【EP 24】無界限開咪～《聽說長洲》係香港世代交替嘅縮影？

長洲係全港人煙最稠密嘅離島，人口有成兩萬！肯定唔係個個島民都包糯米糍、食大魚蛋、賣平安包啦，到底仲有咩面貌係我哋未知嘅呢？

兩位長洲人Sim同Yoyo合著《聽說長洲》，幾年間寫起25篇訪問同長洲大小趣聞舊事。雖然「兩代」係其中一章，但手藝同事業嘅繼承貫穿整本書，反映世代交替下，有啲嘢無奈失傳、有啲嘢得以流傳甚至創新。

呢本書出版後，又會唔會成為某個新人與某件舊事嘅契機？