聽完都唔知好嬲定好笑。朋友同事都認為，如打唔通衛生署熱線，病徵又唔重，咁不如自己買成藥，在家休養。 ————————————- 媽媽已離開香港，我同老豆一齊住，我最擔憂老豆。佢反而好放心，可能佢太相信政府，覺得有一日點都會清到零。不過返工係佢首要嘅事，我相信即使佢呈陽性，佢同佢嘅同事都會繼續返工，其實都有唔少日薪工唔返工就「手停全家口停」。老豆嘅公司每天都會要求員工做快測，他一直都係除性，所以我喺第三日便幫他訂了附近一間酒店房，等我可以自己留喺屋企隔離。第一天懷疑自己染疫嘅狀況下，我竟然能夠同人交代同處理咁多「行政」程序，覺得自己真係唔簡單。返到屋企坐在電腦前面，「荒謬」、「混亂」呢兩組詞語開始喺腦海中不斷浮現。愈睇資料，心情愈差。你會發現，政府連delta同omicron嘅病患都無分開紀錄，萬一我入住隔離營嗰陣，同其他患者交叉感染，病情係咪會更糟糕呢？所以，我內心其實一直都想避免入住竹篙灣，都係心存僥倖，希望衛生署爆煲就仲好。當官方都處理唔到，咁我自己居家隔離，存在嘅變數就更少，反而更安全。當晚聚會中，其中一個朋友同我地背道而馳，佢堅信要跟住所有官方嘅防疫指令，所以堅持向政府如實申報佢確診嘅事，否則就是「講大話」同「不科學」。所以佢早已向衛生署申報自己確診，同時「企硬」，話如衛生署搵他，他就一定會公開我地嘅資料俾衛生署。相比起病，呢件事反而令我更頭痛，結果我地就開咗個group，同當晚會面過嘅朋友討論之後嘅應對方法。同佢們傾咗一陣之後，便會明白點解佢要咁「聽話」，即使喺政府咁混亂嘅狀態下，佢都要如實申報，係因為公司唔會無端端俾你放14日假期，佢一定會要求你證明自己「病」咗，呢個都係點解社區檢測中心會大排長龍嘅原因。 ————————————- 留喺屋企第四日，都退晒燒喇，純粹有兩聲咳。第八日開始已經感覺身體完全恢復了，我亦托親戚買咗快速測試棒，掛哋我屋企門口。到第十二日，我就開始做快速測試，連續兩天都呈陰性，第十四日我就自行放監了。而最「聽話」的朋友，喺申報咗陽性結果嘅第五日，衛生署先聯絡他，要他兩天內執好行李，準備入住竹篙灣。弔詭嘅係，衛生署之後一直無派人嚟接走佢。再過兩天，他先收到消防處打嚟，要他入住亞博接受隔離。不過，當時他已經轉陽為陰，又因為知道亞博嘅衛生情況特別惡劣，他就一口拒絕咗。今日諗返起離港前嘅一個月，竟經歷了如此荒謬嘅景況。這個「自把自為」嘅處理方法，放在二月中呢個時空算係「犯晒法」，但係事隔一個月，每日確診個案已經去到五萬單咁多，而政府嘅指引同我當時自我隔離方法都差無幾喇。我同班朋友每日都嘗試努力咁如常生活，政府就以科學為名，為清零而清零，將病患者搬離社區就等同清零？結果呢，就係要病咗嘅長者瞓喺醫院出面，變相謀害市民性命。

