04# له‌ A تا Z ــی ژیانی كار و كاركردن - پۆدكاستی پەنجەرە

لە کۆمەڵگەی کوردەواریی خۆماندا، بە شێوەیەکی گشتی هەتاوەکو دوای تەواو کردنی قۆناغەکانی خوێندن کار ناکەین، وە پاش تەواو کردنی خوێندنیش، یەكێك لە بەربەستەكانی بەردەممان نەبوونی ئەزموون و شارەزاییە دەربارەی بازاڕی کار، کە لە هەموو شوێنێکی کارکردن داوامان لێ ئەکەن دەربارەی و لەبەر ئەوە کارمان دەست ناکەوێت و تووشی فشارێکی دەروونیی زۆر دەبین. لە پەنجەرەی ئەم جارەماندا، کاک ڕزگار لاین، کە خاوەنی ئەزموونێکی زۆری کار کردنە لە بواری ڕاوێژکاریی کار لە دامەزراوە جیاوازەکاندا، بە شێوەیەکی سادە و ڕەوان زۆرینەی فشارەکانمان بۆ دەڕەوێنێتەوە دەربارەی ژیانی كار و کارکردن. بۆمان ڕوون دەکاتەوە کە پێش و پاش تەواوکردنی خوێندن چی بکەین، تاوەکو ئەزموونێکی باش دەربارەی بازاڕی کار پەیدا بکەین و ببینە هەڵبژاردەیەکی گونجاو و نایاب بۆ کارکردن لە کۆمپانیا و دامەزراوەکان یاخود دامەزراندنی کاری سەربەخۆی خۆمان.