Apsavārtys i atzeimuotys patvertnes krizis situacejom. Kas tuoļuok?

Piec objektu apsavieršonys Rēzeknis vaļstspiļsātā atzeimuotys 29 civiluos aizsardzeibys patvertnes ci globuotivis, nu jūs septenis eisuo laika uzaturiešonys vītys atsarūn vaļsts eipašumā, bet 22 ir pošvaļdeibys eipašums. Kab ļauds zynuotu par vareibu pasagluobt katastrofu, militaruo ībrukuma voi kara gadīnī, globuotivis, kas piļneibā voi daleji atbiļst minimalajom civiluos aizsardzeibys praseibom, ir atzeimuotys ar informativom zeimem. Kūpā Latvejā itūšaļt ir atzeimuots pi 960 globuotivu, kurymuos vītys byutu ap pusmiļjonam cylvāku. Par par patvertnem ci globuotivem, cik tuoli pošvaļdeibys ir tykušys ar jūs sakuortuošonu, pīmāruošonu, kai nūteik dzeivuotuoju informiešona ap tū, kai globuotivis juolītoj i kas juodora krizis situacejuos voi tai saucamajā X stuņdē, sarunā ar VUGD Latgolys regiona puorvaļdis guņsdrūšeibys izraudzeibys i civiluos aizsardzeibys nūdalis inspektoru Vitāliju Bogdanovu, Rēzeknis nūvoda komunalinženeru, civiluos aizsardzeibys komisejis sekretaru Vitāliju Kauškali i Rēzeknis vaļstspiļsātys pošvaļdeibys civiluos aizsardzeibys puorvaļdnīku Pāvelu Savicki.