9 分鐘
2022/02/27

【誌 HK FEATURE】重慶大慶變死城「疫苗通行證」玩殘小店主

主持/關震海受訪者/ 重慶大廈小食店業主 SHAH 相關報道：抗疫基金不支援「疫苗通行證」訊息混亂重慶大廈15年小食店撐唔住或回鄉求生｜獨立記者黃雅文報道第五波疫情由1月開始肆虐，確診數字過萬，在「清零」與「與病毒共存」的抗疫政策之間，政府選了前者。防疫措施一再收緊，禁晚市至4月20日，未來兩個月看不到將來，食肆苦不堪言，小食店更在結業邊緣。本月(2月)24日實施「疫苗通行證」，無打針者在商場門前止步，令平日車水馬龍，人流如鯽的重慶大慶變成一座「死城」。兩間小食店向《誌》透露札根香港多年，政府防疫政策朝令夕改、資訊混亂，今日的生意已直插谷底，撐無可撐，正計劃結束多年的心血，更有東主不排除攜幼舉家告別香港回鄉求生。香港不少飲品店、小食店以「食物製造廠牌照」經營，在第一輪防疫抗疫基金得到支援後，「食物製造廠牌照」在第二至第六輪防疫基金下一直被剔除在外，未能得到政府支助以解燃眉之急。分別在重慶大廈營運15年及3年的小食店東主Mr Shah及Tess指，如仍未能獲得援助，將會在兩個月內結業。

4 分鐘
2021/10/18

【誌 HK FEATURE】說書，說《壹街一個故事》

被遺忘的新東血淚史《壹街一個故事新東篇》好多人講本土歷史，忽略了新界這片大草原。新界以前有耕田有牛，亦有它濃厚的本土歷史。1898年，英國簽訂了《展拓香港界址專條》，租借新界99年。英政府決定於1899年在大埔升英國旗，惹來原居民以竹枝反抗，新墟青年展開一場反英戰，令英兵且戰且退，舊墟中年卻不動聲色，靜觀其變。新界抗英第一戰，還觸發了一場世代之爭。余震宇老師繼港島、九龍，今次新作《壹街一個故事新東篇》記錄了新界東的歷史面貌，書中很多未曾被討論的珍貴歷史，一收藏在此書中。嘉賓介紹丨余震宇香港舊照片創辦人中學教師業餘歷史研究者、專欄作家著有「消失中的風景」及「壹街一個故事」系列書介如果街道有記憶，《壹街一個故事》是一本橫跨世紀的日記。作者在書中帶讀者遊走新界東的街道，重訪歷史上的大小場景，讓繁華都市的小故事得以重現。將軍澳／調景嶺／馬鞍山／西貢／沙田／大埔／沙頭角、落馬洲／上水／粉嶺；走進新界東角落，尋找新市鎮發展前的原貌。壹街一個故事新界東篇 / 作者: 余震宇出版: 日閱堂出版社出版日期: 2021/07 頁數: 224 ISBN: 978-988-8687-83-1 壹街一個故事　九龍篇II：九龍街道與社會大事 / 作者: 余震宇出版: 日閱堂出版社出版日期: 2020/09 頁數: 256 ISBN: 978-988-852-6871 丨書介丨如果街道有記憶，《壹街一個故事》是一本橫跨世紀的日記。作者在書中帶讀者遊走九龍區的街道，重訪歷史上的大小場景，讓繁華都市的小故事得以重現。尖沙咀／油麻地／大角咀／紅磡／馬頭涌、馬頭角／九龍城／九龍寨城／大坑東、大坑西／九龍塘、九龍仔／深水埗、長沙灣／油麻地避風塘記錄香港幾件重要社會大事的始末，新與舊之間的影子重疊，距離漸漸模糊。

22 分鐘
2021/09/23

【誌 HK FEATURE】《無權勢者的力量》發問是極權下最基本的防禦

#哈維爾《無權勢者的力量》，一讀再讀，讓我們重拾方向。哈維爾經常用蔬果舖老闆作例，他貼、或不貼政府遞來的「全世界工人階級團結起來」文宣海報，背後隱藏着他有沒有意識脫離意識形態的軌跡。 2019年前或今天，香港百姓有沒有遇到捷克生果佬的遭遇？政黨要求排檔貼選舉海報時，他們的反應如何？我現在鑽研哈維爾一字一句，是否代表香港之前沒有意識形態決定我們的一言一行。主編今次以自己採訪故事，分析意識形態就像空氣決定了香港人的行動、思想，我們如何在不自覺地進入這「規則」。活在我們發問也未必有結果的年代，我們還需要問一條問題，保留一點真？

27 分鐘
2021/09/14

【誌 HK FEATURE】《目露凶光》林嶺東遇上劉青雲閱《嶺上起風雲》

主持/關震海林嶺東較為觸目的電影，他在音樂、氣氛、角色、情節、結尾，都是統一安排，往往去到結尾，就會來個來個大爆發。《嶺上起風雲》一書中，劉青雲將林嶺東和其他合作的導演如杜琪峯作比較，林嶺東不會中途改劇本，而杜琪峯那類型的導演不會放過任何的可以創作的機會。曾任林嶺東副導演鄭保瑞，他這樣形容林導：「我們在現場未必看到東San的魔法，然而當他一剪完片再看，那個魔法就會出來」。這個魔法，《嶺上起風雲》為我們揭開林嶺東創作的面紗。

14 分鐘
2021/07/16

【誌 HK FEATURE】區議員辭職了社區怎麼辦？

主持/關震海嘉賓/郭文浩流傳會DQ區議員的日子越來越近，踏入7月，我們已經歷了幾個區議員嘅大辭職日，現在合計辭職的區議員人數已超過200人。區議員辭職後，社區如何建立社區關係，今次我哋請來第一次當選嘅年輕區議員郭文浩（阿YO），他在天水圍天晴邨做出不少突破，街坊在區議員辦事處搞交換二手書，一齊商討建設社區，他們替清潔工爭取取消同工不同酬的問題。阿YO辭職之後，天晴邨可唔可以Be Water，邨民當家，自己組織起來？

34 分鐘
2021/07/06

【阿夢的耍廢週記】我在蘋果的日子

加入蘋果日報港聞組3年的李雨夢，現為獨立記者。蘋果日報的消逝的對她而言造成相當大的衝擊。李雨夢直言在蘋果的消逝之後，突如其來的衝擊讓她陷入悲慟情緒久久不能自已。阿夢快問快答 Q：請問你在蘋果工作多久？ A：3年 Q：在蘋果主要負責什麼？ A：港聞採訪 Q：簡述在蘋果工作期間遇到最衝擊/最挫敗的事 A：2019年反修例運動採訪 Q：蘋果的消失有沒有給你帶來什麼領悟？ A：新聞自由並非必然，如果沒有真正的民主作為基礎，所謂新聞自由都是脆弱甚至不堪一擊。

34 分鐘
2021/06/17

【誌 HK FEATURE】填高山建高樓剷走青衣綠化帶

主持 / 關震海、劉曉靖嘉賓 / 青衣島民成員王必敏及媚姨 5月11日，規劃署、土木工程拓展署及房屋署向葵青區議會提出「青衣西路公營房屋發展計劃」，將曉峰園東南處、與長康邨只相隔了一條青衣西路的「綠化地帶」改劃為住宅用地，並初步計劃興建3座220米高的大樓，提供約3800個公營房屋單位，預計容納人口為10300人。然而，計劃一出，不少居民在網上反映該區交通設備不勝負荷；葵青區議會亦在會上一致反對，並要求暫緩計劃。在該處興建房屋，實際上會對附近已有屋邨居民會造成甚麼影響？該綠化地帶又有何生態價值？今集請來王必敏和青衣島民媚姨，從當區居民的口中，更實在地了解一下計劃中的「青衣西路以西地帶」是怎樣的地方？

35 分鐘

顯示全部 (14)

深耕廣播道由誌 HK FEATURE 記錄香港香港有誌製播。深耕廣播道目前節目由香港獨立記者關震海、小琳、李雨夢、湯珮然各別主持，節目內容由社區動向到香港政經，不定時更新與讀者聽眾分享書評、世界各地新聞等。歡迎訂閱收聽深耕廣播道支持獨立媒體歡迎訂閱誌 HK FEATURE 會員訂閱制每月$135 集齊誌誌本印刷報刊

創作者

深耕廣播道 by 誌HK FEATURE
活躍年代

2021年 - 2022年
集數

14
年齡分級

兒少適宜
版權

© 深耕廣播道 by 誌HK FEATURE
節目網站

深耕廣播道